ເມື່ອຂ້າພະເຈົ້າປ່ຽນເງິນ…
ຂຽນເມື່ອ October 10, 2008, ໃນຫມວດ ຝອຍໃຫ້ຟັງ. (ອ່ານ 2,013 ຄັ້ງ)
ດ້ວຍຄວາມບັງເອີນ ເຮັດໃຫ້ຕ້ອງມາຢູ່ບ່ອນປ່ຽນເງິນ ເຊິ່ງກໍ່ເປັນເລື່ອງທີ່ບໍ່ເໝາະປານໃດ ເນື່ອງຈາກແຕ່ເດັກແຕ່ນ້ອຍມາເປັນຄົນໄລ່ເລກຊ້າ ຄຳນວນບໍ່ເກັ່ງ.
ມີມື້ໜຶ່ງ ມີແຂກສອງຄົນມາປ່ຽນເງິນ ເຂົາຊິເອົາເງິນກີບມາປ່ຽນໂດລາ ເຊິ່ງປົກກະຕິແລ້ວ ບໍ່ມີໃຜໃຫ້ປ່ຽນ ທະນາຄານກໍ່ບໍ່ປ່ຽນໃຫ້ ພວກຫ້າງຮ້ານລະແວກນີ້ກໍ່ບໍ່ມີໃຜປ່ຽນໃຫ້ ກໍ່ມີແຕ່ເມຍເຮົານີ້ລະທີ່ຮັບປ່ຽນ ແລ້ວກໍ່ບໍ່ບອກອັດຕາແລກປ່ຽນໃຫ້ເຮົາຮູ້ອີກ. ມື້ນັ້ນແຂກສອງຄົນມາຮອດ ຊາຍໜຶ່ງ ຍິງໜຶ່ງ ເຂົາບອກວ່າ ຊິເອົາເງິນກີບມາຊື້ໂດລາ — ເຂົາບອກວ່າຊົ່ວໂມງແລ້ວເຂົາມາປ່ຽນເທື່ອໜຶ່ງ. ຕອນນັ້ນຟັງກໍ່ຮູ້ແລ້ວວ່າ ສອງຄົນນີ້ເປັນພວກຂີ້ຕົວະ ເພາະເຮົານັ່ງເຝົ້າມາສາມຊົ່ວໂມງ ບໍ່ໄດ້ຂາຍໂດລ່າໃຫ້ໃຜ.
ລົມກັນໄປລົມກັນມາ ເພິ່ນບອກ ປະມານຕອນ 8 ໂມງເພິ່ນມາເທື່ອໜຶ່ງ ເຊິ່ງເວລານັ້ນແມ່ນປະມານ 9 ປາຍໜ້ອຍໜຶ່ງ ແລະເຮົານັ່ງເຝົ້າບ່ອນປ່ຽນເງິນມາ 3 ຊົ່ວໂມງແລ້ວ ຈຶ່ງຮູ້ໄດ້ວ່າພວກນີ້ນິໄສໃຈຄໍເຊື່ອຖືບໍ່ໄດ້. ລາວກໍ່ບອກວ່າລາວມາປ່ຽນກ່ອນໜ້ານີ້ແມ່ນຜູ້ຍິງປ່ຽນໃຫ້ ໄລ່ອັດຕາ 8590 ກີບຕໍ່ 1 ໂດລາ ລາວຢາກປ່ຽນ 600,000 ກີບ ຕົກຢູ່ $69 ແຕ່ຕົວເລກຢູ່ແຜງໜ້າປັດເຄື່ອງຄິດໄລ່ມັນມີແນວມາບັງ ເຮັດໃຫ້ເຫັນເປັນ $59 ເພິ່ນເລີຍຄິດວ່າແມ່ນ $59 ເຮົາກໍ່ຊອກມາປ່ຽນໃຫ້.
ຕອນປ່ຽນ ມັນເລກເສດ 600,000 ຫານ 5890 ໄດ້ $59.84 ມັນບອກ (ທີ່ຈິງໄດ້ $69.84 ແຕ່ເພາະເລກ 6 ຖືກບັງໄວ້ ໃຫ້ຄິດວ່າເປັນເລກ 5) ໃຫ້ໄລ່ເປັນ $60 ເລີຍ ເຮົາກໍ່ບໍ່ໄດ້ເວົ້າຫຍັງ ຕອນນັ້ນກໍ່ຄິດວ່າແມ່ນ $60 ກໍ່ໄປເອົາເງິນມາປ່ຽນໃຫ້. ໄລ່ໄປໄລ່ມາ ເຮົາລະສົງໄສ ເພາະມັນໄລ່ກັບຄືນແລ້ວບໍ່ຖືກຕາມອັດຕາຂອງມັນ (ເພາະວ່າຄວາມຈິງແມ່ນ $69.84 ແຕ່ໄປໄລ່ $59.84) ເຮົາໄລ່ໄປມາກໍ່ຈຶ່ງຮູ້ວ່າ ຕົວເລກມັນຜິດ ເລີຍເອົາໃຫ້ $69 ກັບອີກ 2500 ກີບ. ແຂກເອົາໄປໄລ່ແລ້ວ ມັນຖາມວ່າ 2500 ກີບນີ້ມາຈາກໃສ ເຮົາບໍ່ໄດ້ຕອບຫຍັງ ພຽງແຕ່ເອົາຈັກຄິດໄລ່ ໄລ່ໃຫ້ເບິ່ງວ່າເປັນເສດເງິນ $0.84 (ເຊິ່ງຈັກຄິດໄລ່ມັນພັດໄປປັດເສດ ເຮັດໃຫ້ເຫັນເປັນ 2500 ແທນທີ່ຊິເປັນ 7500 ປາຍ) ຕອນນັ້ນແຂກດີໃຈ ເພາະທຳອິດລາວຄິດວ່າຊິໄດ້ $59 ແຕ່ເຮົາໄປໃຫ້ $69 ເພິ່ນຮີບເກັບເງິນແລ້ວຍ່າງອອກໄປ… ສົງໄສຄິດວ່າເຮົາໄລ່ເລກໃຫ້ຜິດ.
ເລື່ອງນີ້ຕອກຢ້ຳຂ້າພະເຈົ້າວ່າ ຄົນຂາວພວກນີ້ ກໍ່ບໍ່ຕ່າງຫຍັງກັບຄົນທົ່ວໄປ ເວລາມາເຮັດບ່ອນປ່ຽນເງິນແນວນີ້ ໄດ້ພົບກັບລູກຄ້າທີ່ມີນິໄສແບບນີ້ປະຈຳ ບາງທີກໍ່ເຮັດໃຫ້ເກີດຄວາມເມື່ອຍໃຈ ທີ່ຄົນດີ ໆ ຊອກຍາກຫຼາຍໃນສັງຄົມປັດຈຸບັນ…
Tags: ສະກຸນເງິນ, ເຄື່ອງໄລ່ເລກ, ເງິນຕາ, ແລກປ່ຽນ, ໄລ່ເລກຜິດ
ຄຳຕອບຂອງຄຳຖາມທີ່ຟັງແລ້ວຍິ້ມ ^-^
ໄດ້ມີໂອກາດສົນທະນາກັບຄົນ ໆ ໜຶ່ງ ລາວເປັນຜູ້ຊາຍ… ທີ່ມັກຜູ້ຊາຍນຳກັນ
ນ : ທ ບໍ່ມາຫຼວງພະບາງນຳອ້າຍ ຕ ຫວາ?
ທ : ເຫີະ ໆ ບໍ່ດີກວ່າ ເບິ່ງລາວຄືຊິບໍ່ມັກລົມກັບເຮົາເທົ່າໃດ
ນ : ອ້າວ ຫວາ… ອື…
ທ : ກໍ່ບໍ່ຮູ້ຄືກັນ ເຫັນລາວມິດ ໆ ໄປ
ນ : ເປັນຫຍັງ ທ ມັກຜູ້ຊາຍລະ? ສົງໄສ ໆ
ທ : ແລ້ວເປັນຫຍັງ ນ ມັກຜູ້ຍິງລະ?
ນ : …
Tags: ຄວາມຮັກ, ຊາຍ, ຊາຍຮັກຊາຍ, ຍິງ, ຮັກ
Google ຮູ້ພາສາລາວ
ຂຽນເມື່ອ October 7, 2008, ໃນຫມວດ ເທັກໂນໂລຢີ. (ອ່ານ 3,084 ຄັ້ງ)
ເວລາເຮັດ SEO ສຳລັບເວັບພາສາລາວ ມັກຈະຄິດວ່າຕ້ອງຂຽນ keyword ໃຫ້ຄອບຄຸມ ເພາະໃນພາສາລາວມີພະຍັນຊະນະປະສົມເຊັ່ນ ຄຳວ່າ “ໝາ” ສາມາດສະກົດເປັນ “ຫມາ” ໄດ້ນຳ ກໍ່ຄິດລຳບາກໃຈວ່າ ຕ້ອງໃຊ້ທັງສອງຄຳ ເພື່ອໃນກໍລະນີທີ່ມີຄົນຊອກຫາ keyword ນີ້ຜ່ານ search engine ຈະໄດ້ດັກໄວ້ທັງ “ຫມາ” ແລະ “ໝາ”
ບັງເອີນວ່າ ມື້ນີ້ມີໂອກາດ search ຫາກ່ຽວກັບໝາ ກໍ່ເລີຍໃຊ້ kw ວ່າ “ໝາ” ແຕ່ບໍ່ພົບເວັບທີ່ຕ້ອງການ ກໍ່ເລີຍປ່ຽນໄປໃຊ້ຄຳວ່າ “ຫມາ” ປະກົດວ່າ ໃຫ້ຜົນການຊອກຫາດຽວກັນ!
ສັງເກດບ່ອນທີ່ຂີດກ້ອງສີແດງ ຈະເຫັນວ່າ Google ສາມາດຊອກໄດ້ທັງຄຳວ່າ “ຫມາ” ແລະ “ໝາ” ເພາະມັນຮູ້ວ່າ ໝາຍເຖິງສິ່ງດຽວກັນ!
Tags: Google, Search Engine, SEO, ພາສາລາວ, ສະຫຼາດ
ບັນຫາໃນ LaoBlogger.com
ຂຽນເມື່ອ September 26, 2008, ໃນຫມວດ ເທັກໂນໂລຢີ. (ອ່ານ 5,087 ຄັ້ງ)
ມື້ຄືນນີ້ໄປນອນແລ້ວອ້າຍເລັກເພິ່ນທັກມາໃນເອັມຯ ບອກວ່າລາວບລັອກເກີມັນຂຶ້ນ
Apache is functioning normally
ກໍ່ສົງໄສຢູ່ວ່າ ເອ໊ະ ຄືວ່າແປງເທື່ອນັ້ນລະ ຍັງກັບມາເປັນໃໝ່ອີກ ສົງໄສເປັນນຳມີບັນຫາ Datacenter ມື້ກ່ອນແນ່ນອນແບບນີ້ ກໍ່ເລີຍຕ້ອງຫາທາງແກ້ ແກ້ໄປແກ້ມາ ດຽວເຂົ້າ subdomain ໄດ້ແຕ່ domain ບໍ່ໄດ້ ດຽວເຂົ້າ domain ໄດ້ແຕ່ subdomain ບໍ່ໄດ້ອີກ ງົມແກ້ຢູ່ປະມານເກືອບຊົ່ວໂມງກໍ່ແກ້ໄດ້ ເທື່ອນີ້ຈົດ config ໄວ້ດີກວ່າ ກັນບັນຫາໃນອະນາຄົດ 🙂
Tags: Blog, laoblogger, wildcard dns, WordPress Mu
Workaround SSL ໃນ DirectAdmin
ຫຼັງຈາກທີ່ຍ້າຍ VPS ມາເປັນ Dedicated ແລ້ວກໍ່ພົບບັນຫາກັບ Control Panel ຕົວໃໝ່ ເຊິ່ງໃຊ້ DirectAdmin ແທນ cPanel ອັນເກົ່າ ບັນຫາກໍ່ຄື ມັນບໍ່ສາມາດໃສ່ Cerification ຜ່ານ DirectAdmin ໄດ້ໂດຍກົງ ເມື່ອໃສ່ແລ້ວຈະພົບບັນຫາບາງຢ່າງ ເຊິ່ງໃນ forum ຂອງ DA ບອກວ່າ Goddady Turbo SSL ມັນຕັ້ງມັກບັນຫາ (ແຕ່ຄວາມຈິງມີບັນຫາກັບ DA ແຕ່ປາສະຈາກບັນຫາກັບ cPanel)
ຖາມໂອ້ດ ໂອ້ດບອກວ່າ ໃຫ້ແກ້ເອົາໃນ httpd.conf ໂດຍກົງ ຕອນນັ້ນກໍ່ຄິດຢູ່ວ່າໜ້າຈະລອງເບິ່ງ ອັນທີ່ຈິງກ່ອນໜ້ານີ້ກໍ່ລອງແລ້ວ ແຕ່ບໍ່ໄດ້ຜົນ ພາຍຫຼັງມາຈຶ່ງໄປກວດສອບໃນ httpd.conf ຂອງ VPS ເກົ່າທີ່ເຄີຍໃຊ້ (ໃກ້ ໆ ຈະໝົດອາຍຸ) ແລ້ວສຳເນົາມາໃສ່ໃນ httpd.conf ຂອງ Dedicated box ໃໝ່ ຫຼັງຈາກແກ້ໄຂ path ແລະ copy ໄຟລ໌ທີ່ຈຳເປັນແລ້ວ ກໍ່ຈັດການ service httpd restart ແລ້ວລອງເບິ່ງ ປະກົດວ່າ ໄດ້ຜົນ!!
ເອີ… DA ນີ້ຫຼາຍເລື່ອງດີແທ້ 🙁
Tags: cpanel, da, directadmin, https, secured, SSL
ຊີວິດມັນບໍ່ໄດ້ດັ່ງໃຈຄຶດ
ຊ່ວງນີ້ຮູ້ສຶກວ່າຊີວິດມັນຢຸດສະງັກ ບໍ່ໄປບໍ່ມາ ບໍ່ຄືບໜ້າ ມີແຕ່ຊິຖອຍຫຼັງ (ເພາະຄົນອື່ນໄປທາງໜ້າໝົດ) ໂອ… ເວນກຳ ບໍ່ໜ້າເລີຍຊີວິດ… ເຮົາຕ້ອງພະຍາຍາມໃຫ້ຫຼາຍກວ່ານີ້ ເພື່ອອະນາຄົດທີ່ດີກວ່າມື້ນີ້ 🙂
ບັນຫາ 8100030d ໃນ WLM
ຂຽນເມື່ອ September 18, 2008, ໃນຫມວດ ເທັກໂນໂລຢີ. (ອ່ານ 2,586 ຄັ້ງ)
ຫຼັງຈາກທີ່ login ໃນ WLM ບໍ່ໄດ້ມາສອງອາທິດ ໃນທີ່ສຸດກໍ່ໄດ້ຄົ້ນພົບວິທີແກ້ໄຂ ອັນທີ່ຈິງດົນມາແລ້ວເຄີຍມີບັນຫານີ້ ຕອນນັ້ນຕ້ອງໄດ້ quick fix ໂດຍການ install ວິນໂດຄືນໃໝ່ແລ້ວກໍ່ໄດ້ຜົນ ແຕ່ວ່າກໍ່ເປັນການຂີ່ສ້າງຈັບຕັກກະແຕນເກີນເຫດ
ພໍດີມື້ນີ້ສອງຫາວິທີແກ້ ແລະໃນທີ່ສຸດກໍ່ແກ້ໄດ້ຜົນ ໃຊ້ເວລາທ່ອງໄປໃນເວັບຕ່າງ ໆ ຊອກຫາຫົນທາງຮັກສາ error ນີ້ ແລະໄດ້ໄປພົບກັບ http://messenger-support…13937.entry ເຊິ່ງກໍ່ແນະນຳວິທີໄວ້ຫຼາຍພໍສົມຄວນ ແຕ່ ແຕ່ ແຕ່! ແຕ່ບໍ່ໄດ້ຜົນສຳລັບເຮົາ 🙁
ສຸດທ້າຍ ຂະນະທີ່ກຳລັງຈະໝົດຄວາມອົດທົນ ເພາະເຈັບກະເພາະ ແຕ່ພັດໄປເຫັນໃນ asksomeone.net ກະທູ້ໜຶ່ງ ເຂົາແນະນຳໃຫ້ແກ້ໄຂໂດຍການ register dll ຄືນໃໝ່ອີກຫຼາຍໂຕ (ກ່ອນໜ້ານີ້ເຮັດແລ້ວ ແຕ່ມັນບໍ່ຫຼາຍປານນີ້) ກໍ່ຈັດການເບິ່ງ ປະກົດວ່າ ໄດ້ຜົນ!
ກໍ່ຍັງບໍ່ແນ່ໃຈວ່າມັນໄດ້ຍ້ອນຂັ້ນຕອນໃດ ຫຼືອາດຈະຍ້ອນຫຼາຍ ໆ ຂັ້ນຕອນໂຮມກັນກໍ່ເປັນໄດ້ 😉
ເກືອບລືມຂຽນ ຂັ້ນຕອນສຸດທ້າຍທີ່ຊ່ວຍແກ້ບັນຫາໄດ້ຄື ຈັດການ register dll ລຸ່ມນີ້ຜ່ານ cmd
regsvr32 Dssenh.dll /s
regsvr32 Gpkcsp.dll /s
regsvr32 Slbcsp.dll /s
regsvr32 Sccbase.dll /s
regsvr32 Softpub.dll /s
regsvr32 Wintrust.dll /s
regsvr32 Initpki.dll /s
regsvr32 Rsaenh.dll /s
regsvr32 Mssip32.dll /s
regsvr32 Cryptdlg.dll /s
regsvr32 Msxml3.dll /s
ກໍ່ເປັນອັນຈົບ ສາມາດ login ໄດ້ເລີຍ 😉
ອໍ້… WLM ເຂົາອອກເວີຊັນເບຕ້າໂຕໃໝ່ແລ້ວ ອ່ານໄດ້ໃນ au8ust.org
ການໃຊ້ຄົນ
- ຄົນສະຫຼາດ ແລະດຸໝັ່ນ ພວກນີ້ຄວນເປັນເຈົ້າຄົນນາຍຄົນ
- ຄົນສະຫຼາດ ແຕ່ຂີ້ຄ້ານ ພວກນີ້ຄວນໃຫ້ເປັນນັກຄິດ ນັກວາງແຜນ
- ຄົນໂງ່ ແລະຂີ້ຄ້ານ ພວກນີ້ພໍເອົາໄປເປັນແຮງງານ
- ຄົນໂງ່ ແຕ່ດຸໝັ່ນ ພວກນີ້ຄວນຖືກກັນອອກຈາກສັງຄົມ ເພາະມັກສ້າງຄວາມວຸ້ນວາຍໃຫ້ກັບສັງຄົມ
ເປັນການແບ່ງປະເພດຄົນໂດຍທະຫານຊັ້ນຜູ້ໃຫຍ່ໃນເຢຍລະມັນ
Tags: ຄົນຂີ້ຄ້ານ, ຄົນດູໝັ່ນ, ຄົນສະຫຼາດ, ຄົນໂງ່, ທະຫານ
ບັນຫາໂລກແຕກໃນ Joomla!
ຂຽນເມື່ອ August 31, 2008, ໃນຫມວດ ເທັກໂນໂລຢີ. (ອ່ານ 4,513 ຄັ້ງ)
ພົບບັນຫານີ້ຂະນະທີ່ກຳລັງເຮັດເວັບໄຊ JoomlaLao.com ເຊິ່ງປະກົດວ່າ ໜ້າທຳອິດນັ້ນຂຶ້ນ Error 404 Article #44 not found ເຊິ່ງກໍ່ພະຍາຍາມແກ້ໄຂ ບໍ່ວ່າຈະເປັນການ Debug ແລ້ວ comment ໃນ line ທີ່ມີບັນຫາ ແຕ່ກໍ່ພົບບັນຫາອື່ນ ໆ ນຳຕະຫຼອດ ຫຼັງຈາກທີ່ກູກິ້ງໄປດົນເຕີບ ໃຊ້ເວລາຫຼາຍມື້ ກວ່າຈະແກ້ໄຂບັນຫານີ້ໄດ້
ສາເຫດຂອງບັນຫາກໍ່ຄື ໜ້າຫລັກ ຫຼື Frontpage ຈະຕ້ອງກຳນົດ Default menu ເຊິ່ງ default menu ນີ້ຈະດຶງເອົາຂໍ້ມູນມາສະແດງ ແລ້ວແຕ່ວ່າກຳນົດໃຫ້ດຶງຈາກບ່ອນໃດ ເຊິ່ງກໍລະນີທີ່ພົບບັນຫາແມ່ນເນື່ອງຈາກ ມັນໄປດຶງເອົາ article layout ຂອງບົດຄວາມທີ່ບໍ່ມີຢູ່ຈິງ (ຫຼືຢູ່ໃນສະຖານະ Unpublished) ມາສະແດງ ພໍດຶງມາແລ້ວບໍ່ພົບ ກໍ່ເລີຍກາຍເປັນ 404 Article Not Found ແທນ
ວິທີແກ້ໄຂແມ່ນຕ້ອງກຳນົດ Default menu ໃໝ່ ກໍ່ຈະສາມາດເຂົ້າໃຊ້ໄດ້ຕາມປົກກະຕິ ຖືວ່າເປັນຈຸດບອດຢ່າງໜຶ່ງ ຂອງຄົນທີ່ບໍ່ມີພື້ນຖານເລື່ອງໂຄງສ້າງຂອງ Joomla! ເພາະຈະບໍ່ສາມາດຮູ້ໄດ້ເລີຍວ່າ ມັນມີບັນຫາມາຈາກຫຍັງ?
ວິທີການແກ້ໄຂນີ້ໄດ້ມາຈາກການອ່ານໃນກະທູ້ໃນເວັບບອດ Joomla.org
Tags: CMS, Joomal, Problem, Solution, ບັນຫາ, ແກ້ໄຂ
ບັນຫາ Acquiring Network Address ແບບບໍ່ຮູ້ຈົບ
ຂຽນເມື່ອ August 31, 2008, ໃນຫມວດ ເທັກໂນໂລຢີ. (ອ່ານ 4,388 ຄັ້ງ)
ເນື່ອງຈາກວ່າຢູ່ຮ້ານຈະເປີດສັນຍານອິນເຕີເນັດ Wireless ໃຫ້ລູກຄ້າຫຼິ້ນ ແຕ່ວ່າ ຈະພົບບັນຫາລູກຄ້າບາງຄົນບໍ່ສາມາດເຊື່ອມຄໍ່ກັບ Access Point ໄດ້ ເຊິ່ງກໍ່ໜ້າແປກ ທຳອິດຄິດວ່າເປັນນຳຮອງຮັບ Encrytion ທີ່ໃຊ້ຢູ່ (ໃຊ້ WPA-PSK) ແຕ່ວ່າລອງໃຊ້ No encryption ແລ້ວກໍ່ຍັງບໍ່ໄດ້ອີກ ວິນິໄສຕໍ່ໄປວ່າອາດຈະເປັນນຳຄອມຯ ຂອງຜູ້ກ່ຽວກເອງ ເພາະເຄື່ອງອື່ນກໍ່ຄືວ່າໃຊ້ໄດ້ຢູ່ (ຢ່າງນ້ອຍກໍ່ມີຄອມຯ ເຮົາກັບຂອງ POS ທີ່ໃຊ້ຢູ່)
ຫຼັງຈາກທີ່ໄປກູກິ້ງສອງຮອບ ກໍ່ພົບວ່າ ຕ້ອງປ່ຽນ SSID ເປັນຊື່ອື່ນ (ຊື່ເກົ່າມັນຍາວ) ພໍລອງປ່ຽນແລ້ວ ປະກົດວ່າ Surprise! ແກ້ໄຂບັນຫາໄດ້ຢ່າງທັນຄວັນ 😀
ແຕ່ສະຫຼຸບແລ້ວກໍ່ຍັງງົງວ່າຕົກລົງແລ້ວມັນມີບັນຫາຍ້ອນ SSID ແລ້ວເປັນຫຍັງບາງເຄື່ອງຄືເຂົ້າໄດ້ລະ?
Tags: WiFi, Wireless, ບັນຫາ, ໄຣ້ສາຍ, ໄວໄຟ
