LaoBlogger.com ເປັນ WordPress Mu-powered site ທີ່ສ້າງປະມານປີ 2007-2008 ຊ່ວງເວລາໃກ້ໆ ກັບພັນລາວ ຕອນນັ້ນໃນລາວບໍ່ຄ່ອຍມີໃຜຂຽນບລັອກກັນ ກໍຖືວ່າດຶງຄົນມາຂຽນໄດ້ຫຼາຍຂຶ້ນ ເຖິງແມ່ນວ່າຈະບໍ່ໄດ້ມີຫຼາຍເປັນພັນເປັນໝື່ນຄືກັບບ່ອນອື່ນ
ບໍ່ແນ່ໃຈວ່າມີບັນຫາຫຍັງ ອາດເປັນເລື່ອງເຊີບເວີ ຫຼື ພື້ນທີ່ຈັດເກັບ ຫຼື ການບຳລຸງຮັກສາ ແຕ່ສຸດທ້າຍກໍປິດຕົວລົງໄປ ແຕ່ສິ່ງທີ່ໜ້າເຫຼືອເຊື່ອຄື ມີການເກັບສຳຮອງຂໍ້ມູນບາງສ່ວນໄວ້ ເປັນສ່ວນຂອງທ້າຍປີ 2008 ແລ້ວທີ່ເຫຼືອເຊື່ອໄປກວ່ານັ້ນຄື ແຟ້ມສຳຮອງຂໍ້ມູນນັ້ນຖືກເກັບຮັກສາອີກຕໍ່ມາກວ່າ 18 ປີ
ເມື່ອບໍ່ດົນມານີ້ໄດ້ໄປຮື້ຄົ້ນ harddrive ເກົ່າໆ ແລ້ວພົບຖານຂໍ້ມູນນີ້ໂດຍບັງເອີນ ຈຶ່ງນຳກັບມາເປີດເປີດຄັງເກັບແບບອ່ານຢ່າງດຽວຢູ່ laoblogger.punlao.com ຖ້າໃຜໄດ້ຜ່ານມາ ແລະຢາກຮູ້ວ່າສະໄໝນັ້ນຂຽນຫຍັງກັນກໍລອງແວ່ໄປເບິ່ງໄດ້
ນອກຈາກ frontend design skill ຂອງ Anthropic ເອງແລ້ວ ກໍຍັງມີອີກບາງຕົວທີ່ໜ້າສົນໃຈ ຕົວທີ່ເຄີຍລອງໃຊ້ມີ
ປັກໝຸດໄວ້ແລ້ວລອງໃຊ້ກັນເບິ່ງ
ຈາກໂພສກ່ອນໜ້ານີ້ທີ່ຄິດວ່າຈະເປີດໃຫ້ໃຊ້ໄດ້ແລ້ວເກັບເປັນ archive ໄປຍາວໆ ປາກົດວ່າ ພໍແກ້ແລ້ວໆ ພົບບັນຫາຫຼາຍຢ່າງ ກໍເລີຍແກ້ບາງສ່ວນໄປ ພໍແກ້ບາງສ່ວນໄປ ສ່ວນອື່ນກໍບໍ່ເຂົ້າກັນ ເລີ່ມຈາກແກ້ໜ້າທຳອິດ ແກ້ໄປແລ້ວມັນຕ່າງກັບໜ້າອື່ນເກີນໄປ ເລີຍຕ້ອງແກ້ໜ້າອື່ນນຳ ແລ້ວກໍລາມໄປຈົນຄົບທຸກສ່ວນຂອງເວັບ ງົງເລີຍ
ຕອນນີ້ພັນລາວກໍເລີຍກາຍເປັນຮູບແບບໃໝ່ໂດຍສົມບູນ ແຕ່ກໍຍັງມີລິ້ງກັບໄປເບິ່ງແບບເກົ່າໄດ້ຢູ່ ເຮັດໃຫ້ສາມາດໃຊ້ໄດ້ທັງແບບໃໝ່ທີ່ເໝາະສົມກັບມືຖື ແລະແບບເກົ່າທີ່ເຄີຍຈື່ໄດ້ເມື່ອ 18 ປີກ່ອນ
ຫວັງວ່າໃຜທີ່ຍັງຢູ່ ຈະລອງເຂົ້າໄປຫວນຄືນຄວາມຊົງຈຳເກົ່າໆກັນຢູ່ພັນລາວ 🙂
ປ.ລ. ຮູ້ຫຼືບໍ່ວ່າພັນລາວເປັນໜຶ່ງໃນເວັບໄຊບໍ່ເທົ່າໃດເວັບທີ່ຍັງເຫຼືອລອດມາຈາກຍຸກປີ 2000!
my life, thoughts, ideas, and random stuff… since 2007