ທ້າວຄຳຢາກຖືກເລກ

ຂຽນເມື່ອ December 24, 2013, ໃນຫມວດ ໄອເດຍ. (ອ່ານ 681 ຄັ້ງ)

ມີເລື່ອງຕະລົກແຝງຂໍ້ຄິດດີໆມາເລົ່າໃຫ້ຟັງ ດຽວຈະສະເຫຼີຍບົດຄວາມເຕັມໃຫ້ອ່ານກັນບາດນຶ່ງໃນໂພສໜ້າ

ເລື່ອງມັນມີຢູ່ວ່າ ກາລະຄັ້ງນຶ່ງດົນນານມາແລ້ວ ມີຊາຍຄົນນຶ່ງຊື່ວ່າ ທ້າວຄຳ ຊາຍຜູ່ເຊິ່ງບໍ່ປາຖະໜາສິ່ງໃດຫຼາຍໄປກວ່າຄວາມລ່ຳລວຍ ດັ່ງນັ້ນ ທຸກມື້ລາວຈຶ່ງເຂົ້າໄປທີ່ໂບດ ແລະອະຖິຖານຂໍພອນຕໍ່ພະເຈົ້າໃຫ້ລາວຖືກເລກຮາງວັນທີ 1 ຈັກເທື່ອແດ່ທ້ອນ ເຫດການກໍດຳເນີນໄປແບບນັ້ນເລື້ອຍໆ ຈາກມື້ ເປັນອາທິດ ຈາກອາທິດ ເປັນເດືອນ ຈາກເດືອນ ເປັນປີ

ແຕ່ທ້າວຄຳກໍບໍ່ເຄີຍຖືກເລກຮາງວັນທີ 1 ສົມໃຈໝາຍປອງຈັກເທື່ອ! ໃນທີ່ສຸດ ທ້າວຄຳກໍສິ້ນສຸດຄວາມອົດທົນ ລາວຈຶ່ງເຂົ້າໄປໃນໂບດ ແລ້ວເວົ້າກັບພະເຈົ້າດ້ວຍຄວາມນ້ອຍໃຈວ່າ “ພະອົງເຮັດໃຫ້ຂ້ານ້ອຍຜິດຫວັງຢ່າງທີ່ສຸດ” ທັນໃດນັ້ນ ຄວາມງຽບໃນໂບດກໍຫາຍໄປທັນທີ ເພາະພະເຈົ້າຕອບກັບມາດ້ວຍສຽງອັນດັງສະໜັ່ນຫວັ່ນໄຫວວ່າ…

“ທ້າວຄຳ!!! ເຈົ້າຕ້ອງຊ່ວຍເຮົາອີກແຮງ!!! ຢ່າງໜ້ອຍກໍຊື້ເລກຈັກໃບກ່ອນສາ!!!”

ລອງຄິດກັນເບິ່ງວ່າ ຂໍ້ຄິດໃນເລື່ອງນີ້ແມ່ນຫຍັງ

Tags: , , , , , , , ,

ການຂໍ VISA ອາເມລິກາ

ຂຽນເມື່ອ December 24, 2013, ໃນຫມວດ ຊີວິດ. (ອ່ານ 2,439 ຄັ້ງ)

UPDATE 5 ເມສາ 2014: ຕອນນີ້ວິທີການຂໍ VISA ແຕກຕ່າງໄປແລ້ວ ໂດຍສະເພາະການຈ່າຍເງິນ ແລະນັດໝາຍ ແມ່ນເຮັດຜ່ານເວັບໄຊ ustraveldocs ສຳລັບຜູ່ສົນໃຈ ໃຫ້ໄປທີ່ http://www.ustraveldocs.com/la/index.html ໄດ້ເລີຍ

 

ເຄີຍຂຽນເທື່ອນຶ່ງແລ້ວໃນ ປະສົບການໄປສຳພາດ VISA USA ແຕ່ມັນບໍ່ຄ່ອຍລະອຽດ ບາງຄົນອ່ານແລ້ວອາດຈະງົງ ກໍເລີຍຂຽນໃໝ່ ເພາະຮອບນີ້ໄປຂໍຮອບທີ 3 ແລ້ວ (ເພິ່ນກໍບໍ່ອະນຸມັດ long-term VISA ໃຫ້ຈັກເທື່ອ ໃຫ້ແຕ່ 3 ເດືອນຕະຫຼອດ ໄດ້ໄປຂໍໃຫມ່ປະຈຳ)

ຂັ້ນຕອນການຂໍ VISA ຈະມີ 3 ສ່ວນ:

  1. ການຂຽນແບບຟອມ
  2. ການສຳພາດ
  3. ການໄປຮັບ VISA (ໃນກໍລະນີທີ່ຜ່ານ)

ມາເບິ່ງກັນເລີຍວ່າເຮັດແນວໃດແດ່

(more…)

Tags: , , , ,

ໄບ່ເລື່ອງສະຖານທູດອາເມລິກາ

ຂຽນເມື່ອ December 24, 2013, ໃນຫມວດ ຊີວິດ. (ອ່ານ 746 ຄັ້ງ)

ມື້ນີ້ໄປສະຖານທູດອາເມລິກາມາ ອອກບ້ານຕັ້ງແຕ່ 7:20 AM ຮອດພຸ້ນ 7:50 AM ລົດຕິດຫຼາຍ ໄປນັ່ງຖ້າປະມານ 2 ຊົ່ວໂມງປາຍຈຶ່ງຮອດຄິວເຮົາ ອັນທີ່ຈິງກໍບໍ່ແມ່ນວ່າເຂົາໄລ່ຕາມຄິວໂດຍກົງ ເພາະເຮົາໄດ້ຄິວເບີ 16 ແຕ່ອ່ານຄິວມາຮອດ 14 ລະຂ້າມໄປ 17 ແລ້ວກັບມາ 6 ແລ້ວຄ່ອຍມາ 15 ຈາກນັ້ນກໍ 16 ກໍເລີຍຮູ້ສຶກວ່າດົນເຕີບ =_=

ພໍຮອດຄິວແລ້ວກໍໄປ ກໍບໍ່ຮູ້ວ່າໄປກວນ “ຈຸດຢືນ” ຫຍັງຂອງລຸງຜູ່ສຳພາດ ຄິດວ່າຄືຊິເປັນນຳຕອນເຮັດ ten-print (ສະແກນນິ້ວມືທັງ 10) ແລ້ວເຮົາກໍຢືນຢູ່ບໍ່ເວົ້າຫຍັງ ເພາະຄິດວ່າລາວຊິຖາມເອງ ລຸງເພິ່ນກໍເລີຍເວົ້າຂຶ້ນມາວ່າ “If you don’t want to do this then we don’t have to.” ເຮົາຟັງແລ້ວກໍງົງ ອ້າວ ອີ່ຫຍັງຫວະ ກໍເລີຍຖາມວ່າ “What should I do?” ພໍເທົ່ານັ້ນລະ ກໍເລີຍຄິດອອກວ່າ ບໍ່ໄດ້ເອົາເອກະສານຫຍັງໄປນຳເລີຍ ປົກກະຕິເຂົາເຈົ້າຈະມີ VISA letter ຫຼື support letter ໄປ ແຕ່ຂອງເຮົາຂໍເອກະສານນຳບໍລິສັດບໍ່ທັນ ກໍເລີຍບໍ່ມີ ເຊິ່ງກໍບໍ່ຮູ້ຊິມີເຮັດຫຍັງ ເພາະໃນຄວາມເປັນຈິງ ເຄີຍໄປ 2 ເທື່ອແລ້ວ ໄປກໍກັບຕາມນັ້ນທຸກເທື່ອ ແຕ່ກໍຄືວ່າຫັ້ນລະ ເພິ່ນມີກົດລະບຽບຂອງເພິ່ນ ຕ້ອງເຄົາລົບກົດລະບຽບປະເທດເຂົາເຈົ້າ

(more…)

Tags: , , , ,

ສຽງໃຜທຸບປະຕູ!!!?

ຂຽນເມື່ອ December 23, 2013, ໃນຫມວດ ຝອຍໃຫ້ຟັງ. (ອ່ານ 776 ຄັ້ງ)

ເລື່ອງມັນມີຢູ່ວ່າ ມີຄືນນຶ່ງ ຕອນນັ້ນປະມານ 3 ໂມງກາງຄືນ ກຳລັງລອງໄມ ເພາະວ່າຊິໄປຖ່າຍໜັງສັ້ນໃນເດືອນຖັດໄປ ກໍໃສ່ຫູຟັງ ແລ້ວກໍລອງໃຊ້ໄມ ເວົ້າ testໆ ທົດສອບໆ ຢູ່ຫັ້ນລະ ມັນກໍມິດເນາະ ໄດ້ຍິນແຕ່ສຽງເຮົາ ບາດນີ້ຕອນທີ່ກຳລັງທົດສອບຢູ່ດີໆ ມັນມີສຽງດັງບັກແຮງໆຂຶ້ນມາ “ປັງ!!!!”

(more…)

Tags: , , , , ,

ປະຕິທິນ 2014

ຂຽນເມື່ອ December 23, 2013, ໃນຫມວດ ຊີວິດ. (ອ່ານ 3,960 ຄັ້ງ)

ບໍ່ແມ່ນປະຕິທິນເຕັມໆ ເດີ ເປັນການຄັດຈ້ອນເອົາມື້ໃນປະຕິທິນມາສະແດງ ວ່າມີວັນພັກມື້ໃດແດ່ (ບາງມື້ກໍບໍ່ໄດ້ພັກ)

ຄລິກເຂົ້າໄປອ່ານກັນເລີຍ

(more…)

Tags: , , , , , , , ,

ບໍ່ຕ້ອງມີກົດລະບຽບກໍໄດ້?

ຂຽນເມື່ອ December 23, 2013, ໃນຫມວດ ພັນລາວ. (ອ່ານ 620 ຄັ້ງ)

fb

 

ພໍດີມີໂພສນຶ່ງໃນ Facebook ຕາມຂ້າງເທິງ

ເອົາແທ້ໆ ໂດຍສ່ວນໂຕແລ້ວ ບໍ່ຄິດວ່າການເຮັດເວັບທີ່ບໍ່ມີກົດລະບຽບ ບໍ່ມີການວາງນະໂຍບາຍການນຳໃຊ້ທີ່ດີ ມັນຈະເປັນເລື່ອງດີ ຫຼືຍືນຍາວຫຍັງ. ຄືໃນແງ່ຂອງການບໍລິຫານແລ້ວ ການທີ່ເຮັດເວັບເປັນເວັບເສລີ ແນ່ນອນລະ ມັນມີຄົນເຮັດ ກໍເຊັ່ນແບບເວັບບອດມະຫາສານ ຫຼື ແບບອິນລາວ ທີ່ສຸດທ້າຍແລ້ວມີແຕ່ກະທູ້ດ່າກັນ ໃສ່ຮ້າຍປ້າຍສີ ໂດຍບໍ່ມີໃຜມາເບິ່ງຄວາມເປັນລະບຽບຮຽບຮ້ອຍ ອີກທັງມີການປອມໂຕມາໂພສ ສາລະພັດຢ່າງ. ແລ້ວມັນດີແນວໃດ? ອາດຈະດີສຳລັບຄົນທີ່ຕ້ອງການຄວາມວຸ້ນວາຍ…

ຖ້າບໍ່ເຂົ້າຂ້າງໂຕເອງ ເຊື່ອວ່າ ພັນລາວມັນບໍ່ມີຄົນເຂົ້າຍ້ອນວ່າ:

  • ຄົນຍ້າຍໄປ Facebook ໝົດ ເຊິ່ງກໍບໍ່ແມ່ນພັນລາວດອກ ເວັບອື່ນໆ ເຊັ່ນ Laozaa, Mahasan, Samakomlao ຫຼືເວັບໃນຍຸກດຽວກັນກໍໄດ້ຮັບຜົນກະທົບ
  • ເວັບເຂົ້າຊ້າຫຼາຍ ໃນໄລຍະຫຼັງ ຫຼືຈະເວົ້າອີກຢ່າງ ຕັ້ງແຕ່ຕົ້ນມາ ລະບົບພັນລາວມີບັນຫາຫຼາຍ ຫຼາຍຄັ້ງມັນກໍເຮັດໃຫ້ Server ດັບ ບໍ່ຕອບສະໜອງ ເຂົ້າຫຼາຍເທື່ອບໍ່ໄດ້ ຄົນກໍບໍ່ຢາກເຂົ້າ
  • ບໍ່ມີຫຍັງໜ້າສົນໃຈ ແຕ່ກ່ອນມີຄົນເຂົ້າ ເພາະຕອນນັ້ນບໍ່ມີຫຍັງໃນອິນເຕີເນັດຫຼາຍເທື່ອ ແຕ່ຕອນນີ້ເນື້ອຫາສ່ວນໃຫຍ່ໄປໂຮມກັນໃນ Facebook​ ຕອບສະໜອງໂຈດຜູ່ໃຊ້ໄດ້ຫຼາຍກວ່າ ເວັບອື່ນໆ ຄົນກໍໜ້ອຍລົງເປັນປົກກະຕິ ເຊິ່ງພວກເວັບຂ່າວຕ່າງໆ ໃນລາວກໍໄດ້ຮັບຜົນກະທົບເຊັ່ນກັນ
  • ມັກເປີດໆປິດໆເວັບ ຍອມຮັບວ່າຫຼາຍເທື່ອ ມັກເປີດ ມັກປິດ ໂດຍບໍ່ແຈ້ງລ່ວງໜ້າ ບາງທີກໍອັບເກຣດເວັບ ແລ້ວ roll back​ ໂດຍບໍ່ບອກຜູ່ໃຊ້ ກໍເຫັນໃຈແຫລະ ຄົນເຂົ້າມາບໍ່ໄດ້ ດຽວໄດ້ ດຽວບໍ່ໄດ້ ໃຜຊິຢາກເຂົ້າ

ສຳລັບຕອນນີ້ກໍຕັ້ງໃຈວ່າ ຈະປັບປຸງໃນສ່ວນຂອງເພງໃຫ້ດີຂຶ້ນ ແຕ່ມັນຈະເປັນແນວໃດ ກໍຖ້າເບິ່ງກັນໄດ້ຫຼັງປີໃໝ່ໃນພັນລາວ 🙂

Tags: , , , ,

How do we smell

ຂຽນເມື່ອ December 23, 2013, ໃນຫມວດ ວິທະຍາດສາດ. (ອ່ານ 546 ຄັ້ງ)

ຄລິບວິດີໂອສັ້ນໆ ອະທິບາຍວິທີການເຮັດວຽກຂອງດັງ ແລະການຮັບກິ່ນ

(more…)

Tags: ,

ຄົນໃນກອງຖ່າຍທຳ

ຂຽນເມື່ອ December 22, 2013, ໃນຫມວດ ການຖ່າຍທຳ. (ອ່ານ 539 ຄັ້ງ)

One man crew

ເວລາເຫັນກອງຖ່າຍບາງກອງເຂົາໄປຖ່າຍທຳ ແລ້ວໃຊ້ຄົນຫຼາຍໆ ຮູ້ສຶກວ່າມັນແປກໆ ຄືເອົາຊື່ໆເລີຍແມ່ນມັນເປືອງ ເພາະຄົນຫຼາຍ ກິນຫຼາຍໃຊ້ຫຼາຍ ລົດກໍຫຼາຍຂຶ້ນ ແຕ່ຄຸນນະພາບວຽງມັນຫຼາຍຂຶ້ນຕາມຈຳນວນຄົນຈົນເຫັນໄດ້ຊັດເຈນບໍ່? ກໍບໍ່ ຄົນນ່ະຫຼາຍຂຶ້ນແທ້ ແຕ່ໜ້າວຽກທີ່ແລ້ວໆ ອອກມາເປັນຊິ້ນເປັນອັນ ມັນພັດວ່າບໍ່ໂດດໄປຕາມຈຳນວນຄົນ
ໃນຄວາມເປັນຈິງແລ້ວ ການອອກກອງຖ່າຍ ຄວນວາງແຜນໃຫ້ຮັດກຸມ ໃຜເຮັດໜ້າທີ່ໃດ ຈຳເປັນບໍ່ທີ່ຕ້ອງໃຊ້ຄົນເພີ່ມ ແລ້ວຄົນທີ່ມີຢູ່ແລ້ວເຮັດແທນໄດ້ບໍ່ ເຊິ່ງບາງກອງກໍບໍ່ຄິດແບບນັ້ນຢາກຈັດເຕັມ ຢາກໃຫ້ມັນຄືວ່າມີຄົນຫຼາຍໆ ຈະໄດ້ເບິ່ງເທ່ ເບິ່ງແລ້ວຄັກເວີ່ຍ ລູກຄ້າມາເຫັນກໍເບົາໃຈວ່າ ເອີ ໜ້າຈະອອກມາດີ
ໜ້າວຽກໂຕຈິງອີ່ຫລີໃນກອງຖ່າຍ ຖ້າເຮັດກັນເປັນແທ້ໆ ມັນໃຊ້ຄົນບໍ່ຫຼາຍກໍໄດ້ ໂດຍສະເພາະບ້ານເຮົາທີ່ກຳລັງຊື້ມັນຍັງບໍ່ສູງ ໃຊ້ຄົນຫຼາຍໄປກໍເປືອງລ້າໆ ເພາະໄປຢືນເບິ່ງກັນ ບາງທີກໍງົງຊ້ຳວ່າ ອັນນີ້ແມ່ນໃຜຄວນເຮັດ

ສະນັ້ນ ໄປເຮັດວຽກ ຕ້ອງໄປຄົນດຽວ ແຕ່ເຮັດເປັນທີມ… ເຮີ້ຍ ບໍ່ແມ່ນແລ້ວ =_=

ໄປເຮັດວຽກ ຕ້ອງຊ່ວຍກັນເຮັດເປັນທີມ ວຽກຈຶ່ງອອກມາດີ ຊັ້ນລະວາາາ

Tags: ,

ຫຼຸດຄວາມໄວ = ຫຼຸດຄວາມສ່ຽງ

ຂຽນເມື່ອ December 19, 2013, ໃນຫມວດ ຊີວິດ. (ອ່ານ 677 ຄັ້ງ)

ມື້ກີ້ເບິ່ງຂ່າວມາ ເຂົາເຈົ້າເວົ້າເລື່ອງອຸປະຕິເຫດທາງລົດ ເພິ່ນບອກວ່າ:

ຄວາມໄວ 60km/h ແຮງຊົນເທົ່າກັບຕົກຈາກບ່ອນສູງ 14 ແມັດຫຼືຕຶກສູງ 5 ຊັ້ນ
ຄວາມໄວ 80km/h ແຮງຊົນເທົ່າກັບຕົກຈາກບ່ອນສູງ 25 ແມັດຫຼືຕຶກສູງ 8 ຊັ້ນ
ຄວາມໄວ 100km/h ແຮງຊົນເທົ່າກັບຕົກຈາກບ່ອນສູງ 39 ແມັດຫຼືຕຶກສູງ 13 ຊັ້ນ
ຄວາມໄວ 120km/h ແຮງຊົນເທົ່າກັບຕົກຈາກບ່ອນສູງ 56 ແມັດຫຼືຕຶກສູງ 19 ຊັ້ນ

ມະນຸດໃຊ້ເວລາ 0.75 ວິນາທີໃນການຢຽບເບຣກໄດ້ຢ່າງມີປະສິດທິພາບ ໄລຍະເວລາທີ່ເສຍໄປນີ້ເອີ້ນວ່າ “ໄລຍະເວລາຂອງປະຕິກິລິຍາຕອບສະໜອງ” ເຊິ່ງຈະປ່ຽນໄປຕາມບຸກຄົນ ຄວາມໄວລົດ ແລະຮ່າງກາຍ ຫຼືສະໝອງໃນຂະນະນັ້ນໆ (ເຊັ່ນ: ອ່ອນເພຍ, ເມື່ອຍ ຫຼືມຶນເມົາຈາກລິດຢາ ຫຼືເຫຼົ້າ) ເຮັດໃຫ້ປະສິດທິພາບການຕອບສະໜອງເສຍໄປ

ສູດຄຳນວນແມ່ນ ຄວາມໄວ + ປະຕິກິລິຍາຕອບສະໜອງຕ່ຳ (ເຫຼົ້າ, ເຫງົານອນ, ໂທລະສັບ) = ຊີວິດສັ້ນ 🙁

ສະນັ້ນ ຫຼຸດຄວາມໄວ = ຫຼຸດຄວາມສ່ຽງ

MYANMAR by Thanavorakit K.

ຂຽນເມື່ອ December 17, 2013, ໃນຫມວດ ການຖ່າຍພາບ. (ອ່ານ 628 ຄັ້ງ)

ປະມວນພາບຈາກການເດີນທາງໄປ Nay Pwi Daw ແລະ Yangon ປະເທດມຽນມ່າ.

ພາບທຸກພາບ ຖ່າຍດ້ວຍກ້ອງ Sony NEX-3 ຊື້ມາມືສອງ $189 ກັບເລນ 18-55mm ໂຕດຽວ 😀

ເບິ່ງຮູບທັງໝົດໄດ້ໃນ Facebook ຫຼື Flickr

Tags: , ,

Page 5 of 35« First...34567...102030...Last »