*real me

ອິນເຕີເນັດດີໆໃນປະເທດລາວ

ຂຽນເມື່ອ October 27, 2010, ໃນຫມວດ ຝອຍໃຫ້ຟັງ. (ອ່ານ 329 ຄັ້ງ)

ເລື່ອງອິນເຕີເນັດປະເທດລາວຕອນນີ້ກໍນັບວ່າດີກວ່າແຕ່ກ່ອນຫຼາຍ ເຖິງຫຼາຍຄົນຈະບອກວ່າແພງ ແລ້ວກໍຊ້າ ແຕ່ ຂພຈ ຜັດຄຶດວ່າ ຄົນລຸ້ນໃໝ່ຫັ້ນດີແລ້ວ ທີ່ໄດ້ໃຊ້ ແຕ່ກີ້ຕອນໃຊ້ເນັດໃໝ່ໆ ຕ້ອງໄດ້ຈ່າຍເດືອນລະ $40 ຫຼິ້ນໄດ້ 50 ຊມ ອິນເຕີເນັດຄວາມໄວ 56kbps (ຕໍ່ຕິດແທ້ໆ ບໍ່ເກີນ 52kbps) ນອກຈາກເສຍຄ່າເນັດແລ້ວກໍຍັງເສຍຄ່າໂທລະສັບອີກນຳ (ໃນກໍລະນີຢູ່ຕ່າງແຂວງ) ຖ້າໃຜເຄີຍໃຊ້ຄົງຈະຈື່ໝາຍເລກ 8888 ໄດ້ດີ.

ຫຼາຍປີຕໍ່ມາ ເລີ່ມມີເນັດ ADSL ເຂົ້າມາ ມີເນັດ IPStar (ເນັດຜ່ານດາວທຽມ) ມີລະບົບGPRS/EDGE ຈົນມາຮອດລະບົບ 3G ພ້ອມທັງລາຄາທີ່ຖືກລົງຈົນສາມາດຈັບຕ້ອງໄດ້ ກໍນັບວ່າມີການພັດທະນາມາພໍສົມຄວນ.

ການຈະເອົາໄປປຽບທຽບປະເທດໃກ້ຄຽງກໍດີ ຫຼືປຽບທຽບກັບໂລກຕາເວັນຕົກກໍດີ ຕ້ອງເຂົ້າໃຈວ່າ ພື້ນຖານຂອງແຕ່ລະປະເທດບໍ່ຄືກັນ ບໍ່ວ່າຈະເປັນດ້ານພົນລະເມືອງ, ເສດຖະກິດ, ແລະອື່ນໆ ແມ່ນມີຄວາມແຕກຕ່າງກັນຢ່າງເຫັນໄດ້ຊັດ ຈຶ່ງບໍ່ອາດຈະນຳມາໄວ້ຂ້າງໆ ກັນແລ້ວເວົ້າວ່າ ປະເທດນີ້ມີ ປະເທດເຮົາຄືບໍ່ມີ ດັ່ງນີ້.

ຫາກຕ້ອງການໃຫ້ ອິນເຕີເນັດດີໆໃນປະເທດລາວ ມີໃນປະເທດລາວ ພວກເຮົາຄົນລາວຕ້ອງຊ່ວຍກັນ ພັດທະນາໃຫ້ມັນມີຂຶ້ນໂດຍໄວ ບໍ່ທາງກົງກໍທາງອ້ອມ ບໍ່ດັ່ງນັ້ນ ຖ້າມີແຕ່ເວົ້າໄປທຸກມື້ ກໍຄົງຈະບໍ່ມີ ອິນເຕີເນັດດີໆໃນປະເທດລາວ ໃຫ້ໃຊ້ກັນແນ່ນອນ!

ຈົບດີກວ່າ ໂພສໂດຍມີຈຸດປະສົງບາງຢ່າງ ອິອິ

Tags: Internet, Laos

Mac Software for Advanced OS X Users: 70 Apps

ຂຽນເມື່ອ October 27, 2010, ໃນຫມວດ Mac. (ອ່ານ 280 ຄັ້ງ)

ພໍດີໄປເຫັນ http://mac.appstorm.net/roundups/mac-software-for-advanced-os-x-users-70-apps/ ຮວມໂປຣແກຣມຂອງ mac ສຳລັບ advanced users ກໍເລີຍເກັບໄວ້ ເຜື່ອອາດຈະໄດ້ໄປອ່ານອີກ.

Tags: advanced users, mac, osx

Downgrade iPhone 3G 4.0.x ໄປ 3.1.2

ຂຽນເມື່ອ October 5, 2010, ໃນຫມວດ ເທັກໂນໂລຢີ. (ອ່ານ 284 ຄັ້ງ)

ພໍດີມີບັນຫາບາງຢ່າງກໍເລີຍຕ້ອງຫາທາງ downgrade iPhone 3G (ຂອງໝູ່) ທີ່ໃຊ້ iOS 4.0.1 ໄປ 3.1.2 ເພື່ອຫວັງວ່າຈະສາມາດ unlock ໄດ້ ແລະພົບວ່າ ໃຊ້ວິທີຕາມໃນ http://ijafri.com/2010/07/22/downgrade-ios-4-0-1-to-3-1-3-3-1-2-how-to-guide/ ໄດ້ຜົນດີ ແຕ່ບັນຫາຄື baseband ມັນປ່ຽນແລ້ວ ແລະ baseband ນັ້ນຈະບໍ່ສາມາດຫາສັນຍານໄດ້ອີກ ໂອ ເວນກຳ ສະຫຼຸບ ຕ້ອງໄດ້ຖ້າ 4.1 ໃຫ້ jailbreak ໄດ້ກ່ອນ ຈົບ.

Tags: 3G, apple, Downgrade, iOS, iPhone

The Story of Bottled Water

ຂຽນເມື່ອ August 28, 2010, ໃນຫມວດ ໄອເດຍ. (ອ່ານ 276 ຄັ້ງ)

Tags: world

ຄວາມສຸກມັນແມ່ນຫຍັງກັນ

ຂຽນເມື່ອ August 23, 2010, ໃນຫມວດ ຝອຍໃຫ້ຟັງ. (ອ່ານ 269 ຄັ້ງ)

ເຄີຍຄຶດມາດົນແລ້ວວ່າ ບາງຄັ້ງຊີວິດຄົນເຮົາກໍເກີດມາເພື່ອກຳຈັດຄວາມເຊັງ ພໍດີມື້ວານໄດ້ລົມນຳໝູ່ ມີໝູ່ຄົນນຶ່ງລວຍ ພໍ່ແມ່ມີເງິນຫຼາຍຍຍຍຍຍຍຍ ຈົນໃຫ້ລູກສາມາດຢູ່ກິນນອນກິນບໍ່ຕ້ອງເຮັດຫຍັງໄດ້ໄປທັງຊາດເລີຍ ແຕ່ຜູ່ເປັນລູກກໍບໍ່ໄດ້ພໍໃຈປານໃດ ເນື່ອງຈາກເປັນລູກຄົນດຽວ ຈຳເປັນຕ້ອງເຊື່ອຟັງພໍ່ແມ່ (ຢ່າງຂັດບໍ່ໄດ້) ແລະແນ່ນອນກົດຂໍ້ສຳຄັນແມ່ນ ຫ້າມຕາຍ!!! ດັ່ງນັ້ນ ກິດຈະກຳທີ່ “ອາດຈະ” ເປັນຄວາມສ່ຽງຕ່າງໆ ບໍ່ວ່າຈະເປັນການໄປຮຽນຕໍ່ເມືອງນອກ ແມ່ນຫຍັງເທືອກນັ້ນຖືວ່າສະລະສິດໄປໄດ້ເລີຍ.

ຄວາມຕະຫຼົກມັນກໍຢູ່ບ່ອນວ່າ ເຖິງແມ່ນຈະມີເງິນທອງກອງກ່າຍມາກມາຍມະຫາສານ ກໍເຊັງ ເພາະບໍ່ມີຫຍັງເຮັດ ບໍ່ໄດ້ເຮັດອັນທີ່ມັກ ເພິ່ນກໍເລີຍໄປເປີດຮ້ານນ້ອຍໆ ເຮັດທຸລະກິດຂອງຕົນເອງ ເຖິງວ່າມັນຈະໄດ້ເງິນໜ້ອຍຫຼາຍກໍຕາມ ແຕ່ກໍເຮັດ ເພາະບໍ່ເຮັດແລ້ວຊິບໍ່ມີຫຍັງເຮັດ ກໍເລີຍເຮັດໄປຊື່ໆ ຫາເລື່ອງໃສ່ໂຕບໍ່ໃຫ້ມັນເຊັງກັບຊີວິດ.

Tags: ຄວາມສຸກ, ຊີວິດ

Life is simple, its just not easy.

ຂຽນເມື່ອ August 15, 2010, ໃນຫມວດ ຝອຍໃຫ້ຟັງ. (ອ່ານ 313 ຄັ້ງ)

ຊ່ວງນີ້ເມົາໆ ນຳເລື່ອງບໍ່ເປັນເລື່ອງ ຮ້ານເຂົ້າມັນໄກ່ກໍຊິປິດລະ ຕ້ອງກັບໄປຫຼວງພະບາງໄປສົ່ງເມຍ ແລ້ວກັບມາເຮັດວຽກຕໍ່ ວຽກກໍຄ້າງຢູ່ຫຼາຍອັນ ເວັບກໍແຮງຫຼາຍອັນບໍ່ໄດ້ອັບເດດ ແຕ່ມື້ນີ້ກໍໄປອັບເດດ blog.au8ust.com ຈັກໜ່ອຍໃນໂພສກ່ຽວກັບ mv ທີ່ເຮັດອາທິດກ່ອນໆ.

ຖ້າທຸກຢ່າງມັນງ່າຍ ມັນກໍຄືຊິດີ ແຕ່ຖ້າຊີວິດນີ້ມີແຕ່ເລື່ອງງ່າຍໆ ແລ້ວມັນຊິຍາກບ່ອນໃດລະ