Archive for 'ຝອຍໃຫ້ຟັງ'
ວຽງລາວ
Posted on March 5, 2007, under ຝອຍໃຫ້ຟັງ, ເທັກໂນໂລຢີ.
ມື້ນີ້ໄປຄົ້ນ ໆ ໃນ Google ລອງໃຊ້ຄຳວ່າ “ຄອມພິວເຕີ” ແລ້ວກໍ່ໄປເຫັນບລັອກນີ້ເຂົ້າ… ວຽງລາວ
ເບິ່ງຈາກວິທີການໃຊ້ສັບໃຊ້ພາສາແລ້ວ ເຂົ້າໃຈວ່າ ຫນ້າຈະເປັນລາວເກົ່າ ລອງໄປເບິ່ງ Profile ເພິ່ນຂຽນບອກວ່າ…
Location: ໂຕກຽວ : Japan
ອ່າ… ມາຈາກຢີ່ປຸ່ນນີ້ເອງ… ໃນບລັອກເພິ່ນ ກໍ່ຈະມີເລື່ອງຫນ້າສົນໃຈຢູ່ຫລາຍຢ່າງ ກ່ຽວກັບຄອມພິວເຕີ ທິບ ເທັກນິກ ແລະໂປຣແກຣມມິງ
ຫລັງ ໆ ມາເລີ່ມເຫັນຄົນລາວຂຽນບລັອກກັນຫລາຍຂຶ້ນ ແບບນີ້ມີຫວັງ LaoBlogger.com ຊິໄດ້ແຈ້ງເກີດ 😉
Technorati Tags: ວຽງລາວ, ຄອມພິວເຕີ, ບລັອກ, ໃຫມ່, ຄົນລາວ, ບລັອກລາວ, ເວັບບລັອກ, ໂຕກຽວ, ຢີ່ປຸ່ນ, au8ust
021 219425
Posted on March 5, 2007, under ຝອຍໃຫ້ຟັງ, ເທັກໂນໂລຢີ.
ມື້ຄືນນີ້ ຂະນະທີ່ກຳລັງຫລິ້ນເນັດມັນ ໆ… ປະກົດວ່າ ເນັດຫລຸດ…!! ເລີຍຄິດວ່າ ສົງໄສເປັນນຳຄອນເນັດມາດົນໂພດ ເລີຍຫລຸດໄປຊື່ ໆ (ປະມານ 17 ຊົ່ວໂມງຕໍ່ເນື່ອງ –ແຕ່ເຄີຍຕໍ່ເກີນ 30 ຊົ່ວໂມງຕໍ່ເນື່ອງ) ເລີຍຣີຄອນເນັດໃຫມ່ ມັນຂຶ້ນ Busy… -_-)//
ຕໍ່ອີກສອງສາມຄັ້ງບໍ່ຕິດ ກໍ່ໄປນອນເສັຍ
ຕື່ນມາຫົກໂມງເຊົ້າ ມາຕໍ່ອີກ ກໍ່ບໍ່ຕິດອີກ ເລີຍຖ້າຈົນຮອດປະມານໃກ້ ໆ 9 ໂມງ ໂທໄປ 021 219425 ເປັນເບີສອບຖາມກ່ຽວກັບອິນເຕີເນັດຂອງລາວໂທລະຄົມ ໂທໄປຕອນທຳອິດບໍ່ມີໃຜຮັບ ໂທໄປເທື່ອທີ່ສອງຜູ້ຍິງຮັບ ເວົ້າບໍ່ສຸພາບເທົ່າ 101 (ສົງໄສເງິນເດືອນຫນ້ອຍກວ່າ 😛 )
ຫລັງຈາກຖາມ username ຮຽບຮ້ອຍ ເພິ່ນກໍ່ບອກວ່າ ບໍ່ມີບັນຫາ… ອ້າວ!! ບໍ່ມີບັນຫາແລ້ວມັນມີຕັນຫາຫວາຊັ້ນນ່າ ຫ້າ ຫ້າ ຫ້າ+ ເອີ້… ເວົ້າແປກ ຈາກນັ້ນກໍ່ບອກໄປວ່າ ມັນໃຊ້ບໍ່ໄດ້ ມັນຕໍ່ບໍ່ຕິດ ຕໍ່ແລ້ວຟ້ອງວ່າລະຫັດ ຫລືຊື່ບໍ່ຖືກຕ້ອງ ເອື້ອຍເພິ່ນເລີຍບອກ ໃຫ້ລອງໃຊ່ຊື່ໃສ່ລະຫັດໃຫມ່ຄືນເບິ່ງ ກໍ່ບອກໄປວ່າລອງແລ້ວບໍ່ໄດ້ ເພິ່ນເລີຍບອກ ອີກຈັກຫນ່ອຍໃຫ້ລອງໃຫມ່…
ຈັກຫນ່ອຍຜ່ານໄປ ກໍ່ມາລອງຕໍ່ອີກ ກໍ່ບໍ່ໄດ້ອີກ ກໍ່ໂທໄປອີກ ເທື່ອນີ້ຜູ້ຊາຍຮັບ ເວົ້າ (ເກືອບ) ດີ ລາວຖາມຫາລະຫັດພ້ອມ ກໍ່ນັ່ງ spell password ກັນຜ່ານໂທລະສັບ ກວ່າຊິເຂົ້າໃຈກໍ່ກິນເວລາໄປຫລາຍນາທີ -.-
ຈາກນັ້ນກໍ່ໃຫ້ຖືສາຍຖ້າ ແລ້ວກໍ່ໄປເຄາະ keyboard ສອງສາມນາທີກັບມາ ບອກອີກ 5 ນາທີລອງໃຫມ່ ແລ້ວກໍ່ວາງສາຍ
ອີກປະມານ 5 ນາທີ ລອງໃຫມ່ ປະກົດວ່າ ໄດ້ຜົນ -_-” ເປັນເທື່ອທີ່ 3 ລະ ເວນກຳ ຈັກມັນເປັນຫຍັງ ແຕ່ລະເທື່ອກ່ອນຈະເປັນ ກໍ່ຈະມີອາການຄ້າຍ ໆ ກັນຫມົດ ຄື ເນັດຈະຫລຸດ ຈາກນັ້ນຕໍຄືນແລ້ວຈະຂຶ້ນ Busy ແລ້ວຖັດໄປ ກໍ່ຂຶ້ນ Error 691 ລະຫັດຜ່ານ ຫລືຊື່ບໍ່ຖືກ
ບໍ່ຮູ້ມັນເປັນຫຍັງຂອງມັນ ລາວໂທລະຄົມ
Technorati Tags: ລະຫັດ, ຊື່, ລາວໂທລະຄົມ, 101, 219425, Error 691, ອິນເຕີເນັດ, au8ust
ຄວາມຮູ້ໃຫມ່
ມື້ນີ້ໄປປະຊຸມບ້ານມາ ໃຊ້ເວລາ 1 ຊົ່ວໂມງ ກັບອີກປະມານ 5 ນາທີ ໃນການປະຊຸມຄັ້ງນີ້ ເຮັດໃຫ້ໄດ້ຮູ້ວ່າ
- ຫລວງພະບາງມີເຈົ້າເມືອງຊື່ ໄຊຍະສັກ ແກ້ວປັນຍາ
- ບ້ານຈູມຄ້ອງມີ 69 ຄອບຄົວ
ຈົບ LOL
Technorati Tags: ຄວາມຮູ້ໃຫມ່, ບ້ານຈູມຄ້ອງ, ປະຊຸມ, ໄຊຍະສັກ, ແກ້ວປັນຍາ, au8ust
Ad The Sim 2
ເຫັນໃນ TPAGON
ຊີວິດ ແລະເມືອງມໍລະດົກ
ມື້ນີ້ພວກມໍລະດົກມາເກັບປ້າຍຕາງໆ ຕາມທາງ ພວກປ້າຍທີ່ຍື່ນອອກມາເກີນຂອບເຂດທີ່ ທາງມໍລະດົກເຂົາກຳຫນົດໄວ້ ກໍ່ຈະຖືກຫາມຂຶ້ນລົດໄປ ໂດຍທາງເຈົ້າຫນ້າທີ່ ໆ ກ່ຽວຂ້ອງ ຈະເອົາລົດມາພ້ອມ ແລ້ວກໍ່ມີຄົນມາຖ່າຍຮູບແຊ່ະໆ ໄວ້ເປັນຫລັກຖານ
ເຂົ້າໃຈວ່າ ຊ່ວງຫລັງນີ້ຄົງຈະເລີ່ມມາຈັດສັນບ້ານເມືອງອີກຄັ້ງຫນຶ່ງ ແລະອາດຈະໄປກ່ຽວຂ້ອງກັບງານກິລາທີ່ຈະຈັດຂຶ້ນ ໃນຊ່ວງເດືອນຫນ້ານີ້ນຳ ແຕ່ວ່າ ໃນຄວາມເປັນຈິງແລ້ວ ເຂົາເຮັດແບບນີ້ມັນແປກໆ ການທີ່ເຈົ້າຫນ້າທີ່ຈາກ ມໍລະດົກ ມາບອກໃຫ້ຍ້າຍປ້າຍ ຫລືປ່ຽນປ້າຍ (ລືມເລົ່າໄປວ່າ ຢູ່ຫລວງພະບາງ ປ້າຍຮ້ານຕ້ອງມີຊື່ພາສາລາວຂຶ້ນກ່ອນ ແລ້ວຈຶ່ງຕາມດ້ວຍພາສາອື່ນ) ແຕ່ລະຄັ້ງນັ້ນ ຈັ່ງແມ່ນວ່າ ບໍ່ເປັນທາງການຈັກຫນ້ອຍເລີຍ ມີແຕ່ໃຫ້ຄົນມາເວົ້າໆໆໆໆບາງກໍ່ມີທຳທ່າລັກສະນະຂູ່ເຂັນຊ້ຳ ແທນທີ່ຊິເຮັດຫນັງສືມາດິບດີ ຫລືອາດມີການປະຊຸມຊີ້ແຈງ ແລະວາງລະບຽບທີ່ຊັດເຈນໃຫ້ທຸກຝ່າຍເຂົ້າໃຈ ແຕ່ກໍ່ບໍ່ເຮັດ
ຫລວງພະບາງກໍ່ເປັນແຕ່ແບບນີ້ແຫລ່ະ ຈຶ່ງບອກວ່າ ໂດຍສ່ວນຕົວແລ້ວ ບໍ່ຢາກເປີດຮ້ານພວກນີ້ ເຖິງລາຍໄດ້ຈະດີ ລາຍຮັບຈະດີ ແລະບາງຄັ້ງ ລາຍເຫລືອຈະດີ ແຕ່ວ່າ… ເງິນບໍ່ແມ່ນທຸກຢ່າງຂອງຊີວິດ!! ຫາກຊິໃຫ້ໃຊ້ຊີວິດແບບນີ້ ສູ້ໄປເປີດຮ້ານນ້ອຍໆ ເຮັດໃນສິ່ງທີ່ເຮົາຖະນັດ ແລະຮັກດີກວ່າ ຈະໄດ້ມີເວລານັ່ງຟັງທັມມະ ມີເວລານັ່ງສະມາທິ ແລະໄດ້ຊ່ວຍເຫລືອຜູ້ຄົນອື່ນ ຂໍພຽງແຕ່ມີຊີວິດແບບຮຽບງ່າຍ ພໍຢູ່ພໍກິນ ດີກວ່າຈະມີເງີນຫລາຍໆ ແຕ່ວ່າຕ້ອງຄອຍຫ່ວງວ່າເງິນທີ່ເຮົາຫາມາໄດ້ນີ້ຈະເສັຍໄປ ຫ່ວງວ່າເງິນນີ້ຈະມີອັນຕ້ອງຈິບຫາຍ ມີໂຈນມາເອົາໄປ ມີຍາດມິດທີ່ຊັງເຮົາມາເອົາໄປ ແບບຫລັງນີ້ ບໍ່ມີດີກວ່າ 🙂
ຈັກແມ່ນໃຜແທ້ທີ່ບໍ່ຖືກ…
ໄປອ່ານຂ່າວໃນ RFA Lao ມາ ອ່ານແລ້ວກໍ່ງົງ ໆ ພວກລາວເກົ່ານີ້ຕັ້ງເປັນແນວນີ້ແທ້ໆ… ຂໍຍົກມາໃຫ້ອ່ານ
ອິດທິພົລໄທຽ ເຮັດໃຫ້ພາສາລາວ ວິນາສຮຽກທວງພາຄຣັຖ ໃຫ້ຄວາມເບີ່ງແຍງ
2007.02.20
ໜັງສືພີມຜູ້ຈັດການຣາຍວັນໄທຽສະບັບວັນທີ່ 12 ກຸມພານີ້ແຈ້ງວ່າ: ສື່ມວນຊົນທາງການລາວໄດ້ຮຽກຮ້ອງໄປຍັງທາງ
ການລາວທີ່ຮັບຜິດຊອບເພື່ອໃຫ້ເອົາໃຈໃສ່ຄວບຄຸມເບີ່ງແຍງນຳການໃຊ້ພາສາລາວ ຍ້ອນປະຊາຊົນແມ້ກະທັ້ງສື່ມວນ
ຊົນບາງຄົນກໍຫັນປ່ຽນໄປໃຊ້ພາສາໄທຽຫລາຍຂື້ນ ທີ່ອາຈຈະເຮັດໃຫ້ “ພາສາລາວວິບັຕ” ຫລືວິນາສຈິບຫາຍໄປໃນ
ພາຍຂ້າງໜ້າກໍເປັນໄດ້!ໜັງສືພີມດັ່ງກ່າວຢືນຢັນວ່າ: ມີຫລາຍປໂຍກໃນພາສາລາວຮວມທັງຄຳສັພສາ ມັນຕ່າງໆສູນເສັຽໄປຢ່າງຫລວງຫລາຍ
ຍ້ອນພາກັນນຳເອົາພາສາໄທຽເຂົ້າມາໃຊ້ແທນເຊັ່ນວ່າ: “ນ້ຳແຂງ” ແທນທີ່ຈະໃຊ້ພາສາລາວທີ່ວ່າ: “ນ້ຳກ້ອນ”, “ເຈິ
ກັນ” ແທນຄຳວ່າ “ພົບກັນ”, “ຫລໍ່ຫລາຍ” ແທນທີ່ຈະວ່າ “ເຈົ້າຊູ້ຫລາຍ”, “ແມ່ບ້ານ” ແທນທີ່ຈະວ່າ “ແມ່ເຮືອນ” ຫລື
“ປິດປະຕູ” ແທນທີ່ຈະວ່າ “ອັດປະຕູ” ດັ່ງນີ້ເປັນຕົ້ນ.ທາງໜັງສືພີມລາວໄດ້ຮຽກຮ້ອງໃຫ້ທາງການກ່ຽວຂ້ອງໄດ້ເອົາໃຈໃສ່ຄວບຄຸມເຊັ່ນວ່າ: “ໃຫ້ມີການປັບປຸງໂຄສະນາແລະ
ອົບຮົມປະຊາຊົນຢ່າງກ້ວາງຂວາງ”ເພື່ອໃຫ້ຮູ້ແລະເຂົ້າໃຈເຖີງທີ່ມາເປັນການຮັກສາພາສາລາວໄວ້. ບັນຫາສ່ວນໃຫຍ່
ໃນປັຈຈຸບັນອາຈເປັນດ້ວຍສາເຫຕທີ່ວ່າມີການນິຍົມເບີ່ງໂທຣະທັດຫລືຟັງວິທຍຸໄທຽເປັນສ່ວນໃຫຍ່ນັ້ນກໍເປັນໄດ້ ແລະ
ນອກຈາກນັ້ນຍັງມີບັນຫາສິນຄ້າຕ່າງໆທີ່ນຳເຂົ້າປະເທດນັ້ນ ແມ້ກະທັ້ງເຄື່ອງຫລິ້ນເກ໊ມຕ່າງໆຫລືໂທຣະສັພມືຖືຈະມີຂໍ້
ມູນຫລືວິທີແນະນຳໃນການໃຊ້ກໍລ້ວນແຕ່ເປັນພາສາໄທຽ ຈື່ງເຮັດໃຫ້ມີການນິຍົມໃຊ້ເປັນພາສາໄທຽໄປເລີຽໂດຽບໍ່ໄດ້
ຄຳນຶງເຖີງຄວາມເສັຽຫາຍທີ່ຈະຕາມມາພາຍຫລັງນັ້ນແຕ່ຢ່າງໃດ!!ຫວາດ ສີມູນ ຣາຍງານ
ອ່ານໄປກໍ່ຫົວໄປ… *sigh
56K ລົ່ມ!!!
Posted on February 22, 2007, under ຝອຍໃຫ້ຟັງ, ເທັກໂນໂລຢີ.
ໃຊ້ເນັດມາບໍ່ໄດ້ສອງສາມມື້ ເພາະວ່າ ອືດເປັນເຕົ່າຄານ ເລີຍອັບເດທຫຍັງບໍ່ໄດ້ ຕິດຕາມຂ່າວກໍ່ທັງຍາກ (ຫາຮູ້ມື້ເຊົ້າວ່າ WordPress 2.11+2.0.9 ອອກແລ້ວ Oo!) ມັນຜິດປົກກະຕິຕັ້ງແຕ່ສອງມື້ກ່ອນ ເຂົ້າເວັບຫຍັງກໍ່ຍາກ ເຂົ້າເວັບຕ່າງປະເທດ ໂຄດອືດເລີຍ ເຂົ້າໄດ້ແຕ່ laotel.com ກັບ etllao.com ເຊິ່ງມີ server ໃນລາວ ເລີຍເຂົ້າໄດ້
ສອງມື້ຕໍ່ມາ ກໍ່ຍັງເຂົ້າບໍ່ໄດ້ອີກ ນຶກສົງໄສມັນເປັນຫຍັງຂອງມັນ ໄປໃຊ້ຢູ່ຮ້ານເນັດ (ADSL 1024K) ກໍ່ຄືວ່າປົກກະຕິດີ ມື້ນີ້ເລີຍໂທໄປ 101 ຖາມເບິ່ງ ເຂົາບອກ ໃຫ້ໂທຫາເບີ… ຖືສາຍຖ້າກ່ອນ… ກໍ່ຖືສາຍຟັງເພງຖ້າ ຈັກເພງໃຜບໍ່ຈັກ ບໍ່ໄດ້ຕິດຕາມ ຮູ້ແຕ່ວ່າບໍ່ມ່ວນ – -*
ພໍສາຍຕັດກັບມາ ສາວ 101 ກໍ່ຖາມວ່າ ຢູ່ຫລວງພະບາງບໍ? ເລີຍຕອບວ່າ ແມ່ນລ່ະ ສາວເພິ່ນກໍ່ບອກວ່າ ມັນເປັນແຕ່ມື້ວານແລ້ວ (ເກືອບບອກສາວເພິ່ນວ່າ ເປັນແຕ່ມື້ກ່ອນໆ ຕ່າງຫາກ) ເຂົາກຳລັງແກ້ຢູ່ ວ່າຊັ້ນ… (- – )??
ເປັນອັນວ່າ ຕ້ອງຖ້າຕໍ່ໄປ ກະວ່າອີກມື້ສອງມື້ຫນ້າຈະໃຊ້ໄດ້ ເລີຍມາຄິດໆ ວ່າ ເອ໊ະ!! ມື້ຫນ້າເຮົາຕິດ ADSL 256K ມັນຊິບໍ່ເປັນແບບນີ້ອີກບໍ້… ເອີ.. ແຕ່ບາງທີຖ້າເອົາ au8ust.org ມາໄວ້ໃນ server ໃນລາວກໍ່ຫນ້າຈະດີ ຄົນເຂົ້າເວັບອື່ນບໍ່ໄດ້ ຕ້ອງມາເວັບເຮົາ 😛 ~
ອາຫານໃຫມ່
ມື້ນີ້ໄດ້ຍິນພະນັກງານຮ້ານລົມກັນ ຄົນໃນຄົວບອກວ່າ
“ບໍ່ຈັກຊິຄົວຫຍັງ ແຕ່ລະມື້ກໍ່ຄົວແຕ່ແນວເກົ່າກິນ ເບື່ອ…”
ພະນັກງານທາງນອກຟັງ ລວມເຖິງຜູ້ຈັດການ ຜູ້ຈັດການຟັງແລ້ວກໍ່ເວົ້າຂຶ້ນວ່າ
“ຊິໄປຍາກຫຍັງ… ມື້ນີ້ເຮັດແກງຜັກກາດໃສ່ກະຫລ່ຳປີ ມື້ອື່ນກໍ່ເຮັດແກງກະຫລ່ຳປີໃສ່ຜັກກາດ ມື້ຮືກໍ່ເຮັດແກງຜັກກາດໃສ່ກະຫລ່ຳປີ ມື້ຖັດໄປກໍ່ເຮັດແກງກະຫລ່ຳປີໃສ່ຜັກກາດ ເຮັດແບບນີ້ກໍ່ໄດ້ກິນແນວບໍ່ຊ້ຳກັນແລ້ວ…”
ເຮົາຟັງແລ້ວກໍ່ ເອ໊ະ! ແປກ… ວິທີເວົ້າແບບນີ້ໃຫ້ແງ່ມຸມຫນ້າສົນໃຈດີ ມັນເປັນຈິດຕະວິທະຍາຢ່າງຫນຶ່ງ ຕໍ່ໄປອາດໄດ້ໃຊ້ວິທີການເວົ້າແບບນີ້ 555+
LaoSymbian is gone…
Posted on February 18, 2007, under ຝອຍໃຫ້ຟັງ, ເທັກໂນໂລຢີ.
ກະວ່າຊິແວະໄປເບິ່ງເວັບເພື່ອນບ້ານ ປະກົດວ່າ…
This Account Has Been Suspended Dear Fine Spot Network Users,We are suspending accounts to remind you that we are scheduled to leave the present server we are using and to transfer to a new one until March 15, 2007. Please reply to this thread if you want your account to be unsuspended.
1. Reply with your account’s domain name.
2. State whether you want to be transfered to the new server on March 15, 2007.
3. Send to me(Efil) through private message your account’s user name.Please read Fine Spot Networks Announcements for more information.
http://finespot.net/english/index.php?board=12.0Best Regards,
Efil Leiv
Fine Spot Network
Fine Traders Group
ໂລກນີ້ບໍ່ມີຫຍັງທ່ຽງແທ້ໆ… ລາກ່ອນ LaoSymbian
ປລ. ແຕ່ກໍ່ດີແລ້ວແຫລ່ະ ໄປໆ ເສັຍ ຈະໄດ້ຫມົດເລື່ອງ 555+ (ອ້າວ!!?)
ງົດອັພບລັອກ
ພໍດີຊ່ວງນີ້ວຽກລົ້ນມື ມື້ນີ້ (ວັນທີ່ 15) ຕື່ນມາຕອນ 4.00am ລຸກມາເປີດປະຕູ ເຂົາມາເອົາກະແຈ ຈາກນັ້ນຕອນຕໍ່ໄດ້ຫນ້ອຍດຽວ ຮອດເຊົ້າ ນອນຫລັບໆ ຕື່ນໆ ກໍ່ມາເປີດຮ້ານຕອນ 5.30am ຈາກນັ້ນຫລັບຕໍ່ອີກຫນ້ອຍຫນຶ່ງ ກໍ່ເອົາອີກແລ້ວ ເປີດຮ້ານ ແມ່ລົງມາ ມາເປີດໆ ຈາກນັ້ນ ສັ່ງໃຫ້ໄປເຝົ້າຮ້ານນ້ອຍ ເພາະວ່າຕາລ້ານ ຍັງບໍ່ມາ ສົງໄສມັນໄປເພີນ ເລີຍໄປນັ່ງເຝົ້າ
ນັ່ງໆ (ແລະນອນໆ) ຮອດທ່ຽວ ໄດ້ບິນ 5 ບິນ !! ໂອ… ຕາຍລະ… ຊິພໍໃຊ້ຫນີ້ບໍ່ລ່ະນໍ້… ນັ່ງໆນອນໆ ເພາະວ່າຢາກນອນແຮງ ກິນຫຍັງເຂົ້າໄປແລ້ວກໍ່ຢາກນອນພ້ອມ ເມື່ອຍ ມື້ຄືນນອນຕອນປະມານເກືອບສອງໂມງ (ນັ່ງຖ້າຄົນມາເອົາກະແຈ ແຕ່ບໍ່ມາ) ເປີດຮ້ານຈົນຮອດ 12 ໂມງກາງຄືນ ແລ້ວກໍ່ປິດ ຈາກນັ້ນກໍ່ໄປຕໍ່ຮ້ານເກມ ໄປລົງເກມ ລົງ Vista ລອງພ້ອມ ຮູ້ສຶກແປກໆ ມັນພິລຶກໆ ໄວ້ຊິມາເລົ່າໃຫ້ຟັງ
ສະຫລຸບແລ້ວ ເກືອບບໍ່ໄດ້ຫາຍໃຈ -_-” ເລີຍວ່າ ບໍ່ມີເວລາມາອັພບລັອກເທື່ອ ຖ້າບໍ່ອີຫລີແທ້ໆ ກໍ່ຈະມາແນ່ນອນ ເພາະວ່າຫຍັງ…ເພາະວ່າບລັອກ ຄືສ່ວນຫນຶ່ງຂອງຊີວິດ 555+
