ນອກຈາກ frontend design skill ຂອງ Anthropic ເອງແລ້ວ ກໍຍັງມີອີກບາງຕົວທີ່ໜ້າສົນໃຈ ຕົວທີ່ເຄີຍລອງໃຊ້ມີ
ປັກໝຸດໄວ້ແລ້ວລອງໃຊ້ກັນເບິ່ງ
ຈາກໂພສກ່ອນໜ້ານີ້ທີ່ຄິດວ່າຈະເປີດໃຫ້ໃຊ້ໄດ້ແລ້ວເກັບເປັນ archive ໄປຍາວໆ ປາກົດວ່າ ພໍແກ້ແລ້ວໆ ພົບບັນຫາຫຼາຍຢ່າງ ກໍເລີຍແກ້ບາງສ່ວນໄປ ພໍແກ້ບາງສ່ວນໄປ ສ່ວນອື່ນກໍບໍ່ເຂົ້າກັນ ເລີ່ມຈາກແກ້ໜ້າທຳອິດ ແກ້ໄປແລ້ວມັນຕ່າງກັບໜ້າອື່ນເກີນໄປ ເລີຍຕ້ອງແກ້ໜ້າອື່ນນຳ ແລ້ວກໍລາມໄປຈົນຄົບທຸກສ່ວນຂອງເວັບ ງົງເລີຍ
ຕອນນີ້ພັນລາວກໍເລີຍກາຍເປັນຮູບແບບໃໝ່ໂດຍສົມບູນ ແຕ່ກໍຍັງມີລິ້ງກັບໄປເບິ່ງແບບເກົ່າໄດ້ຢູ່ ເຮັດໃຫ້ສາມາດໃຊ້ໄດ້ທັງແບບໃໝ່ທີ່ເໝາະສົມກັບມືຖື ແລະແບບເກົ່າທີ່ເຄີຍຈື່ໄດ້ເມື່ອ 18 ປີກ່ອນ
ຫວັງວ່າໃຜທີ່ຍັງຢູ່ ຈະລອງເຂົ້າໄປຫວນຄືນຄວາມຊົງຈຳເກົ່າໆກັນຢູ່ພັນລາວ 🙂
ປ.ລ. ຮູ້ຫຼືບໍ່ວ່າພັນລາວເປັນໜຶ່ງໃນເວັບໄຊບໍ່ເທົ່າໃດເວັບທີ່ຍັງເຫຼືອລອດມາຈາກຍຸກປີ 2000!
ຫຼັງຈາກທີ່ປິດໄປເກືອບ 1 ປີເຕັມເນື່ອງຈາກຕອນນັ້ນຕັດສິນໃຈຍົກເລີກການເຊົ່າ dedicated server ເພາະຄ່າໃຊ້ຈ່າຍສູງ ແລະຈ່າຍມາຕະຫຼອດ 15+ ປີ (ໜ້າຈະໝົດໄປປະມານ $20,000~) ແລ້ວທາງຜູ້ໃຫ້ບໍລິການກໍຈະເພີ່ມຄ່າເຊົ່າ ກໍເລີຍຍ້າຍຂໍ້ມູນໄປຢູ່ VPS ແທນ ເພາະບໍ່ຄ່ອຍມີຄົນເຂົ້າແລ້ວ ບໍ່ໄດ້ໃຊ້ຊັບພະຍາກອນຫຼາຍ
ບັນຫາກໍຄື ຂໍ້ມູນໃນເຊີບເວີເກົ່າມັນເກົ່າຫຼາຍ ແລະທຸກຢ່າງເກົ່າຈົນບໍ່ສາມາດໃຊ້ໃນ VPS ໃໝ່ໄດ້ ຈົນຕ້ອງປິດປັບປຸງ ແຕ່ກໍໃຊ້ເວລາແກ້ໄຂຫຼາຍຢ່າງ ຫຼາຍຮອບ ຫຼາຍວິທີ ແຕ່ກໍບໍ່ສຳເລັດ ຈົນໃນທີ່ສຸດກໍໃຊ້ວິທີທີ່ຄິດວ່າໜ້າຈະງ່າຍທີ່ສຸດ ໂດຍຮັບຄວາມຊ່ວຍເຫຼືອຈາກ Fino ກໍເລີຍກັບມາໃຊ້ໄດ້ໃນເບື້ອງຕົ້ນ
ຈາກນັ້ນກໍໃຊ້ເວລາອີກໄລຍະໜຶ່ງໃນການແກ້ໄຂສ່ວນຕ່າງໆ ໃຫ້ກັບມາ ບໍ່ວ່າຈະເປັນລະບົບເວັບບອດ, ລະບົບລັອກອິນ, ລະບົບອີເມວ, char-encoding, SSL, ໄປຈົນຮອດ timezone ແລະໃນທີ່ສຸດ ຕອນນີ້ພັນລາວກໍກັບມາເປີດໃຫ້ບໍລິການອີກຄັ້ງ ແລະປີນີ້ຈະເປັນປີທີ່ 19 ຂອງເວັບໄຊນີ້
ໃນອະນາຄົດ ຄິດວ່າກໍຈະເກັບຂໍ້ມູນໄວ້ແບບນີ້ໄປເລື້ອຍໆ ເປັນ archive ໃຫ້ຄົນຮຸ່ນຫຼັງໄດ້ເບິ່ງຄວາມຊົງຈຳຂອງຫຼາຍໆ ຄົນ ແລະຫວັງວ່າຈະສາມາດເຂົ້າໄດ້ໄປອີກຫຼາຍໆ ປີນັບຈາກນີ້
ໃຜຍັງບໍ່ເຄີຍເຂົ້າ ຫຼືຢາກກັບໄປເບິ່ງຄວາມຊົງຈຳ ເຂົ້າໄປໄດ້ເລີຍ Punlao.com
ບັນຫາໃນການຍ້າຍເຊີບເວີຮອບນີ້ແມ່ນຕ້ອງຈັດການພວກຖານຂໍ້ມູນຫຼາຍຢ່າງ ເພາະຫຼາຍປີກ່ອນ (ກ່ອນໂຄວິດ) ບັນທຶກພາສາທີ່ບໍ່ແມ່ນອັງກິດລົງໄປໃສ່ latin1 ມັນກໍເລີຍອ່ານໃນຖານຂໍ້ມູນບໍ່ໄດ້ ແຕ່ສະແດງຜົນໜ້າເວັບໄດ້ ພໍຫຼາຍປີຕໍ່ມາຈະອັບເກຣດເປັນເວີຊັນໃໝ່ ມັນເຮັດແບບເກົ່າບໍ່ໄດ້ແລ້ວ ໜ້າເວັບຈະສະແດງຂໍ້ມູນຜິດພ້ຽນແບບໃນຖານຂໍ້ມູນ ເຊິ່ງເອີ້ນກັນວ່າບັນຫາ double encoding ກໍເລີຍຕ້ອງໃຊ້ເວລາຫຼາຍອາທິດໃນການຫາທາງແກ້ໄຂ
ຂໍ້ດີກໍຄື ການມີ AI ເຂົ້າມາຊ່ວຍກໍເຮັດໃຫ້ຂັ້ນຕອນຕ່າງໆ ງ່າຍຂຶ້ນພໍສົມຄວນ ແຕ່ AI ກໍບໍ່ໄດ້ສົມບູນເຕັມຮ້ອຍ ກໍເລີຍມີບັນຫາຫຼາຍຢ່າງໂດຍສະເພາະການໃຫ້ຄະແນະນຳຜິດໆ ເພາະມັນຫຼອນໄປເອງ ດັ່ງນັ້ນຈຶ່ງຕ້ອງມາຈົດຄຳສັ່ງທີ່ໃຊ້ເລື້ອຍໆ ເອົາໄວ້ອ້າງອີງໃນເທື່ອຕໍ່ໄປ
watch -n 1 ‘mysql -e “SHOW FULL PROCESSLIST\G”‘
ຄຳສັ່ງນີ້ຄ້າຍໆ top ກົດແລ້ວມັນຈະສະແດງສະຖານະການເຮັດວຽກຂອງ mysql ເພາະບາງເທື່ອເຮັດໆ ໄປແລ້ວມັນຄ້າງໄປເລີຍ ຕ້ອງເປີດອີກເຊດຊັນມາກວດເບິ່ງວ່າມັນເຮັດຫຍັງຢູ່ ຫຼື ຖ້າຈະເບິ່ງແບບເທື່ອດຽວຈົບກໍໃຊ້ຄຳສັ່ງ mysql -e “SHOW FULL PROCESSLIST\G” ກໍໄດ້
ອີກຄຳສັ່ງທີ່ໜ້າສົນໃຈແມ່ນ zstdcat smf_backup_2025.sql.zst |
sed -n ‘/DROP TABLE IF EXISTS smf_topics/,$p’ |
zstd -T0 -o smf_topics_tail.sql.zst
ຄຳສັ່ງນີ້ຈະແຍກເອົາຕາຕະລາງຊື່ smf_topics ອອກມາຈາກໄຟລ໌ smf_backup_2025.sql.zst ແລ້ວບັນທຶກເປັນໄຟລ໌ smf_topics_tail.sql.zst ເພື່ອໃຫ້ເຮົາໄດ້ສະເພາະບາງຕາຕະລາງທີ່ຕ້ອງການໃນໄຟລ໌ຖານຂໍ້ມູນຂະໜາດໃຫຍ່
ຕອນກວດສອບກໍໃຊ້ຄຳສັ່ງ tail -5 smf_topics_tail.sql ມັນກໍຈະສະແດງ 5 ແຖວສຸດທ້າຍມາໃຫ້ເບິ່ງ ຖ້າມັນຂຶ້ນວ່າ
/*!40111 SET SQL_NOTES=@OLD_SQL_NOTES */;
— Dump completed on …
ກໍແປວ່າແຍກອອກມາຄົບຕາຕະລາງນັ້ນແລ້ວ
ນັບເປັນ 1,679 ມື້ຫຼັງຈາກໂພສຫຼ້າສຸດທີ່ເຄີຍຂຽນໄປ ເວລາຜ່ານໄປຢ່າງວ່ອງໄວ ຕອນນີ້ເຂົ້າກາງປີ 2025 ແລ້ວ ຄິດວ່າ ບລັອກນີ້ໜ້າຈະເປັນໜຶ່ງໃນບລັອກພາສາລາວພຽງບໍ່ເທົ່າໃດບລັອກທີ່ຍັງຄົງເຫຼືອລອດມາຈາກ 18 ປີກ່ອນ ແລະອາດຈະຢູ່ໄປໄດ້ຮອດ 20 ຫຼື 30 ປີຕໍ່ໄປ ເສຍດາຍທີ່ສຳຮອງຂໍ້ມູນບລັອກຫຼັກຜິດພາດ ເລີຍເຮັດໃຫ້ທຸກຢ່າງຫາຍໄປໝົດ…
ມື້ນີ້ຍ້າຍເຊີບເວີຈາກ dedicated ທີ່ເຊົ່າມາຫຼາຍປີມາຢູ່ VPS ນ້ອຍໆ ແທນ ເພາະປະຢັດກວ່າຫຼາຍ ແລະບໍ່ຄ່ອຍໄດ້ໃຊ້ຫຍັງແລ້ວ ເນື່ອງຈາກ PunlaoHosting ກໍປິດຕົວໄປດົນ (ທີ່ຈິງໂດເມນຍັງເຂົ້າໄດ້ຈົນຮອດປີນີ້ ແຕ່ບໍ່ມີລູກຄ້າມາຫຼາຍປີແລ້ວ)
ພາລະກິດຕໍ່ໄປແມ່ນຍ້າຍ ພັນລາວ.ຄອມ ໃຫ້ແລ້ວກ່ອນທີ່ຈະຮອດຮອບບິນເຊີບເວີເກົ່າ ແລ້ວກໍຈະໄດ້ໝົດພາລະໄປອີກໜຶ່ງຢ່າງ
ຈົນກວ່າຈະພົບກັນໃໝ່!