ອິນເຕີເນັດດີໆໃນປະເທດລາວ

Posted on October 27, 2010, under ຝອຍໃຫ້ຟັງ.

ເລື່ອງອິນເຕີເນັດປະເທດລາວຕອນນີ້ກໍນັບວ່າດີກວ່າແຕ່ກ່ອນຫຼາຍ ເຖິງຫຼາຍຄົນຈະບອກວ່າແພງ ແລ້ວກໍຊ້າ ແຕ່ ຂພຈ ຜັດຄຶດວ່າ ຄົນລຸ້ນໃໝ່ຫັ້ນດີແລ້ວ ທີ່ໄດ້ໃຊ້ ແຕ່ກີ້ຕອນໃຊ້ເນັດໃໝ່ໆ ຕ້ອງໄດ້ຈ່າຍເດືອນລະ $40 ຫຼິ້ນໄດ້ 50 ຊມ ອິນເຕີເນັດຄວາມໄວ 56kbps (ຕໍ່ຕິດແທ້ໆ ບໍ່ເກີນ 52kbps) ນອກຈາກເສຍຄ່າເນັດແລ້ວກໍຍັງເສຍຄ່າໂທລະສັບອີກນຳ (ໃນກໍລະນີຢູ່ຕ່າງແຂວງ) ຖ້າໃຜເຄີຍໃຊ້ຄົງຈະຈື່ໝາຍເລກ 8888 ໄດ້ດີ.

ຫຼາຍປີຕໍ່ມາ ເລີ່ມມີເນັດ ADSL ເຂົ້າມາ ມີເນັດ IPStar (ເນັດຜ່ານດາວທຽມ) ມີລະບົບGPRS/EDGE ຈົນມາຮອດລະບົບ 3G ພ້ອມທັງລາຄາທີ່ຖືກລົງຈົນສາມາດຈັບຕ້ອງໄດ້ ກໍນັບວ່າມີການພັດທະນາມາພໍສົມຄວນ.

ການຈະເອົາໄປປຽບທຽບປະເທດໃກ້ຄຽງກໍດີ ຫຼືປຽບທຽບກັບໂລກຕາເວັນຕົກກໍດີ ຕ້ອງເຂົ້າໃຈວ່າ ພື້ນຖານຂອງແຕ່ລະປະເທດບໍ່ຄືກັນ ບໍ່ວ່າຈະເປັນດ້ານພົນລະເມືອງ, ເສດຖະກິດ, ແລະອື່ນໆ ແມ່ນມີຄວາມແຕກຕ່າງກັນຢ່າງເຫັນໄດ້ຊັດ ຈຶ່ງບໍ່ອາດຈະນຳມາໄວ້ຂ້າງໆ ກັນແລ້ວເວົ້າວ່າ ປະເທດນີ້ມີ ປະເທດເຮົາຄືບໍ່ມີ ດັ່ງນີ້.

ຫາກຕ້ອງການໃຫ້ ອິນເຕີເນັດດີໆໃນປະເທດລາວ ມີໃນປະເທດລາວ ພວກເຮົາຄົນລາວຕ້ອງຊ່ວຍກັນ ພັດທະນາໃຫ້ມັນມີຂຶ້ນໂດຍໄວ ບໍ່ທາງກົງກໍທາງອ້ອມ ບໍ່ດັ່ງນັ້ນ ຖ້າມີແຕ່ເວົ້າໄປທຸກມື້ ກໍຄົງຈະບໍ່ມີ ອິນເຕີເນັດດີໆໃນປະເທດລາວ ໃຫ້ໃຊ້ກັນແນ່ນອນ!

ຈົບດີກວ່າ ໂພສໂດຍມີຈຸດປະສົງບາງຢ່າງ ອິອິ

How to get connected to the Internet

Posted on January 12, 2010, under ຝອຍໃຫ້ຟັງ.

ມັນຊ່າງເຂົ້າກັບສະຖານະການຕອນນີ້ດີແທ້ 🙂

ຈາກ Harold’s Planet ຜ່ານ pradt.net

Chrome Features

Posted on December 14, 2009, under ເທັກໂນໂລຢີ.