Archive for 'ຝອຍໃຫ້ຟັງ'
ວັນໂຄດເສົ້າໃນຊີວິດຂອງຂ້າພະເຈົ້າ
Posted on January 5, 2009, under ຝອຍໃຫ້ຟັງ.
ທັມດາຊີວິດຄົນເຮົາຄັ້ງໜຶ່ງຈະມີເລື່ອງເສົ້າໃຈຫຼາຍໜ້ອຍຂຶ້ນກັບຄົນ ໆ ໄປ ແຕ່ສ່ວນຕົວ ຂພຈ ເອງ ເຫີ້ ~ ຮູ້ສຶກວ່າ ມື້ນີ້ ໂຄດເສົ້າເລີຍພີ່ນ້ອງ !
ອຸກຈາຍຍຍຍຍ ~
DHL
ຫຼັງຈາກທີ່ check ງວດກ່ອນໜ້ານີ້ (ອ່ານຕອນທີ່ແລ້ວ) ກໍ່ເປັນອັນວ່າຕ້ອງໃຫ້ສົ່ງມາແບບ Express delivery ແທນ ເສຍຄ່າທຳນຽມໃນການສົ່ງ $28 ທາງ AdSense ລະບຸວ່າຈະຮອດປະມານວັນທີ່ 5 ຂອງເດືອນຖັດມາ (check issue date ວັນທີ່ 26) ແຕ່ພໍດີວ່າວັນທີ່ 6-7 ແມ່ນວັນເສົາອາທິດ ກໍ່ເລີຍມາຮອດວັນທີ່ 8 ແທນ ຖືວ່າໄວຫຼາຍ
ສົ່ງໂດຍ DHL…
ເບື່ອນັກຊາວຕ່າງຊາດບາງຄົນ
ລະວັງ! ເລື່ອງນີ້ມີເນື້ອຫາທີ່ທ່ານອາດຈະບໍ່ພຶງປະສົງ ກະລຸນາຄຶດໃຫ້ດີກ່ອນອ່ານຫຍໍ້ໜ້າຕໍ່ໄປ…
ຫຼັງຈາກທີ່ໄດ້ຈົ່ມໄປໃນຕອນກ່ອນໜ້ານີ້ ມື້ນີ້ກໍ່ພົບເຫດການໜ້າເບື່ອໜ່າຍອີກປະການໜຶ່ງ ນັ້ນກໍ່ຄືເລື່ອງປ່ຽນເງິນ
ເລື່ອງມັນມີຢູ່ວ່າ ຝຣັ່ງມາປ່ຽນເງິນ ມີເງິນໃບ $໑໐໐ ເຂົາເຈົ້າຂໍປ່ຽນແຕ່ $໕໐ ກໍ່ຕົກລົງ ຈັດແຈງປ່ຽນໃຫ້ ແລ້ວກໍ່ທອນໃບ $໕໐ ອີກໃບໃຫ້ ປະກົດວ່າ ໃບນັ້ນມັນມີຮອຍບິກຂີດສອງຈຸດ ເຊິ່ງຊາວຕ່າງຊາດທີ່ມາປ່ຽນນຳນັ້ນບໍ່ພໍໃຈ ເພາະວ່າມີຮອຍຂີດ ຈຶ່ງຂໍປ່ຽນເອົາໃບໃໝ່ ກໍ່ເລີຍປ່ຽນໃຫ້ ເພາະຄ້ານໄປຕໍ່ຄວາມຍາວສາວຄວາມຍືດນຳເພິ່ນ
ທີ່ເອົາມາຈົ່ມກໍ່ເພາະວ່ານັກທ່ອງທ່ຽວພວກນີ້ (ບາງຄົນ) ມັນເຫັນແກ່ຕົວ ເວລາຕອນມາປ່ຽນເງິນ ເອົາໃບຂາດ ໆ ຫວິ້ນ ໆ ຫຼືມີຮອຍຂີດຂ້າ ໃບເກົ່າ ໆ ເອົາໃຫ້ເຮົາ ເຮົາຖາມປ່ຽນ ບອກວ່າມັນມີຮອຍຂີດ ຮອຍຂ້າ ມີບ່ອນຂາດ ມັນບໍ່ຍອມ ບອກວ່າ ອັນນີ້ກໍ່ເງິນຄືກັນ ຊິເປັນຫຍັງ ມັນບໍ່ມີບັນຫາດອກ ບາງຄັ້ງກໍ່ເວົ້າປະມານວ່າ ອັນນີ້ຂ້ອຍເອົາມາຈາກທະນາຄານ ກໍ່ວ່າກັນໄປ ແຕ່ຕອນທີ່ເຮົາເອົາໃບບໍ່ດີໃຫ້ຫັ້ນນາາາາາາາ ມັນຄືມາຈົ່ມທຸກຈົ່ມຍາກແທ້
ຄົນເຮົາ ບໍ່ວ່າເຊື້ອຊາດໃດ ມາຈາກປະເທດຮັ່ງມີ ຫຼືທຸກຍາກ ກໍ່ລ້ວນແລ້ວແຕ່ມີຄົນທີ່ເຫັນແກ່ຕົວສະເໝີ ເພາະກິເລດມັນນອນເນື່ອງໃນສັນດານມາດົນ 🙁
Gerrit van. Wuijsthoff
ມື້ນີ້ມີໂອກາດໄດ້ອ່ານ ຄວາມເປັນມາໂດຍສັງເຂບຂອງທາດຫຼວງ ທີ່ຕີພິມໃນເວັບໄຊໜັງສືພິມວຽງຈັນໃໝ່ ຂະນະທີ່ອ່ານ ໆ ໄປນັ້ນພົບປະໂຫຍກທີ່ວ່າ
ມີການບັນທຶກໄວ້ ຂອງທ່ານ ວັນວຸດ ສະຕົບ ລາຊະທູດຂ້າຫຼວງໃຫຍ່ປະເທດໂຮນລັງ ປະຈຳຊາວາ ປະເທດອິນໂດເນເຊຍ ເມື່ອວັນທີ 16
ພະຈິກ 1641
ກໍ່ເລີຍໄປຊອກເບິ່ງວ່າ ທ່ານ “ວັນວຸດສະຕົບ” ນີ້ແມ່ນໃຜ? ມີຮູບຫຼືມີເອກະສານຫຍັງໃຫ້ສຶກສາໄດ້ຕໍ່ບໍ່ ແລ້ວກໍ່ປະກົດວ່າຊື່ຂອງທ່ານແມ່ນ “Gerrit van. Wuijsthoff” ຊື່ເພິ່ນສະກົດໄດ້ຫຼາຍແບບ ຂຽນວ່າ “Gerard Wusthof” ກໍ່ມີ ຂຽນວ່າ “Gérard van Wusthof” ກໍ່ມີ, ຂຽນອີກແບບແມ່ນ “Geebaerd von Wusthof” ເປັນຊາວ Dutch ພາສາລາວເອີ້ນວ່າຊາວ ຮອນແລນ ຕາມເອກະສານໃນ International Institute for Asian Studies (IIAS) ລະບຸວ່າເພິ່ນເປັນພໍ່ຄ້າຂອງ Vereenigde Oost-Indische Compagnie ຫຍໍ້ເປັນ VOC ແປວ່າ Dutch East India Company (Wikipedia)
ເສຍດາຍບໍ່ມີຂໍ້ມູນເພີ່ມເຕີມໃນເວັບໄຊ ແຕ່ເພິ່ນລະບຸວ່າ ມີຢູ່ National Archives ໃນ The Hague ປະເທດ Netherlands. ໃນເອກະສານດັ່ງກ່າວ ມີບັນທຶກກ່ຽວກັບລາວສັດຕະວັດທີ່ ໑໗.
ໄວ້ຖ້າຄືບໜ້າແນວໃດຈະມາຂຽນໃໝ່
au8ust.org renew!
ຫຼັງຈາກທີ່ໃຊ້ Theme O2 ມາດົນ ຈົນຮອດໃກ້ໝົດປີແລ້ວ ຈຶ່ງຖືເອົາມື້ນີ້ ເຊິ່ງເປັນເລິກງາມຍາມດີ (ເພາະວ່າບໍ່ຂີ້ຄ້ານປານໃດມື້ນີ້) ຈັດການປ່ຽນໜ້າຕາ au8ust.org ໃຫ້ຮຽບຮ້ອຍດັ່ງລຸ່ມ
ກາຍເປັນ…
ພ້ອມທັງປ່ຽນລະບົບ shoutbox ເປັນແບບໃໝ່ນຳ ແຕ່ກີ້ໃຊ້ cbox.ws ຕອນນີ້ເຊົາໃຊ້ແລ້ວ ຈົບຂ່າວ.
ເລື່ອງຂອງຝຣັ່ງບາງຄົນ
ລະວັງ! ເລື່ອງນີ້ມີເນື້ອຫາທີ່ທ່ານອາດຈະບໍ່ພຶງປະສົງ ກະລຸນາຄຶດໃຫ້ດີກ່ອນອ່ານຫຍໍ້ໜ້າຕໍ່ໄປ…
ເຮັດວຽກໃນຮ້ານອາຫານ ໄດ້ພົບປະກັບບັນດານັກທ່ອງທ່ຽວຕ່າງຊາດຫຼາກຫຼາຍ ບາງຄົນກໍ່ດີແສນດີ ບາງຄົນມັນກໍ່ຊົ່ວແສນຊົ່ວ ແຕ່ເວົ້າຮອດບ່ອນຊົ່ວແລ້ວ ຄົນຕ່າງປະເທດຕອນມັນຊິຊົ່ວມັນກໍ່ຊົ່ວໄດ້ໃຈຫຼາຍ ຕົວຢ່າງເຊັ່ນມັນບອກຈ່າຍແລ້ວ ແຕ່ຄວາມຈິງມັນບໍ່ໄດ້ຈ່າຍ ແລະມັນກໍ່ຮູ້ວ່າມັນບໍ່ໄດ້ຈ່າຍ ແຕ່ມັນຕ້ອງການໃຫ້ເຮົາສັບສົນນັ້ນເອງ ບໍ່ມີຫຍັງຫຼາຍເລີຍ -_-)a
ຄວາມຂີ້ຕົວະຂອງຝຣັ່ງນີ້ຍັງມີຕໍ່ ເຊັ່ນວ່າ ເຫດການຂຶ້ນມື້ນີ້ ມີນັກທ່ອງທ່ຽວຊາວຕ່າງຊາດຍ່າງເຂົ້າມາຕອນຍັງບໍ່ທັນເປີດຮ້ານ ແລ້ວບອກວ່າ ຂໍໃຫ້ໄຂຝາເບຍໃຫ້ແດ່ ກໍ່ເລີຍຖາມໄປວ່າ ເຈົ້າຊື້ຈາກຮ້ານນີ້ບໍ? ເຂົາຕອບວ່າ Yes, I bought it from here ກໍ່ບໍ່ໄດ້ວ່າຫຍັງກໍ່ໄຂໃຫ້ຕາມປົກກະຕິ ແລ້ວກໍ່ໄປຖາມພະນັກງານ ປະກົດວ່າມື້ນີ້ຍັງບໍ່ໄດ້ຂາຍຈັກແກ້ວ ສະແດງວ່າຖືກບັກຝຣັ່ງນີ້ຕົວະເສຍແລ້ວ ຮະຮາ…
ນິໄສແບບນີ້ບໍ່ຄ່ອຍພົບໃນກຸ່ມນັກທ່ອງທ່ຽວຄົນລາວປານໃດ ສ່ວນຫຼາຍຄົນລາວຈະກົງໄປກົງມາ ຊື້ກໍ່ວ່າຊື້ ຈ່າຍກໍ່ວ່າຈ່າຍ ແຕ່ພວກນັກທ່ອງທ່ຽວບາງຄົນນີ້ ນິໄສສູ້ຄົນລາວບໍ່ໄດ້ເລີຍ 🙁
ຈົ່ມໝົດແລ້ວ ໄປກ່ອນ ໕໕໕+ ມື້ນີ້ມາຈົ່ມໂດຍສະເພາະ
ຈົນລືມ… AdSense
ມື້ນີ້ໝູ່ຢູ່ໄປສະນີໂທຫາຕອນສິບໂມງເຊົ້າ ຖາມວ່າ ນິນນີ່ ລະຫັດ error ບລາ ໆໆ ເອີ… ແລ້ວກໍ່ມີຈົດໝາຍສົ່ງມາຫາ ມາຈາກສະວີເດັນ -*- ຟັງແລ້ວງົງ ສະວີເດັນບໍ່ຮູ້ຈັກໃຜຊິສົ່ງມາເຮັດຫຍັງ ກໍ່ເລີຍວ່າ ດຽວເລີກການຕອນສວາຍລະແວ່ເອົາມາໃຫ້ແດ່ ກໍ່ໂອເຄຕາມນັ້ນ…
ໃບບີນຕັ້ງໂຕະ
ກັອບມາຈາກ http://www.bill.laotel.com/about/d_pstn.htm ເກັບໄວ້ອາດໄດ້ reference ໃນພາຍໜ້າ 😛
ໃບບີນໂທລະສັບແບບຕັ້ງໂຕະ,
ການພີມໃບບີນແມ່ນແບ່ງອອກເປັນ 3 ງວດຄື: ງວດທີ່ 1, ງວດທີ່ 2, ງວດທີ່ 3 ຊື່ງແຕ່ລະງວດມີລາຍ ລະອຽດດັ່ງນີ້:
>>ງວດທີ່1: ການພີມບີນງວດນີ້ແມ່ນຈະພີມທຸກໆວັນທີ່ 10 ຂອງເດືອນ, ແຕ່ການຄຳນວນມູນຄ່າຈະຄຳ ນວນຂໍ້ມູນຈາກວັນທີ່ 11 ຂອງເດືອນກ່ອນໜ້າຫາວັນທີ່ 10 ຂອງເດືອນນີ້.
ຕົວຢ່າງ: ໃບບີນຂອງເດືອນ 02/2005 ຕ້ອງພີມວັນທີ່ 10/02/2005, ແຕ່ຂໍ້ມູນນຳມາຄິດໄລ່ແມ່ນນັບຈາກ ວັນທີ່: 11/01/2005 ຫາ 10/02/2005.
> ເບີໂທລະສັບທີ່ຈະພີມປະຈຳງວດທີ່ 1 ມີດັ່ງນີ້:
– ນະຄອນຫຼວງວຽງຈັນ: ເບີໂທທີ່ຂື້ນຕົ້ນດ້ວຍ 31,32,35,36,81 ແລະ 83
– ຕ່າງແຂວງ: ບໍລິຄຳໄຊ, ຄຳມ່ວນ, ສະຫວັນນະເຂດ, ຈຳປາສັກ, ສາລະວັນ, ເຊກອງ ແລະ ອັດຕະປື >>ງວດທີ່2: ການພີມບີນງວດນີ້ແມ່ນຈະພີມທຸກໆວັນທີ່ 20 ຂອງເດືອນ, ແຕ່ການຄຳນວນມູນຄ່າຈະຄຳ ນວນຂໍ້ມູນຈາກວັນທີ່ 21 ຂອງເດືອນກ່ອນໜ້າຫາວັນທີ່ 20 ຂອງເດືອນນີ້. ຕົວຢ່າງ: ໃບບີນຂອງເດືອນ 02/2005 ຕ້ອງພີມວັນທີ່ 20/02/2005, ແຕ່ຂໍ້ມູນນຳມາຄິດໄລ່ແມ່ນນັບຈາກວັນທີ່: 21/01/2005 ຫາ 20/02/2005.
> ເບີໂທລະສັບທີ່ຈະພີມປະຈຳງວດທີ່ 2 ມີດັ່ງນີ້:
– ນະຄອນຫຼວງວຽງຈັນ: ເບີໂທທີ່ຂື້ນຕົ້ນດ້ວຍ 41,45,46,56,71,73,75 ແລະ 77
– ຕ່າງແຂວງ: ແຂວງວຽງຈັນ, ຊຽງຂວາງ, ຫົວພັນ, ຫຼວງພະບາງ, ໄຊຍະບູລີ, ອຸດົມໄຊ, ບໍ່ແກ້ວ, ຫຼວງນຳ້ທາ ແລະ ຜົ້ງສາລີ
>>ງວດທີ່3: ການພີມບີນງວດນີ້ແມ່ນຈະພີມທຸກໆວັນທີ່ສຸດທ້າຍຂອງເດືອນ, ການຄຳນວນມູນຄ່າຈະຄຳ ນວນຂໍ້ມູນຈາກວັນທີ່ 01 ຂອງເດືອນຫາວັນທີ່ສຸດທ້າຍຂອງເດືອນນັ້ນ.
ຕົວຢ່າງ: ໃບບີນຂອງເດືອນ 02/2005 ຕ້ອງພີມວັນທີ່ 28/02/2005, ຂໍ້ມູນນຳມາຄິດໄລ່ແມ່ນນັບຈາກວັນ ທີ່: 01/02/2005 ຫາ 28/02/2005.
> ເບີໂທລະສັບທີ່ຈະພີມປະຈຳງວດທີ່ 3 ມີດັ່ງນີ້:
– ນະຄອນຫຼວງວຽງຈັນ: ເບີໂທທີ່ຂື້ນຕົ້ນດ້ວຍ 21,22,24,25,51,54,55,61,63,67 ແລະ 86
– ຕ່າງແຂວງ:
ຈົດໝາຍຖາມຫາຂ່າວ…ຈາກເວັບຫື່ນ…
ບໍ່ຢາກເຂົ້າ ກໍ່ຍັງສົ່ງມາເຊີນໃຫ້ເຂົ້າ ໂອ… ຕາຍຄັກ ໆ ບາດນີ້ 😛
ເມື່ອຂ້າພະເຈົ້າປ່ຽນເງິນ…
ດ້ວຍຄວາມບັງເອີນ ເຮັດໃຫ້ຕ້ອງມາຢູ່ບ່ອນປ່ຽນເງິນ ເຊິ່ງກໍ່ເປັນເລື່ອງທີ່ບໍ່ເໝາະປານໃດ ເນື່ອງຈາກແຕ່ເດັກແຕ່ນ້ອຍມາເປັນຄົນໄລ່ເລກຊ້າ ຄຳນວນບໍ່ເກັ່ງ.
ມີມື້ໜຶ່ງ ມີແຂກສອງຄົນມາປ່ຽນເງິນ ເຂົາຊິເອົາເງິນກີບມາປ່ຽນໂດລາ ເຊິ່ງປົກກະຕິແລ້ວ ບໍ່ມີໃຜໃຫ້ປ່ຽນ ທະນາຄານກໍ່ບໍ່ປ່ຽນໃຫ້ ພວກຫ້າງຮ້ານລະແວກນີ້ກໍ່ບໍ່ມີໃຜປ່ຽນໃຫ້ ກໍ່ມີແຕ່ເມຍເຮົານີ້ລະທີ່ຮັບປ່ຽນ ແລ້ວກໍ່ບໍ່ບອກອັດຕາແລກປ່ຽນໃຫ້ເຮົາຮູ້ອີກ. ມື້ນັ້ນແຂກສອງຄົນມາຮອດ ຊາຍໜຶ່ງ ຍິງໜຶ່ງ ເຂົາບອກວ່າ ຊິເອົາເງິນກີບມາຊື້ໂດລາ — ເຂົາບອກວ່າຊົ່ວໂມງແລ້ວເຂົາມາປ່ຽນເທື່ອໜຶ່ງ. ຕອນນັ້ນຟັງກໍ່ຮູ້ແລ້ວວ່າ ສອງຄົນນີ້ເປັນພວກຂີ້ຕົວະ ເພາະເຮົານັ່ງເຝົ້າມາສາມຊົ່ວໂມງ ບໍ່ໄດ້ຂາຍໂດລ່າໃຫ້ໃຜ.
ລົມກັນໄປລົມກັນມາ ເພິ່ນບອກ ປະມານຕອນ 8 ໂມງເພິ່ນມາເທື່ອໜຶ່ງ ເຊິ່ງເວລານັ້ນແມ່ນປະມານ 9 ປາຍໜ້ອຍໜຶ່ງ ແລະເຮົານັ່ງເຝົ້າບ່ອນປ່ຽນເງິນມາ 3 ຊົ່ວໂມງແລ້ວ ຈຶ່ງຮູ້ໄດ້ວ່າພວກນີ້ນິໄສໃຈຄໍເຊື່ອຖືບໍ່ໄດ້. ລາວກໍ່ບອກວ່າລາວມາປ່ຽນກ່ອນໜ້ານີ້ແມ່ນຜູ້ຍິງປ່ຽນໃຫ້ ໄລ່ອັດຕາ 8590 ກີບຕໍ່ 1 ໂດລາ ລາວຢາກປ່ຽນ 600,000 ກີບ ຕົກຢູ່ $69 ແຕ່ຕົວເລກຢູ່ແຜງໜ້າປັດເຄື່ອງຄິດໄລ່ມັນມີແນວມາບັງ ເຮັດໃຫ້ເຫັນເປັນ $59 ເພິ່ນເລີຍຄິດວ່າແມ່ນ $59 ເຮົາກໍ່ຊອກມາປ່ຽນໃຫ້.
ຕອນປ່ຽນ ມັນເລກເສດ 600,000 ຫານ 5890 ໄດ້ $59.84 ມັນບອກ (ທີ່ຈິງໄດ້ $69.84 ແຕ່ເພາະເລກ 6 ຖືກບັງໄວ້ ໃຫ້ຄິດວ່າເປັນເລກ 5) ໃຫ້ໄລ່ເປັນ $60 ເລີຍ ເຮົາກໍ່ບໍ່ໄດ້ເວົ້າຫຍັງ ຕອນນັ້ນກໍ່ຄິດວ່າແມ່ນ $60 ກໍ່ໄປເອົາເງິນມາປ່ຽນໃຫ້. ໄລ່ໄປໄລ່ມາ ເຮົາລະສົງໄສ ເພາະມັນໄລ່ກັບຄືນແລ້ວບໍ່ຖືກຕາມອັດຕາຂອງມັນ (ເພາະວ່າຄວາມຈິງແມ່ນ $69.84 ແຕ່ໄປໄລ່ $59.84) ເຮົາໄລ່ໄປມາກໍ່ຈຶ່ງຮູ້ວ່າ ຕົວເລກມັນຜິດ ເລີຍເອົາໃຫ້ $69 ກັບອີກ 2500 ກີບ. ແຂກເອົາໄປໄລ່ແລ້ວ ມັນຖາມວ່າ 2500 ກີບນີ້ມາຈາກໃສ ເຮົາບໍ່ໄດ້ຕອບຫຍັງ ພຽງແຕ່ເອົາຈັກຄິດໄລ່ ໄລ່ໃຫ້ເບິ່ງວ່າເປັນເສດເງິນ $0.84 (ເຊິ່ງຈັກຄິດໄລ່ມັນພັດໄປປັດເສດ ເຮັດໃຫ້ເຫັນເປັນ 2500 ແທນທີ່ຊິເປັນ 7500 ປາຍ) ຕອນນັ້ນແຂກດີໃຈ ເພາະທຳອິດລາວຄິດວ່າຊິໄດ້ $59 ແຕ່ເຮົາໄປໃຫ້ $69 ເພິ່ນຮີບເກັບເງິນແລ້ວຍ່າງອອກໄປ… ສົງໄສຄິດວ່າເຮົາໄລ່ເລກໃຫ້ຜິດ.
ເລື່ອງນີ້ຕອກຢ້ຳຂ້າພະເຈົ້າວ່າ ຄົນຂາວພວກນີ້ ກໍ່ບໍ່ຕ່າງຫຍັງກັບຄົນທົ່ວໄປ ເວລາມາເຮັດບ່ອນປ່ຽນເງິນແນວນີ້ ໄດ້ພົບກັບລູກຄ້າທີ່ມີນິໄສແບບນີ້ປະຈຳ ບາງທີກໍ່ເຮັດໃຫ້ເກີດຄວາມເມື່ອຍໃຈ ທີ່ຄົນດີ ໆ ຊອກຍາກຫຼາຍໃນສັງຄົມປັດຈຸບັນ…
