ຕັ້ງຄ່າ iptables ໃຫ້ບລັອກ connection ທີ່ເຊື່ອມຕໍ່ເຂົ້າມາ
Posted on August 12, 2011, under Linux.
ພໍດີກວດເບິ່ງ watchlog ແລ້ວສັງເກດເຫັນມີພຶດຕິກຳ login ແປກໆ ຈາກ IP ຕ່າງໆ ບາງ IP ກໍພະຍາຍາມລັອກອິນເຖິງ 444 ຄັ້ງ (ເຊິ່ງກໍບໍ່ຜ່ານ) ກໍເລີຍຫາທາງບລັອກໄວ້ ໂດຍໃນເບື້ອງຕົ້ນ ຍັງບໍ່ແນ່ໃຈວ່າຈະໃຊ້ວິທີໃດ ໄປຊອກເຫັນວິທີນຶ່ງມາ
iptables -A INPUT -p tcp -i eth0 -m state –state NEW –dport 22 -m recent –update –seconds 3600 -j DROP
iptables -A INPUT -p tcp -i eth0 -m state –state NEW –dport 22 -m recent –set -j ACCEPT
ວິທີນີ້ຈະ drop IP ທີ່ເຊື່ອມຕໍ່ເຂົ້າມາໃໝ່ໃນໄລຍະເວລາ 1 ຊົ່ວໂມງ ກໍໃຊ້ໆ ໄປກ່ອນລະກັນ
ຄຳສັ່ງລຶບທຸກໄຟລ໌ທີ່ມີນາມສະກຸນຕາມຕ້ອງການໃນ Linux
ໄລຍະນີ້ກຳລັງປັບປຸງພັນລາວ໓ ກໍເລີຍພົບບັນຫາ harddisk ໃກ້ເຕັມ ເພາະວ່າພັນລາວ໒ ບໍ່ໄດ້ລຶບອອກ ພາລະກິດທີ່ຕ້ອງເຮັດກໍຄື ລຶບໄຟລ໌ mp3 ເກົ່າໃນພັນລາວ໒ ອອກ ເພາະບໍ່ໄດ້ໃຊ້ແລ້ວ ແຕ່ບັນຫາກໍຄື ມັນມີຫຼາຍໄຟລ໌ປົນໆ ກັນ ໄຟລ໌ mp3 ກັບໄຟລ໌ jpg ຢູ່ໃນໂຟນເດີດຽວກັນ ຈຶ່ງຕ້ອງຫາວິທີລຶບສະເພາະ mp3 ຜ່ານ command line ໂດຍມີວິທີດັ່ງນີ້
ພິມ find /path/to/folder/ -name ‘*.mp3′ -exec rm ‘{}’ +
ພຽງເທົ່ານີ້ກໍຮຽບຮ້ອຍ ບ່ອນ /path/to/folder/ ແມ່ນແກ້ເປັນ path ທີ່ຕ້ອງການຊອກຫາແລະລຶບ ສ່ວນ .mp3 ກໍສາມາດເລືອກເປັນ extension ທີ່ຕ້ອງການໄດ້ ງ່າຍໆ ເນາະ.
ວິທີປ່ຽນນາມສະກຸນໄຟລ໌ໃນ Linux ເທື່ອລະຫຼາຍໆ
ໄປເຫັນວິທີເຮັດມາຈາກກະທູ້ນຶ່ງໃນ Unix.com ໃຊ້ງ່າຍດີ
ອັນທີ່ຈິງມັນມີວິທີແບບງ່າຍໆ ແມ່ນ ພິມ for x in *.old; do mv “$x” “${x%.old}.new“; done ບ່ອນ old ແມ່ນນາມສະກຸນເກົ່າ ແລ້ວກໍ new ແມ່ນນາມສະກຸນໃໝ່ ແຕ່ບັນຫາແມ່ນ ມັນໃຊ້ໄດ້ສະເພາະໄຟລ໌ໃນ directory ທີ່ກຳລັງເປີດເທົ່ານັ້ນ ບໍ່ສາມາດປ່ຽນພວກໄຟລ໌ທີ່ຢູ່ໃນໂຟນເດີຍ່ອຍໄດ້.
ວິທີທີສອງ ສາມາດປ່ຽນໄດ້ທັງໃນໂຟນເດີຍ່ອຍນຳ:
ທຳອິດ ຊອກຫາໄຟລ໌ກ່ອນ ພິມ find . -type f -name “*.ext“ ບ່ອນ ext ແມ່ນນາມສະກຸນທີ່ຈະຊອກ
ທົດລອງໃຫ້ປ່ຽນຊື່ ພິມ find . -type f -name “*.ext” | xargs -i echo ‘{}’ ‘{}’_disable ບ່ອນ ext ແມ່ນນາມສະກຸນ ສ່ວນ _disable ເປັນຊື່ທີ່ຈະຂຽນຕໍ່ຈາກນາມສະກຸນເກົ່າ
ຖ້າເບິ່ງແລ້ວທຸກຢ່າງລົງໂຕ ກໍຈັດການພິມ find . -type f -name “*.ext” | xargs -t -i mv ‘{}’ ‘{}’_disable ກໍເປັນອັນຈົບພິທີ
cronjob ແບບນິນນີ່
Posted on July 1, 2009, under ເທັກໂນໂລຢີ.
ພັນລາວເຮັດໃຫ້ໄດ້ຮຽນກ່ຽວກັບ linux ຫຼາຍ ໂດຍສະເພາະແມ່ນເທັກນິກເລັກ ໆ ນ້ອຍ ໆ ເຊັ່ນຄຳສັ່ງຕ່າງ ໆ ຕັ້ງແຕ່ ls, chown, nano, vi, mv ໄປຈົນຮອດ rm -rf / ກໍເຮັດມາແລ້ວ (ອັນສຸດທ້າຍຫຼົງເຮັດສອງເທື່ອ) ນອກນັ້ນກໍມີເລື່ອງອື່ນ ໆ ນຳ ແຕ່ມີເລື່ອງນຶ່ງທີ່ບໍ່ໄດ້ຢູ່ໃກ້ມັນເລີຍຄື cron
cron ຫຼື cronjob ເປັນການຕັ້ງເວລາໃຫ້ລະບົບເຮັດວຽກໃດນຶ່ງລ່ວງໜ້າ ສາມາດກຳນົດໄດ້ວ່າຈະໃຫ້ເຮັດທຸກຈັກນາທີ ຈັກຊົ່ວໂມງ ຈັກມື້ ຈັກອາທິດ ສະເພາະມື້ໃດ ກໍວ່າກັນໄປ ມື້ນີ້ມາຈົດໄວ້ກັນລືມ ວິທີສັ່ງ restart httpd ແບບງ່າຍ ໆ ພຽງສ້າງ txt ໄວ້ ໂດຍລະບຸເປັນຄຳສັ່ງດັ່ງນີ້:
MAILTO=YOUR@EMAIL.TLD
* * * * * /sbin/service httpd restart
ໃນ MAILTO ນັ້ນລະບຸເປັນເມລທີ່ຈະໃຫ້ລະບົບສົ່ງເຕືອນເວລາປະຕິບັດງານ ແລະໃນສ່ວນຂອງດອກນັ້ນ ຂໍກັອບມາຈາກ Wikipedia ມີຄວາມໝາຍວ່າ…
.---------------- ນາທີ (0 - 59) | .------------- ຊົ່ວໂມງ (0 - 23) | | .---------- ມື້ໃນເດືອນ (1 - 31) | | | .------- ເດືອນ (1 - 12) OR jan,feb,mar,apr ... | | | | .---- ວັນຕ່າງໆ (0 - 6) (ວັນອາທິດ=0 ຫຼື 7) ຫຼືໃຊ້ sun,mon,tue,wed,thu,fri,sat | | | | | * * * * *
ສົມມຸດໃຊ້ 30 * * * * /sbin/service httpd restart ກໍແປວ່າ ໃຫ້ restart ໂດຍໃຊ້ຄຳສັ່ງ /sbin/service httpd restart ໃນທຸກ 30 ນາທີ
ຫຼັງຈາກຂຽນ txt ແລ້ວ ໆ ກໍສັ່ງໃຫ້ໃຊ້ໂດຍພິມ crontab /path/to/file.txt ເວລາຕ້ອງການເບິ່ງວ່າຕອນນີ້ໃຊ້ໄຟລ໌ໃດແດ່ ພິມ crontab -l ເວລາຍົກເລີກ ພິມ crontab -r ເທົ່ານັ້ນເອງ
ແຕ່ຄວາມຈິງ cron ມີຄວາມສາມາດສາລະພັດແລ້ວແຕ່ນຳໃຊ້ ເຊິ່ງຕອນນີ້ໃຊ້ເທົ່ານີ້ໄປກ່ອນ ຈົບຂ່າວ.
ປ່ຽນວັນທີ ແລະເວລາໃນ CentOS
Posted on March 26, 2009, under ເທັກໂນໂລຢີ.
ເຊີເວີຂອງພັນລາວມັກຈະມີບັນຫາເວລາຜິດຢູ່ເປັນອາຈິນ ເຊິ່ງອັນທີ່ມັນຜິດມັນກໍ່ບໍ່ໄດ້ຜິດຫຍັງຫຼາຍ ຜິດໃນຫົວໜ່ວຍເປັນນາທີ ເຊັ່ນວ່າ ເວລາປົກກະຕິແມ່ນ ໖ ໂມງ ໗ ນາທີ ແຕ່ເວລາໃນເຊີເວີຍັງ ໖ ໂມງຢູ່ ນັ້ນກໍ່ໝາຍຄວາມວ່າ ຊ້າໄປ ໗ ນາທີນັ້ນເອງ
ຄວາມຈິງອາດຈະມີວິທີ sync ທີ່ດີກວ່ານີ້ແລ້ວປັບ cronjob ໃຫ້ເຮັດວຽກອັດຕະໂນມັດເອງ ແຕ່ຕອນນີ້ຂໍອັດຕະໂນມືໄປກ່ອນໂດຍໃຊ້ຄຳສັ່ງ
$ date MMDDhhmmYYYY
MM – ເດືອນ
DD – ວັນທີ
hh – ຊົ່ວໂມງ
mm – ນາທີ
YYYY – ປີ
ຍ້າຍໄປ Ubuntu ແລ້ວ
Posted on January 25, 2009, under ເທັກໂນໂລຢີ.
ຫລັງຈາກທີ່ກຽມການມື້ນຶ່ງໄປນັ້ນ (ຕອນທີ່ ໑, ໒ ແລະ ໓) ມື້ຄືນວານນີ້ເອງກໍ່ຈັດການຕິດຕັ້ງ Ubuntu 8.10 ລົງໃນ Acer Aspire 5052 ເປັນທີ່ຮຽບຮ້ອຍ
ໃນເບື້ອງຕົ້ນພົບວ່າ ບັນຫາ Wireless ເຊິ່ງໃຊ້ AR5007EG ນັ້ນຫຍຸ້ງຍາກພໍສົມຄວນ ຈົນໄດ້ພົບກັບບົດຄວາມໃນ UbuntuGeek ຈຶ່ງເຮັດໃຫ້ຜ່ານພົ້ນໄປໄດ້ ນອກນັ້ນກໍ່ບໍມີບັນຫາຫຍັງຫລາຍ ມີແຕ່ພວກບັນຫາຈຸກຈິກເຊັ່ນວ່າ ຟອນສະແດງຜົນບໍ່ໄດ້ດັ່ງໃຈ ພາສາລາວໃຊ້ keymap ລຸ້ນດຶກດຳບັນ putty ໃນ linux ຣັນຜ່ານ WINE ເປັນຕົ້ນ
ຕໍ່ຈາກນີ້ໄປຄົງຕ້ອງໃຊ້ເວລາປັບຕົວແລະຈັດການຫຍັງຫລາຍຢ່າງພໍສົມຄວນ
ກຽມຍ້າຍໄປ Ubuntu
Posted on January 22, 2009, under ເທັກໂນໂລຢີ.
ຄືນນີ້ໂຫຼດ http://cdimage.ubuntu.com/releases/jaunty/alpha-3/jaunty-desktop-i386.iso ມາປະໄວ້ ແລ້ວກໍ່ຈັດລາຍການຕ່າງ ໆ ກ່ອນ ວ່າຕ້ອງເຮັດຫຍັງແດ່ ເບື້ອງຕົ້ນຂຽນລາຍຊື່ໂປຣແກຣມຕ່າງ ໆ ທີ່ຈະຍ້າຍໄປ Ubuntu ກ່ອນວ່າຈະໃຊ້ໂຕໃດດີ
- Photoshop -> GIMP
- Adobe Reader -> ບໍ່ແນ່ໃຈ ໜ້າຈະບໍ່ຍາກ
- Advanced Find and Replace 3 -> ຖ້າບໍ່ມີແທ້ ໆ ກໍ່ໃຊ້ grep ເອົາ -*-
- AppServ -> ສົງໄສຕ້ອງລົງເອງ
- FileZilla -> Linux ກໍ່ມີ
- FlashGet -> ອາດຈະລອງ MultiGet ຫຼືໃຊ້ wget ແທນ
- Microsoft Office -> OpenOffice
- Notepad++ -> ໃນ Linux ບໍ່ມີ ແຕ່ໃຊ້ຜ່ານ WINE ໄດ້ ຖ້າຫຍຸ້ງຍາກຫຼາຍກໍ່ Gedit ໄປກ່ອນ
- RealVNC -> ມີຄືກັນ
- WLM -> Gaim ຫຼື aMSN
- WinRAR -> 7-Zip ແຕ່ 7-Zip ມັນ compress RAR ບໍ່ໄດ້
- XnView -> ມີໃນ Linux
- uTorrent -> ໃຊ້ຜ່ານ WINE ຫຼືໃຊ້ Transmission
ມື້ນີ້ຄຶດອອກເທົ່ານີ້ ຕອນໃຊ້ແທ້ ໆ ໜ້າຈະມີບັນຫາຫຼາຍຢ່າງ ແຕ່ວ່າ ທີ່ແນ່ ໆ ແມ່ນບໍ່ມັກ font rendering ໃນ Ubuntu ມັນບໍ່ຖືກໃຈປານໃດ ພໍດີໄປເຫັນ Fonts like Mac ສົງໄສຊິໃຊ້ອັນນີ້
ດຽວມື້ອື່ນວ່າກັນ (ຖ້າທັນ)
Required Install Media
Posted on January 22, 2009, under ຂອງແປກ, ເທັກໂນໂລຢີ.
i saw this from my friend’s tweet
24 discs o.O
and image from http://kanarip.fedorapeople.org/Fedora-9-Everything-Spin-CD.png
restart cPanel
Posted on August 20, 2008, under ເທັກໂນໂລຢີ.
ທີ່ຜ່ານມາມັກຈະມີບັນຫາເຂົ້າ cPanel ແລະ WHM ບໍ່ໄດ້ຢູ່ເປັນເນືອງນິດ ກໍ່ແກ້ບັນຫາໂດຍການອີເມລຫາ Support ເຊິ່ງເຂົາກໍ່ຕອບມາແບບເກົ່າວ່າ Your cPanel was huge ແລະບອກວ່າ Restart ໃຫ້
ຕອນຫລັງ ໆ ເລີ່ມສົງໄສເລີຍຊອກວິທີເຮັດເອົາເອງ ປະກົດວ່າຕອນນີ້ເຮັດເອງໄດ້ແລ້ວ ໕໕໕
ໃຫ້ຣັນຄຳສັ່ງ
/etc/init.d/cpanel restart Cpanel
ໃນ SSH ຖ້າຈັກຫນ່ອຍກໍ່ຮຽບຮ້ອຍ ຮຶຮຶ
Ubuntu ShipIt (ໃນທີ່ສຸດກໍ່) ມາຮອດແລ້ວ
ຮູ້ສຶກວ່າ ຈະຂໍແຜ່ນ Ubuntu ໄປດົນ ດົນ ດົນ ດົນ ຕັ້ງແຕ່ຕອນມັນຍັງບໍ່ທັນອອກເທື່ອ (Pre-order) ຫນ້າຈະເປັນເກືອບສອງເດືອນແລ້ວ ໃນທີ່ສຸດ ມື້ນີ້ມັນກໍ່ມາຮອດມື 
ເປັນແຜ່ນຊີດີຟຣີທີ່ຂໍໄດ້ຈາກ https://shipit.ubuntu.com/ ໃຊ້ເວລາສົ່ງປະມານ 2 – 8 ອາທິດ ຫຼືປະມານສອງເດືອນເປັນຢ່າງຊ້າ ເຂົາຈະສົ່ງມາໃຫ້ຟຣີ ມີແຕ່ຖ້າຮັບເອົາຢູ່ບ້ານ 
ຫນ້າຫໍ່
