ຕັ້ງແຕ່ Firefox ໓ ອອກມາກໍ່ພົບບັນຫາມາຕະຫລອດ ບັນຫານັ້ນຄື ມັນບໍ່ຍອມຈື່ຄ່າ cookie ຂອງເວັບຕ່າງ ໆ ຈັກເທື່ອ ກໍ່ເລີຍຈຳເປັນຕ້ອງໄດ້ໄປລັອກອິນໃຫມ່ ໆ ຕະຫລອດ ສ້າງຄວາມຊະເອັງເປັນຢ່າງຍິ່ງຍວດ ໃນຕອນຕົ້ນ ໆ ທີ່ມັນອອກໃຫມ່ ໆ ຕອນນັ້ນລອງຊອກຂໍ້ມູນແລ້ວ ແຕ່ຍັງບໍ່ມີຄຳຕອບ ພໍດີມື້ນີ້ຄຶ້ມ ໆ ເລີຍໄປຊອກໃຫມ່ເບິ່ງ ຄິດວ່າຫນ້າຈະມີລະວ້າຄົນທີ່ມີບັນຫາແບບເຮົາ
ແລະໂຊກຊະຕາກໍ່ເຂົ້າຂ້າງ ໃນທີ່ສຸດກໍ່ໄດ້ຄົ້ນພົບຄຳຕອບວ່າ ເປັນຍ້ອນລົງ TorButton Addon ນັ້ນເອງ ພໍ Uninstall ອອກລະກໍ່ Cookie ກັບມາໃຊ້ງານໄດ້ດັ່ງເດີມແລ້ວ ປັ້ດດດດດດດ ສຸດຍອດ ~

ເວົ້າຮອດເລື່ອງການຄຸມພາສາໃນ Firefox ແລະ IE ເບິ່ງແລ້ວ IE ຊະນະ Firefox ຂາດລອຍ ເພາະວ່າ IE ມີພາສາລາວໃຫ້ເລືອກວ່າຊິໃຊ້ຟອນຕ໌ໃດສຳຫລັບພາສາລາວ ເຊິ່ງມັນກໍ່ຈະໃຊ້ຟອນຕ໌ນັ້ນສະແດງຜົນໄດ້ຖືກຕ້ອງ ບໍ່ຄື Firefox ທີ່ບໍ່ມີພາສາລາວໃຫ້ເລືອກ ເລີຍວ່າຕ້ອງໄປເລືອກຟອນຕ໌ໃນ Other language ແທນ ເຮັດໃຫ້ພາສາອື່ນຜິດປົກກະຕິໄປນຳ