ເວັບໄຊຕ໌ຂອງ ຄະນະວິສະວາກຳສາດ ກຸ່ມນັກສຶກສາໂອທີ ວ່າຊັ້ນ!? ບໍ່ຮູ້ມັນກ່ຽວກັບໂພສຕ໌ກ່ອນຫນ້ານີ້ບໍ່
ເອົາລະ ໄປຈັດກວນກັບ community ຕໍ່ກ່ອນ ມັນຍັງແກ້ບໍ່ແລ້ວເທື່ອ

http://www.fe-nuol.edu.la/eng/
ຈົດໄວ້ ກັນລືມ ດຽວຊິເອົາໃສ່ DMOZ

au8ust’s community ເຊິ່ງເປັນເວັບບອຣ໌ດຖາມຕອບບັນຫາຄອມຯ ນັ້ນ ເຈ໊ງມາໄດ້ໄລຍະຫນຶ່ງແລ້ວ ພະຍາຍາມແກ້ໄຂຢູ່ຫລາຍວິທີແຕ່ກໍ່ບໍ່ໄປຮອດໃສ ຕອນນີ້ມີສອງທາງເລືອກ
1.​ ເອົາ backup ເດືອນຕຸລາມາໃຊ້ ຫຼື2. Newly install ເລີຍ
ແຕ່ຄິດໄວ້ວ່າອາດຈະປ່ຽນໄປໃຊ້ phpBB3 ທີ່ຫາກໍ່ອອກມາໄດ້ບໍ່ດົນນີ້

 
ມື້ວານຍັງຫຼິ້ນນຳກັນດີ ໆ ຢູ່ ^O^
 
ແຕ່ວ່າ…

ພໍດີມື້ວານມື້ກ່ອນໄດ້ເຫັນຊື່ຂອງອ້າຍອະນຸສັກໃນເວັບໂຄງການ Lao Open Source Localization project ກໍ່ເລີຍຄິດອອກວ່າຢາກລົມນຳ ເລີຍແອດເມລເພິ່ນໄປໃນ Google Talk ເຊິ່ງມື້ຖັດມາກໍ່ໄດ້ລົມຫນ້ອຍຫນຶ່ງແຕ່ວ່າເພິ່ນ log out ໄປກ່ອນ ມື້ວານເລີຍໄດ້ລົມອີກບາດຫນຶ່ງ ເວົ້າກັນຫລາຍເລື່ອງ ຕັ້ງແຕ່ເລື່ອງຄວາມຄືບຫນ້າຂອງໂຄງການ OpenSource ຕ່າງ ໆ ໄປຈົນເຖິງເລື່ອງການພັດທະນາ software ໃນລາວ ກໍ່ວ່າບ້ານເຮົາອັນທີ່ຈິງອາດຈະມີນັກພັດທະນາຢູ່ຫລາຍ ແຕ່ວາບໍ່ເກາະກຸ່ມກັນຢູ່ ກ່າວຄືມັກຈະຢູ່ກັນຢ່າງສັນໂດດ ເຈົ້າກໍ່ເຮັດແຕ່ຂອງເຈົາ ຂ້ອຍກໍ່ເຮັດແຕ່ຂອງຂ້ອຍ ບໍ່ໄດ້ມີການແລກປ່ຽນຂໍ້ມູນກັນເທົ່າທີ່ຄວນ ກໍ່ເລີຍໄປ ໆ ມາ ໆ ຢຽບແຕ່ຮອຍເກົ່າ
ຢ່າງໃດກໍ່ຕາມ ສຳຫລັບສະຖານະການໃນຕອນນີ້ກໍ່ຖືວ່າດີຂຶ້ນຫລາຍເມື່ອທຽບກັບເມື່ອກ່ອນ ສາເຫດຫລັກໃຫຍ່ອາດຈະເນື່ອງມາຈາກວ່າມີ Unicode font ໃຫ້ໃຊ້ງານ ຈຶ່ງເຮັດໃຫ້ລະບົບພາສາລາວເທິງເວັບບໍ່ເປັນອຸປະສັກອີກຕໍ່ໄປ

ຊ່ວງນີ້ມີວຽກຫລາຍຢ່າງຕ້ອງເຮັດ ກໍ່ເລີຍບໍ່ຄ່ອຍໄດ້ Active ໃນການເຮັດເວັບປານໃດແລ້ວ ແຕ່ວ່າຢ່າງໃດກໍ່ຕາມ ເວັບໃນເຄືອຂ່າຍ au8ust ກໍ່ມີການເພີ່ມຂຶ້ນເລັກນ້ອຍເຖິງປານກາງຕາມແຮງລົມຈາກທິດຕາເວັນອອກ
ມາເຂົ້າເລື່ອງກັນເລີຍ ສຳຫລັບຄວາມຄືບຫນ້າຕອນນີ້ LaoBlogger.com ສຳເລັດໄປສ່ວນຫນຶ່ງແລ້ວ ແຕ່ວ່າຫນ້າຫລັກຍັງຄົງບໍ່ໄດ້ຮັບການປັບແຕ່ງໃຫ້ດີເທື່ອ ລວມໄປເຖິງການໃສ່ HTML/JavaScript code ທີ່ຍັງເຮັດບໍ່ໄດ້ ເຊິ່ງສ່ວນນີ້ສຳຄັນຫລາຍ ເພາະຕ້ອງໃຊ້ໃນກໍລະນີຈະເອົາ Tracker ເຂົ້າມາ
ຕໍ່ມາກໍ່ຄື LaoUpload.com ຄວາມຈິງໂດເມນນີ້ໄດ້ມາດ້ວຍຄວາມບັງເອີນ ເພາະວ່າກ່ອນຫນ້ານີ້ໄປຈົດທະບຽນເຊົ່າ host ກັບ Dreamhost ແລ້ວເຂົາມີ Promotion ສະຫລອງຄົບຮອບ 10 ປີ ກໍ່ເລີຍໄດ້ Host + Domain ມາໃນລາຄາຖືກແສນຖືກ (ປະມານ $10 ຕໍ່ປີ ຫາກຈື່ບໍ່ຜິດ) ໃນ LaoUpload.com ນີ້ເຮັດເປັນເວັບສຳຫລັບອັບໂຫລດໄຟລ໌ຕ່າງ ໆ ໄປຝາກໄວ້ ເພື່ອໃຫ້ຄົນອື່ນໄດ້ດາວໂຫລດໄດ້ ເຊິ່ງຕອນນີ້ລາວອັບໂຫລດກໍ່ຄືບຫນ້າໄປຫລາຍແລ້ວ ແຕ່ຍັງຄົງມີຫລາຍສ່ວນທີ່ຕ້ອງແກ້ໄຂ ລວມໄປເຖິງການເຮັດ subdomain ແຍກສຳຫລັບຜູ້ຕ້ອງການອັບໂຫລດຮູບພາບໂດຍສະເພາະ
ແລະສຸດທ້າຍແຕ່ຍັງບໍ່ທ້າຍສຸດກໍ່ຄື Punlao.com ອັນນີ້ຕັ້ງໃຈວ່າຈະເຮັດເປັນ… [...]

ຊ່ວງອາທິດທີ່ຜ່ານມາບໍ່ເຫັນອອນໄລນ໌ເພາະວ່າໄປຈີນມາ ໄປທາງຫລວງນ້ຳທາ > ບໍ່ຫານ > ເມືອງຫລ້າ ໄປກໍ່ບໍ່ຄ່ອຍໄດ້ຖ່າຍຮູບຫຍັງຫລາຍ ຄິດແລ້ວເສຍດາຍ
ໄປນອນຫ້ອງພັກ ມັນມີລາຄາ 30 ຢວນ, 40 ແລະ 50 ຢວນ (1 ຢວນປະມານ 1270 ກີບ) ເຊິ່ງກໍ່ຄຸນນະພາບຕາມລາຄາເລີຍ ແຕ່ຫ້ອງນ້ຳເມືອງຈີນບໍ່ຄ່ອຍດີປານໃດ

ພໍດີມື້ນີ້ເຫັນໂຄສະນາໃນ HBO ກໍ່ເລີຍຕັ້ງໃຈວ່າຊິຖ້າເບິ່ງຫນັງ The Lake House ເຊິ່ງເປັນພາກຝຣັ່ງຂອງຫນັງ Ill Mare ເລື່ອງລາວຂອງຄົນສອງຄົນທີ່ຢູ່ໃນໂລກດຽວກັນ ແຕ່ຕ່າງເວລາກັນ ພະເອກຢູ່ໃນປີ 2004 ແລະນາງເອກຢູ່ໃນປີ 2006 ສື່ສານກັນຜ່ານທາງຕູ້ຈົດຫມາຍ
Ill Mare ເຄີຍເບິ່ງເທື່ອຫນຶ່ງແຕ່ຈັບເນື້ອໃນບໍ່ຄ່ອຍໄດ້ ຄິດວ່າ The Lake House ອາດຈະໃຫ້ຄວາມຮູ້ສຶກທີ່ດີຂຶ້ນ

 
ດຽວຊິເປັນແບບໃນຮູບ 555

ຕອນນີ້ກຳລັງເລີ່ມອັບເດດສ່ວນຕ່າງ ໆ ຄືນໃຫມ່ຢູ່ ທີ່ປ່ຽນແປງຫລາຍສຸດກໍ່ຈະເປັນຫນ້າຕາຂອງເວບທີ່ປ່ຽນຮູບແບບໃຫມ່ແລ້ວ ແຕ່ວ່າຍັງບໍ່ທັນແລ້ວດີເທື່ອ ຄົງຈະໃຊ້ເວລາອີກຈັກໄລຍະຫນຶ່ງກ່ອນ ເພາະວ່າມີລາຍລະອຽດຫລາຍຈຸດທີ່ຕ້ອງແກ້ໄຂໃຫ້ຮຽບຮ້ອຍ
Theme ທີ່ເອົາມາໃຊ້ເທື່ອນີ້ບໍ່ຮອງຮັບ widget ກໍ່ເລີຍຕ້ອງຫາທາງເຮັດໃຫ້ມັນໃຊ້ງານ widget ໃຫ້ໄດ້ກ່ອນ ເພາະຈະໄດ້ສະດວກເວລາເຮັດຫຍັງໃນພາຍຫລັງ