Archive for 'ຊີວິດ'
ຄວາມຊວຍອັນປະເສີດ
Posted on June 10, 2007, under ຊີວິດ, ບ້ານເມືອງ, ຝອຍໃຫ້ຟັງ, ສັງຄົມ, ເທັກໂນໂລຢີ.
ມື້ວານນີ້ໄຟດັບ ດັບມັນກໍ່ດັບຫມົດມື້ ດັບແຕ່ເຊົ້າຈົນຄ່ຳ ພໍໄຟມັນດັບແລ້ວກໍ່ຍາກ ເພາະວ່າໃດ ໆ ກໍ່ລ້ວນແຕ່ຕ້ອງອາໄສໄຟຟ້າ ພໍມັນບໍ່ມີໄຟຟ້າໃຊ້ກໍ່ຍາກໄປຫມົດ ຄອມກໍ່ເປີດບໍ່ໄດ້ ໂທລະສັບທີ່ມັນໃຊ້ໄຟຟ້າກໍ່ໃຊ້ບໍ່ໄດ້ ມືຖືແບັດຫມົດກໍ່ສາກບໍ່ໄດ້ ຮ້ອນກໍ່ຕ້ອງວີເອົາ ຯລຯ
ວ່າຊິຕິດຕັ້ງກ້ອງວົງຈອນປິດ ແຕ່ວ່າຍັງບໍ່ມີສາຍ ກ້ອງມັນມີ 8 ຕົວ ຕ້ອງຕິດຕັ້ງອ້ອມ ໆ ສະຖານທີ່ ລາກສາຍໄປມາ ຫນ້າຈະໃຊ້ຄວາມຍາວປະມານ 50 ແມັດ ແຕ່ວ່າໂທຖາມຢູ່ວຽງແລ້ວເພິ່ນບໍ່ວ່າ ສາຍ AV ຂະຫນາດ 2 ແມັດລາຄາ 15,000 ກີບ!! ຄິດມາແລ້ວຫນັກໃຈ ດ້ານສາຍສອງແມັດຍັງ 15 ພັນແລ້ວ ເອົາເປັນ 50 ແມັດຊິປານໃດ
ອືມ ບາງທີຕ້ອງປ່ຽນໃຊ້ສາຍ Cable ເອົາ ແຕ່ວ່າຖ້າໃຊ້ Cable ມັນຕ້ອງປ່ຽນຫົວແຈັກພ້ອມ ຕ້ອງລອງໂທໄປຖາມຢູ່ທ່າສະເດັດກ່ອນວ່າເຂົາມີຫົວແຈັກແບບ Cable ບໍ່
ຕະຫລົກຮ້າຍ : ຫນຸ່ມນ້ອຍ IT ກັບ ລຸງຊາວທະເລ
Posted on May 14, 2007, under ຊີວິດ, ເທັກໂນໂລຢີ.
ຫນຸ່ມນ້ອຍກຳລັງຈະຂ້າມຝາກໄປຫາເກາະແຫ່ງໜຶ່ງ ໂດຍອາໄສລຸງຊາວປະມົງພາຍເຮືອພາໄປ ແລະເມື່ອມາຮອດກາງທະເລນັ້ນ…
ຫນຸ່ມນ້ອຍ : ລຸງ ລຸງມີມືຖືຫຼືບໍ່? ຂ້ອຍຈະໄດ້ໂທເອີ້ນລຸງຕອນກັບ
ລຸງ : ບໍ່ມີດອກພໍ່ໜຸ່ມ ລຸງມີຫຍັງກໍ່ຍ່າງໄປຫາ ບໍ່ຕ້ອງໃຊ້ມືຖືດອກ
ຫນຸ່ມນ້ອຍ : ຕາຍ ໆ ນີ່ລຸງ ຖືວ່າຕາຍໄປແລ້ວ 25% ແລ້ວເດີ້ນີ້
…ຫນຸ່ມນ້ອຍກໍ່ລົມໂທລະສັບກາງທະເລກັບໝູ່ ແລ້ວລຸງກໍ່ພາຍເຮືອຕໍ່ໄປ…
ຫນຸ່ມນ້ອຍ : ນີ່ລຸງ ເຄີຍຫຼິ້ນເນັດບໍ່? ເຂົ້າເວບນີ້ແມະ ຂໍ້ມູນກ່ຽວກັບປາທະເລ ມີວິທີການຈັບປາ ແຫລ່ງຂາຍ ແລ້ວຄລິກດຽວກໍ່ຂາຍໄດ້ທົ່ວໂລກເລີຍ
ລຸງ : ລຸງກໍ່ຈັບພໍກິນ ຖ້າເຫລືອກໍ່ເອົາໄປຂາຍເທົ່ານັ້ນແຫລະ
ຫນຸ່ມນ້ອຍ : ຕາຍ ໆ ລຸງເຮັດວຽກແບບນີ້ຊິລວຍໄດ້ແນວໃດ ມືຖືບໍ່ມີ ຄອມບໍ່ມີ ເນັດກໍ່ບໍ່ມີ ແບບນີ້ເທົ່າກັບວ່າຕາຍໄປແລ້ວ 75%
ລຸງ : ລຸງຖາມແດ່ ລອຍນ້ຳເປັນບໍ່?
ຫນຸ່ມນ້ອຍ : ລອຍບໍ່ເປັນດອກລຸງ ໂອຍ…ໃຜຊິເຮັດເປັນທຸກຢ່າງເດ້
ລຸງ : ລຸງວ່າໂຕຫັ້ນຊິຕາຍແນ່ ໆ 100% ເພາະຄື່ນຍັກກຳລັງມາຈາກທາງນັ້ນແລ້ວ!!!
ປະໂຫຍກເດັດ ໆ (#2)
ຫາກທ່ານຕ້ອງການໃຫ້ສະຕີນາງໜຶ່ງ ຈົດຈຳແລະຄິດເຖິງທ່ານຕະຫລອດເວລາ ມີສອງວິທີ
ທາງທີ່ໜຶ່ງ ໄດ້ແກ່ການເຮັດໃຫ້ນາງຮັກທ່ານ ທາງທີ່ສອງຄືເຮັດໃຫ້ນາງແຄ້ນທ່ານ
ປະການທີ່ໜຶ່ງເຮັດໄດ້ຍາກ ແຕ່ປະການທີ່ສອງຮັບຮອງວ່ານາງຈະບໍ່ມີວັນລືມເລືອນທ່ານຕະຫລອດການ
*ເກັດຄວາມຮູ້: ສະຕີເມື່ອຕາຍແລ້ວ ອະໄວຍະວະທີ່ແຂັງຕົວຊ້າທີ່ສຸດຄືລີ້ນ ເພາະໃນຮ່າງກາຍຂອງສະຕີອະໄວຍະວະທີ່ໃຊ້ງານຫລາຍທີ່ສຸດຄືລີ້ນ
ທີ່ມາ – a@x
Technorati Tags: ປະໂຫຍກເດັດ, ສະຕີ, ຮັກ, ຄວາມຮັກ, ຊັງ, ຄວາມຊັງ, ອະໄວຍະວະ, realme, au8ust
ປະໂຫຍກເດັດ ໆ
ນອກຈາກຮູ້ຕົວກ່ອນວ່າຈະມີດາວຕົກປະກົດ ແຕ່ຈະມີຜູ້ໃດສາມາດລ່ວງຮູ້ດາວຈະຕົກເມື່ອໃດ?
ສານລັບ!!!?
Posted on April 1, 2007, under ຊີວິດ, ຝອຍໃຫ້ຟັງ, ເທັກໂນໂລຢີ.
ສອງມື້ກ່ອນ (ວັນທີ່ 30) ມີຄົນໃຊ້ Live Contact Form ໃນບລັອກ au8ust.org ສົ່ງຄວາມຄິດເຫັນມາໃຫ້ ມື້ນີ້ຫາກໍ່ເປີດເມລເຫັນ ເພາະວ່າໃຊ້ເນັດບໍ່ໄດ້ສອງມື້ ເປັນອາການເກົ່າຫັ້ນລ່ະ (ອ່ານໄດ້ໃນໂພສຕ໌ເກົ່າ)
ພໍເປີດເມລອ່ານ ກໍ່ປະກົດວ່າ…
ອືມ… ແລ້ວຂ້າພະເຈົ້າຈະອ່ານເຂົ້າໃຈບໍ່ເນາະມາແບບນີ້ -_-)???
ສັງຄົມລາວ
ຫມາເຫົ່າຊ້າງ ລະວັງບ່ອນບາທາມັນເດີ
ຕີນຊ້າງຢຽບປາກນົກ
ປາກບໍ່ໄດ້ໄອບໍ່ດັງ
ໃຜມືນ້ອຍຄ່ອຍຢິບຄ່ອຍແຍມ ໃຜມືໃຫຍ່ຮູດກິນຮູດກິນ
ມ້າສອງປາກແຕ່ມີດາກດຽວ
ຜູ້ກິນກິນພໍຮາກ ຜູ້ຢາກຢາກບໍຕາຍ
Technorati Tags: ພາສິດລາວ, ຄຳຄົມ, realme, au8ust
ມະຫະກຳຄວາມຊວຍໄດ້ເຮີ່ມຂຶ້ນແລ້ວ~
ປີນີ້ໄດ້ຍິນວ່າເປັນປີຊວຍ ທຳອິດກໍ່ຄິດໄປວ່າ “ ເຮົາຄືຊິບໍ່ຊວຍປານນັ້ນ ” ປະກົດວ່າ ຄວາມຊວຍມັນເຮີ່ມປະກົດຕົວ ໃຫ້ເຫັນທີລະນ້ອຍ ໆ ແລ້ວ
ຕອນຊ່ວງປີໃຫມ່ ເອົາມືຖືໄປໃຫ້ຄົນຮູ້ຈັກແປງໃຫ້ ຜ່ານໄປສອງເດືອນຍັງບໍ່ໄດ້ ແຖມເຮັດຫນ້າຈໍພັງອີກ ຫນ້າກາກເລະຫມົດອີກ ເອົາເຂົ້າໄປ ເລີຍໄປແປງຢູ່ວຽງໃຫ້ຄົນຮູ້ຈັກ ກໍ່ເອົາເຂົ້າໄປອີກ ຫມົດໄປເກືອບສອງພັນ
ກັບມາຢູ່ບ້ານ ກໍ່ເຄື່ອງເສຍອີກ ສົ້ງເສຍ ເສື້ອເສຍ ສາຍສາກມືຖືເສຍ ເສຍ ເສຍ ເສຍ ເສຍ ມີແຕ່ເລື່ອງເສຍປີນີ້
ສອງສາມມື້ກ່ອນກໍ່ເກີບເສຍອີກ ຂະຫນາດໄວ້ບ້ານແທ້ ໆ ກໍ່ຍັງເສຍ ບໍ່ຈັກຊິວ່າແນວໃດດີແບບນີ້ກະດາຍ
ອ້າຍຕັ້ມ ວ່າຊິມາທ່ຽວລາວ ກ່ອນມາກໍ່ເຮັດກະເປົາໃສ່ເງິນເສຍອີກ ມາກັບອ້າຍເຈຟ ມາຮອດໃຫ້ເຮົາຈັບຂ້າກ້ອງໃຫ້ ກໍ່ເກືອບເຮັດຂາກ້ອງເຂົາເສຍອີກ ດີແຕ່ບໍ່ເສຍ (ພໍດີມື້ນັ້ນໄປປ່ອຍນົກແດ່ ສົງໄສເທພຮັກສາ 😉 )
ອ້າຍສອງຄົນເພິ່ນມາກໍ່ພາໄປຕາດກວາງຊີ ຍັງໄປຖືກແມ່ຄ້າຄົນລາວເຮົານຳກັນແທ້ ໆ ຫລອກແດກຄ່າຫມາກພ້າວອີກ ແບບວ່າຊວຍມະຫາຊວຍ
ມາຮອດມື້ເຊົ້າ ຝຣັ່ງມັນຊິອອກແຕ່ເຊົ້າສອງຫ້ອງ ອັນຄວາມວ່າຝຣັ່ງມັນຄິດແນວໃດບໍ່ຈັກ ມັນກິນເບຍປ່ອງຫນຶ່ງ ມັນກໍ່ບໍ່ຍອມຈ່າຍອີກ ຊັກດາບຫນີແຕ່ເຊົ້າ ແຖມເປີດແອໄວ້ຫມົດຄືນ ໃສ່ 15 ອົງສາ ແອກໍ່ໄຫມ້ອີກ ຫມົດຄ່າແປງໄປ 800+1500 ບາດ ໂອ… ຕາຍລະ ປີຊວຍ
ອີກຫ້ອງຫນຶ່ງ ກໍ່ເອົາຄືກັນອີກ ກິນເບຍປ່ອງຫນຶ່ງບໍ່ຍອມຈ່າຍ ແຖມເອົານ້ຳຂາຍໄປສອງຂວດອີກ ເອົາເຂົ້າໄປສູເອີ້ຍຍຍຍ
ມື້ນີ້ແມ່ກັບແຕ່ວຽງມາ ກໍ່ໂດນອີກ ມາຮອດຍົນມັນລົງແຮງໂພດ ເພິ່ນຕົກໃຈຫມົດ ຕອນອອກເຄື່ອງມາເລີຍລືມຖົງເຄື່ອງມາຊ້ຳ ຖິ້ມໄວ້ເບາະຂ້າງ ໆ ກັນຫັ້ນ ມາຮອດບ້ານຄິດອອກ ໂທໄປຖາມ ເຂົາບອກຍົນຂຶ້ນແລ້ວ ໄປຫ່າໂນຍ… ຟັງແລ້ວກໍ່ບໍ່ຈັກຊິວ່າແນວໃດອັນວ່າຄວາມມັນຊິຊວຍ ພວກພະນັກງານທຳຄວາມສະອາດກໍ່ບອກບໍ່ຮູ້ບໍ່ເຫັນອີກ ເຫີ້… ເນາະ ເນາະ ເນາະ ອັນບາດມັນຊິດວງຕົກຫັ້ນນາ… ໃນຖົງມີເອກກະສານການເງິນກ່ຽວກັບພວກ CC ກັບມືຖືໂນເກຍສອງເຄື່ອງ ກໍ່ໄປຫມົດນຳກັນ
ຍັງມີເລື່ອງ PocketPC ຈົມນ້ຳອີກ ແມ່ບ້ານເອົາເຄື່ອງໄປຊັກແລ້ວບໍ່ເບິ່ງວ່າມີເຄື່ອງຢູ່ໃນ ຂໍ້ມູນເບີໂທຕິດຕໍ່ຕ່າງ ໆ ຫາຍຫມົດ !! ເຖິງຕອນນີ້ຈະຍັງເປີດໄດ້ ແຕ່ກໍ່ malfunction ໄປເປັນທີ່ຮຽບຮ້ອຍແລ້ວ
ບໍ່ຮູ້ປີນີ້ເປັນຫຍັງຊວຍແຕ່ຫົວປີເລີຍ ດຽວຄືຊິຍັງມີອີກເປັນກອງທັບລະ ເວນກຳເອີ້ຍ!
ຄວາມໂງ່ເຮັດໃຫ້ຄົນຕາບອດຄືກັນ
ຫລາຍ ໆ ຄັ້ງຄົນເຮົາມັນກໍ່ແປກ ແບບວ່າ ມັນແປກຢູ່ບ່ອນວ່າ ມັນໂງ່ ໂຄດບຣົມໂງ່ ປະມານວ່າ ກູ່ບໍ່ກັບແລ້ວແບບນັ້ນ ອັນແນວເຂົ້າໃຈງ່າຍ ໆ ມັນກໍ່ບໍ່ເຂົ້າໃຈ ອັນສິ່ງແນວໃດຊິເປັນຕາໄດ້ ມັນກໍ່ພັດວ່າໂງ່ຈົນບໍ່ເຫັນຄຸນຄ່າຂອງສິ່ງນັ້ນ ບອກໄດ້ແຕ່ວ່າ ໂງ່ ໂຄດບຣົມໂງ່ ບໍ່ຮູ້ຊິເອົາຫຍັງມາປຽບດີເລີຍ
ຄົນເຮົາເກີດມາໄດ້ກໍ່ຍ້ອນມີບຸນເກົ່າແດ່ ຖ້າບໍ່ມີບຸນໃດມາເລີຍມັນຄືຊິໄປເກີດເປັນຫມາເປັນແມວໄປແລ້ວຕີ້ ແຕ່ອັນວ່າອົດສາໄດ້ເກີດເປັນຄົນແລ້ວ ມັນກໍ່ພັດມາໂງ່ແບບນີ້ກໍ່ບໍ່ຈັກຊິວ່າແນວໃດດີ
ອັນທຳມະດາຄົນເຮົາ ຖ້າບໍ່ເປັນຄົນເຂລົາເກີນໄປ ຮອດຍາມປ່ວຍມາກໍ່ຫາກຊິຄິດໄດ້ວ່າ ຕອນນີ້ປ່ວຍຊ່ຳນີ້ ຕ້ອງຮີບເຮັດ ເຜື່ອວ່າວັນຫນ້າໄປຈະປ່ວຍຫນັກກວ່ານີ້ຊິເຮັດບໍ່ໄດ້ ໄອ້ຄົນໂງ່ມັນບໍ່ຄິດແບບນີ້ ມັນໄປຄິດວ່າ ຕອນນີ້ປ່ວຍຊ່ຳນີ້ ຕ້ອງຮີບພັກ ດຽວມື້ຫນ້າມາປ່ວຍຫນັກກວ່ານີ້ຊິບໍ່ໄດ້ພັກ ອັນນີ້ແຫລ່ະຄວາມແຕກຕ່າງກັນ
ຊີວິດຄົນເຮົາມັນສັ້ນ ຄວາມຕາຍມັນຢູ່ປາຍຮູດັງນີ້ຊື່ ຄົນເຮົາມັນຕາຍກັນງ່າຍ ໆ ຢູ່ສອງແນວ ຫາຍໃຈອອກບໍ່ຫາຍໃຈເຂົ້າແລ້ວກໍ່ຕາຍ ກັບຫາຍໃຈເຂົ້າບໍ່ຫາຍໃຈອອກແລ້ວກໍ່ຕາຍ ມັນມີແຕ່ສອງແບບນີ້ລ່ະຄວາມຕາຍຂອງຄົນ
ອັນຄົນມັນວ່າມີອາຍຸຍືນ ສູງສຸດດຽວນີ້ຊິມີໃຜຢູ່ໄດ້ເກີນຮ້ອຍປີ? ແຕ່ອັນວ່າຄົນພາລ ມັນບໍ່ເຫັນປະໂຫຍດຂອງຄວາມດີ ມັນບໍ່ເຫັນວ່າຄົນເຮົາລ້ວນແລ້ວແຕ່ອາຍຸສັ້ນພລັນຕາຍ ມັນຍັງປະຕິບັດຕົນຢ່າງປະມາດ ອັນຄົນເຊັ່ນນີ້ລະ ທີ່ຫາປະໂຫຍດໃນປະຈຸບັນບໍ່ໄດ້ ແມ້ນໃນອະນາຄົດກໍ່ມີຄະຕິທີ່ບໍ່ທ່ຽງ
*sigh*
ຮູ້ສຶກເມື່ອຍໃຈ ບໍ່ຢາກເຮັດຫຍັງ ຫລຽວໄປທາງໃດກໍ່ມີແຕ່ເລື່ອງຫນ້າຫົດຫູ່ໃຈ ພະນັກງານກໍ່ມີແຕ່ພວກບໍ່ໄດ້ເລື່ອງ ປອງແຕ່ຊິຄົດຊິໂກງ ຫາທາງກິນປຽບ ຕອນນີ້ເຮົາຢູ່ໄດ້ກໍ່ຍ້ອນບາລະມີຄົນອື່ນ ຖ້າຄົນອື່ນສິ້ນບຸນໄປ ເຮົາຈະບໍ່ເປັນຫມາຂ້າງຖະຫນົນໄປຫລື?
ຂຶ້ນຊື່ວ່າແຂ່ງ ຊິແຂ່ງຫຍັງກໍ່ແຂ່ງໄດ້ ແຕ່ແຂ່ງບຸນແຂ່ງວາສນາມັນແຂ່ງກັນຍາກ –ສົມຄວາມເພິ່ນເວົ້າແທ້ !
Technorati Tags: sigh, ແຂ່ງ, ເມື່ອຍໃຈ, ທໍ້, ຫົດຫູ່, realme, au8ust
PocketPC ຈົມນ້ຳຕາຍ…
ເສົ້າໃຈ… ແມ່ນບ້ານໄປຊັກເຄື່ອງບໍ່ເອົາ IPAQ 1910 ອອກ ມັນເລີຍຈົມນ້ຳຕາຍຊ້ຳ… ໂອຍ…
