Champa Muang Lao’s Frequent flyer program
ຂຽນເມື່ອ June 13, 2015, ໃນຫມວດ ຝອຍໃຫ້ຟັງ. (ອ່ານ 3,274 ຄັ້ງ)
Frequent flyer program ຂອງ Lao Airlines ເປີດໃຫ້ສະມັກຜ່ານໜ້າເວັບແລ້ວໃນຊື່ Champa Muang Lao (ອັນທີ່ຈິງກ່ອນໜ້ານີ້ເປີດໂຕມາຕັ້ງແຕ່ປີ 2014) ລະບົບສະມາຊິກມີສອງແບບ 1) Silver ກັບ 2) Gold ເຊິ່ງກໍບໍ່ຮູ້ທັງສອງແບບຕ່າງກັນແນວໃດເພາະໃນເວັບບໍ່ລະບຸ 555
ການໄດ້ບັດ Silver ຂອງ CML ແມ່ນຕ້ອງນັ່ງຖ້ຽວບິນໃດກໍໄດ້ທີ່ມີສິດສະສົມໄມລ໌ກໍຄື Booking class: C, D, Z, O, Y, E, W, V, S, M, K, N, T, G, X, B, L, Q, H ເຊິ່ງແຕ່ລະ class ຈະໄດ້ຄະແນນຫຼາຍໜ້ອຍແຕກຕ່າງກັນໄປ ລາຍລະອຽດເບິ່ງໄດ້ໃນຕາຕາລາງ http://cml.laoairlines.com/…/Introdu…/tabId/156/Default.aspx (ຫຼາຍສຸດແມ່ນ 2 ເທົ່າເມື່ອບິນດ້ວຍ Business class ລະຫັດ C ກັບ D)
ສ່ວນຈຳນວນໄມລ໌ໃນເສັ້ນທາງຕ່າງໆ ແມ່ນມີລະບຸໃນ http://cml.laoairlines.com/…/Howtoea…/tabId/170/Default.aspx ໂຕຢ່າງແມ່ນ ວຽງຈັນ-ຫຼວງພະບາງ 135 ໄມລ໌ ແລະຫຼາຍສຸດແມ່ນເສັ້ນທາງລະຫວ່າງປະເທດ ວຽງຈັນ-ອິນຊອນ (ICN – Incheon International Airport) 1968 ໄມລ໌
ການໄດ້ບັດ Gold ແມ່ນຕ້ອງບິນໃຫ້ໄດ້ 10,000 ໄມລ໌ ຫຼື 20 segments ໃນຮອບ 12 ເດືອນ
ສຸດທ້າຍ ການແລກໃຊ້ໄມລ໌ທີ່ສະສົມມາສາມາດໃຊ້ເພື່ອ 1) ຊື້ບັດຖ້ຽວບິນຟຣີ 2) ອັບເກຣດບ່ອນນັ່ງ ແລະ 3) ເພີ່ມນ້ຳໜັກກະເປົາເດີນທາງ ທັງໝົດນີ້ອ່ານໄດ້ເພີ່ມເຕີມຈາກhttp://cml.laoairlines.com/…/GetFree…/tabId/165/Default.aspx
ທ້າຍສຸດ ກໍຍັງບໍ່ຮູ້ວ່າ Silver vs. Gold ແຕກຕ່າງກັນແນວໃດ ເພາະໃນເວັບບໍ່ໄດ້ບອກ =_=?
ປ.ລ. ລອງເບິ່ງລາຄາປີ້ຂອງ Lao Airlines ແລ້ວ ໄປກັບ LPQ-BKK-LPQ ບຸກຄິງຄລາສ V (Full Economy Fare) ລາຄາ $355.80 ທຽບກັບ Bangkok Air ໄປກັບຄືກັນລາຄາມີແຕ່ $272.80 ແບບນີ້ຄືຊິໄດ້ບິນສາຍການບິນປະເທດຂ້າງຄຽງຕໍ່ໄປ…
Tags: cml, frequent flyer program, lao airlines
ບັນຫາຫຍຸ້ງຍາກຂອງທະນາຄານຮ່ວມພັດທະນາກັບການໃຊ້ບັດເດບິດ
ຂຽນເມື່ອ December 29, 2014, ໃນຫມວດ ເທັກໂນໂລຢີ. (ອ່ານ 2,403 ຄັ້ງ)
ມື້ເຊົ້າໄປທະນາຄານຮ່ວມພັດທະນາສາຂາແຂວງຫຼວງພະບາງ ພິມໃບສະເຕດເມັນອອກມາ (ເສຍເງິນ 20,000 ກີບນຳ -“-) ແລ້ວເຫັນມີການເຄື່ອນໄຫວບັນຊີ 4 ລາຍການທີ່ບໍ່ຮັບຮູ້ໃນຕົ້ນເດືອນ 12 ກໍເລີຍແຈ້ງໄປ ເຂົາເຈົ້າບອກຊິກວດສອບແລ້ວໂທຫາ
ຜ່ານໄປ 30 ນາທີ ໂທມາບອກວ່າເປັນການຮຽກເກັບທີ່ຖືກຕ້ອງແລ້ວ ກໍທັກທ້ວງໄປວ່າບໍ່ແມ່ນ ຂ້ອຍບໍ່ໄດ້ໃຊ້ ຂ້ອຍໃຊ້ແຕ່ລາຍການດຽວ ແຕ່ເຂົາເກັບມາ 5 ລາຍການ ມັນບໍ່ຖືກ ທາງທະນາຄານກໍໃຫ້ໄປຖາມເອົານຳເວັບໄຊ ບອກວ່າລະບົບກວດສອບແມ່ນຖືກແລ້ວ ໂອຍ ເນາະ ກໍຍັງວ່າບໍ່ໄດ້ອະນຸມັດໃຫ້ຫັກເງິນ
ກໍເລີຍບອກໄປວ່າ ຖ້າຮູ້ທັນທີຕັ້ງແຕ່ມື້ທີ່ເຂົາຫັກເງິນກໍຊິໂທຫາຕັ້ງແມ່ນມື້ນັ້ນ ແຕ່ອັນນີ້ລະບົບຂອງ JDB ຂີ້ກາກແຮງ ບໍ່ມີແຈ້ງເຕືອນຫຍັງເລີຍ ຄິດເບິ່ງຖ້າໃຜເອົາບັດເຮົາໄປໃຊ້ໂລເລ ກວ່າເຮົາຊິຮູ້ກໍແມ່ນຕອນໄປອັບເດດປຶ້ມ ເງິນກໍໄປຮອດໃສລະ ທາງພະນັກງານ JDB ກໍບອກວ່າ ທຳມະດາຈະມີແຈ້ງໄປທາງອີເມວທຸກວັນທີ 9 (ຫຼື 29 ຟັງບໍ່ຄັກ) ກ່ຽວກັບຍອດການນຳໃຊ້ໃນແຕ່ລະເດືອນ ກໍເລີຍຖາມວ່າ ແລ້ວຂ້ອຍຄືບໍ່ຮູ້ ມັນໃຊ້ແນວໃດ?
ພະນັກງານກໍຕອບວ່າ ເບິ່ງໃນເວັບໄຊ JDB ໄດ້ເລີຍ ກໍເລີຍບອກໄປວ່າ ເບິ່ງແລ້ວ! ເບິ່ງມື້ວານນີ້ ມັນບໍ່ມີ! ອິນເຕີເນັດແບ້ງຄິງກໍໃຊ້ບໍ່ໄດ້ຈົນປານນີ້ (ເຄີຍຖາມໄປເທື່ອນຶ່ງ 1 ປີກ່ອນ) ເຂົາກໍຢືນຢັນວ່າມີໆໆໆ ລອງເຂົ້າໄປເບິ່ງ ຮ່ວຍ! ກໍຍັງວ່າເຂົ້າໄປແລ້ວບໍ່ມີຂໍ້ມູນ T_T
ຕັດສາກໄປ 3 ຊົ່ວໂມງຫຼັງຈາກນັ້ນ ກັບມາເຮືອນ ໂທຫາສາຍດ່ວນ JDB ເບີ 1499 ຢູ່ວຽງຈັນ ເຂົາກໍບອກວ່າ ໂອ… ອັນສົ່ງອີເມວ statement ລາຍງານທຸກເດືອນຫັ້ນ ມີແຕ່ຂອງບັດ Credit ບັດ Debit ບໍ່ມີ ແລ້ວສ່ວນ Internet Banking ກໍຍັງໃຊ້ບໍ່ໄດ້ ແນະ! ເວົ້າຄົນລະຢ່າງກັນ ສະຫຼຸບລະແນວໃດເຮົາກໍບໍ່ມີທາງຮູ້ເວລາມີຄົນໃຊ້ບັດເຮົາ ແລ້ວຄວາມປອດໄພມັນຢູ່ໃສ T_T
ມື້ນີ້ກໍເລີຍໄປຖອນເງິນອອກມາໝົດ ປະໄວ້ເຝົ້າບັນຊີໜ້ອຍທີ່ສຸດເທົ່າທີ່ລະບົບໃຫ້ໜ້ອຍໄດ້ ບໍ່ໄຫວ ຄວາມປອດໄພບໍ່ມີແບບນີ້ ໂອຍ ເນາະ ພະນັກງານສາຂາຢູ່ຫຼວງພະບາງຍັງເວົ້າອີກວ່າ “ຖ້າເຂົາເອົາບັດອ້າຍໄປໃຊ້ໄດ້ກໍແປວ່າເຂົາຮູ້ລະຫັດແຫລະ” ເຮົາຟັງແລ້ວກໍງົງ ອ່າວ… ບໍ່ຊັ້ນເຂົາຊິເອີ້ນວ່າລັກເອົາບັດໄປໃຊ້ບໍນ້ອງ 555 ໂອຍ ເນາະ ບັນຫາກໍຄື ທະນາຄານບໍ່ມີລະບົບແຈ້ງເຕືອນເມື່ອມີການເຄື່ອນໄຫວບັນຊີ ເຮັດໃຫ້ຖ້າຄົນອື່ນ ຫຼືມີຮ້ານຄ້າທີ່ມີຂໍ້ມູນບັດເຮົາ ສາມາດເອົາບັດເຮົາໄປໃຊ້ ໂດຍທີ່ເຮົາບໍ່ຮູ້ໄດ້!
ຫຼ້າສຸດ ສາຂາຫຼວງພະບາງໂທມາໃຫ້ໄປສາຂາເພື່ອເຮັດໃບທັກທ້ວງປະຕິເສດການຮຽກເກັບເງິນ ດຽວຈັກໜ່ອຍເຂົ້າໄປໃໝ່ ເຫີ້… ຊິໃຊ້ສະເພາະ BCEL ຢ່າງດຽວກໍຢ້ານມີບັນຫາເງິນເດືອນບໍ່ເຂົ້າແບບເກົ່າອີກ (ຕອນນັ້ນມີບັນຫາໂອນເງິນມາ 15 ມື້ບໍ່ໄດ້ຮັບ ເພາະ BCEL ຍົກເລີກສັນຍາກັບ JP Morgan ເຮັດໃຫ້ເງິນບໍ່ເຂົ້າ ກວ່າຊິຮູ້ກໍຜ່ານໄປ 10 ມື້ ຖ້າອີກ 5 ມື້ໃຫ້ດຳເນີນການສົ່ງມາໃໝ່ ຄິດເບິ່ງຖ້າດົນໂຄດດດດ ບໍ່ມີໃຜໂທມາບອກອີກ ໄດ້ນຳເອົາ 555 ມັນຕ້ອງຈັ່ງຊີ້ຕາມເພິ່ນວ່າ ຢາກໄດ້ຫຍັງເຮັດເອົາ! 55)
Tags: bank, internet banking, jdb, online banking, ທະນາຄານ, ຮ່ວມພັດທະນາ
ໂມງອອກແບບຄັກໆ
ໂພສໄວ້ເພື່ອມື້ນຶ່ງມາເບິ່ງຄືນ 😀
http://www.architecturendesign.net/24-of-the-most-creative-watches-ever/
Tags: ໂມງ
ວິທີເບິ່ງໂຟນເດີແລະໄຟລ໌ທີ່ໃຊ້ເນື້ອທີ່ຫຼາຍສຸດໃນ Linux
ຂຽນເມື່ອ October 23, 2014, ໃນຫມວດ ເທັກໂນໂລຢີ. (ອ່ານ 2,255 ຄັ້ງ)
ພິມໄວ້ກັນລືມ
du -sh ./*
ສັ້ນເນາະ -_-
Tags: file, folder, size, ລິນຸກ
Chrome 38 ກັບການຕັດຄຳພາສາລາວ
ຂຽນເມື່ອ October 15, 2014, ໃນຫມວດ ເທັກໂນໂລຢີ. (ອ່ານ 3,053 ຄັ້ງ)
ນັບເປັນໂພສທີ່ຕ້ອງຂຽນໃຫ້ໄດ້ ເພາະເປັນບາດກ້າວອັນສຳຄັນໃຫຍ່ຫຼວງຂອງພາສາລາວໃນອິນເຕີເນັດ!
ໃນທີ່ສຸດພາສາລາວກໍສາມາດຕັດຄຳໄດ້ແລ້ວ ໂດຍໃນ Chrome ເວີຊັນ 38 ຂຶ້ນໄປ ທັງໃນ Desktop ແລະ Android ສາມາດຕັດຄຳ ຫຼືທີ່ເອີ້ນວ່າ word break ໄດ້ແລ້ວ ສະນັ້ນເວລາທີ່ເຮົາພິມຫຍັງຍາວໆຕິດໆກັນໂດຍບໍ່ຍະຫວ່າງ ລະບົບກໍຈະຕັດຄຳລົງແຖວໃຫ້ຢ່າງຖືກຕ້ອງ ບໍ່ຈຳເປັນຕ້ອງກົດ enter ລົງແຖວ ຫຼືຍະຫວ່າງອີກຕໍ່ໄປ (ແຕ່ເຖິງແນວໃດກໍຕ້ອງກົດແດ່ເພື່ອໃຫ້ຖືກຕາມຫຼັກໄວຍະກອນ)
ພັດທະນາການໃນຄັ້ງນີ້ຖືວ່າເປັນກ້າວສຳຄັນຫຼາຍ ເພາະຕະຫຼອດໄລຍະເວລານັບສິບປີທີ່ຜ່ານມາບໍ່ເຄີຍມີມາກ່ອນ. ທີ່ຜ່ານມາແມ່ນຕ້ອງອາໄສລະບົບ Zero Width Space Key (ZWSP) ໃນການລະບຸວ່າປະໂຫຍກໃດນຶ່ງນັ້ນມີຈັກຄຳ ແລ້ວໃສ່ສັນຍາລັກທີ່ເບິ່ງບໍ່ເຫັນເຂົ້າໄປເພື່ອລະບຸວ່າຄຳໃດແຍກອອກຈາກຄຳໃດ ເຊິ່ງເຮັດໄດ້ສະເພາະໃນ Lao Script for Windows.
ຢ່າງໃດກໍດີ ຕອນນີ້ໃຊ້ໄດ້ສະເພາະໃນ Chrome ເທົ່ານັ້ນ ອະນາຄົດບໍ່ຮູ້ວ່າ Firefox, IE ແລະໂປຣແກຣມທ່ອງເວັບອື່ນໆຈະໃຊ້ໄດ້ບໍ່ ແລະຕ້ອງຖ້າຮອດຕອນໃດ.
Tags: android, Chrome, icu, word breaking
ຄຳແນະນຳດີໆ
ຫຼາຍປີກ່ອນ ນັ່ງຍົນຈາກວຽງຈັນໄປລົງກຸງເທບ ສາຍການບິນທີ່ໃຊ້ບໍລິການເພິ່ນລົງຈອດຢູ່ສຸວັນນະພູມ ແຕ່ວ່າເຮົາຕ້ອງເດີນທາງໄປຕໍ່ທຳມະສາດຣັງສິດ ກໍເລີຍນັ່ງແທັກຊີ່ຈາກສຸວັນນະພູມໄປທຳມະສາດ ເຊິ່ງໄກຫຼາຍພໍສົມຄວນ ແທັກຊີ່ກໍຂັບພາໄປ
ໄປໄດ້ໄລຍະນຶ່ງແທັກຊີ່ກໍຊວນລົມ ກໍລົມໆ ໄປ ເພິ່ນກໍຫວັງດີເລີຍແນະນຳເຮົາວ່າ ເທື່ອໜ້າມາຫັ້ນລົງຢູ່ດອນເມືອງເອົາມັນຈຶ່ງໃກ້ທຳມະສາດ
ຕອນນັ້ນກຳລັງເຫງົານອນຢູ່ ຟັງແລ້ວຕື່ນເລີຍ ຄິດໃນໃຈ ເຮີ້ຍລຸງ ຍົນໃດບໍ່ແມ່ນລົດເມ ຊິໃຫ້ຈອດໃສກໍໄດ້ =_=!
Tags: ຍົນ, ລົດເມ, ສາຍການບິນ, ແທັກຊີ່
Animator vs. Animation IV ພາກປີ 2014
ຕາຕາລາງລົດເມໄປ ໜອງຄາຍ, ອຸດອນ, ຂອນແກ່ນ & ກຸງເທບ
ເຮັດປະໄວ້ ເພື່ອຈະມີປະໂຫຍດສຳລັບຄົນຈະນັ່ງລົດເມໄປໄທ 🙂
ຂໍ້ມູນນີ້ອັບເດດຫຼ້າສຸດ 16 ທັນວາ 2013
(Last updated 16 December 2013)
ວຽງຈັນ – ໜອງຄາຍ (15,000 ກີບ/ຄົນ) (Vientiane – Nong Khai)
ຖ້ຽວລົດ ໂມງອອກລົດ
(Bus Leave) (Departure time)
1 ——————— 07 : 30′
2 ——————— 09 : 30′
3 ——————— 12 : 40′
4 ——————— 14 : 30′
5 ——————— 15 : 30′
6 ——————— 18 : 00′
ວຽງຈັນ – ອຸດອນທານີ (22,000 ກີບ/ຄົນ) (Vientiane – Udonthani)
ຖ້ຽວລົດ ໂມງອອກລົດ
(Bus Leave) (Departure time)
1 ——————— 08 : 00′
2 ——————— 09 : 00′
3 ——————— 10 : 00′
4 ——————— 11 : 00′
5 ——————— 14 : 00′
6 ——————— 15 : 00′
7 ——————— 16 : 00′
8 ——————— 18 : 00′
ວຽງຈັນ – ຂອນແກ່ນ (50,000 ກີບ/ຄົນ) (Vientiane – Khon Kane)
ຖ້ຽວລົດ ໂມງອອກລົດ
(Bus Leave) (Departure time)
1 ——————— 08 : 15′
2 ——————— 14 : 45′
ວຽງຈັນ – ກຸງເທບ (248,000 ກີບ/ຄົນ) (Vientiane – Bangkok)
ຖ້ຽວລົດ ໂມງອອກລົດ
(Bus Leave) (Departure time)
1 ——————— 18 : 00′
Tags: bangkok, bus, bus stop, khon kane, nong khai, time table, udon, udonthani, vientiane
ໜັກໃຈ
ບໍ່ຕ່າງກັນ
ເຈົ້າເຄີຍໄດ້ເຫັນຫຼືບໍ່ວ່າຄວາມຮັກເປັນແນວໃດ
ຂ້ອຍບໍ່ເຫັນດອກ ແຕ່ຂ້ອຍກໍຮູ້ສຶກ
ຮູ້ບໍ່ວ່າຄວາມຄິດຮອດ ມັນໜ້າຕາເປັນແນວໃດ
ຂ້ອຍບໍ່ຮູ້ດອກ ແຕ່ຂ້ອຍກໍຮູ້ສຶກ
ບໍ່ຕ່າງກັນກັບໃຈຂ້ອຍດອກ
ສິ່ງນັ້ນທີ່ເຈົ້າສຳຜັດ ເຮົາຕ່າງຮັບຮູ້ມັນດ້ວຍໃຈ
ບາງສິ່ງ ເຮົາອາດບໍ່ເຫັນມັນດ້ວຍຕາ
ແຕ່ເຮົາຮັບຮູ້ມັນດ້ວຍໃຈ ເຮົາບໍ່ຕ່າງກັນ
ທຸກຄັ້ງທີ່ເຫງົາພຽງມີເຈົ້າກໍເຮັດໃຫ້ຊື່ນໃຈ
ແລະຂ້ອຍໝັ້ນວ່າເຈົ້າກໍຮູ້ສຶກ
ບໍ່ຕ່າງກັນກັບໃຈຂ້ອຍດອກ
ສິ່ງນັ້ນທີ່ເຈົ້າສຳຜັດ ເຮົາຕ່າງຮັບຮູ້ມັນດ້ວຍໃຈ
ບາງຢ່າງ ບໍ່ອາດເບິ່ງເຫັນມັນດ້ວຍຕາ
ແຕ່ເຮົາຮຽນຮູ້ມັນດ້ວຍໃຈ ເຮົາບໍ່ຕ່າງກັນ
ລົມເຢັນທີ່ເຈົ້າສຳຜັດ ບໍ່ຕ່າງກັບຂ້ອຍເທົ່າໃດ
ໄອອຸ່ນຍາມເຊົ້າຂອງທຸກມື້
ກໍຄືວ່າມັນບໍ່ຕ່າງກັນກັບໃຈຂ້ອຍເລີຍ
ສິ່ງນັ້ນທີ່ເຈົ້າສຳຜັດ ເຮົາຕ່າງຮັບຮູ້ມັນດ້ວຍໃຈ
ບາງຢ່າງບໍ່ອາດເບິ່ງເຫັນມັນດ້ວຍຕາ
ແຕ່ເຮົາຮັບຮູ້ມັນໄດ້ດ້ວຍໃຈ ເຮົາບໍ່ຕ່າງກັນ
