Archive for 'ບ້ານເມືອງ'
ເລື່ອງຂອງຊີ້ນດາດບຸບເຟ່
ແຕ່ໃດ ໆ ມາເວລາມີຄົນຊວນນິນໄປກິນຊີ້ນດ້ານບຸບເຟ່ ກໍ່ມັກຈະຕອບວ່າ “ບໍ່ໄປ” 555 ເພາະວ່າບໍ່ມັກ ເບິ່ງແລ້ວມັນຄືບໍ່ຫນ້າກິນເລີຍ ເພາະວ່າຫຍັງ? ເພາະວ່າ
- ເຂົາເອົາແຕ່ປະລິມານ ຄຸນນະພາບບໍ່ໄດ້
- ບໍ່ຄຸ້ມ ເພາະໄປກັນສາມສີ່ຄົນ ແຕ່ຈ່າຍຄົນລະຊາວຫ້າພັນ (ຢູ່ຫລວງພະບາງ) ແຕ່ກິນໜ້ອຍດຽວ ສູ້ໄປແບບທຳມະດາສັ່ງສອງຊຸດຄຸ້ມກວ່າ
- ໄປແລ້ວບໍ່ເຈີະພວກຫນ້າຕາດີ (ກ່ຽວເດີ້ຂໍ້ນີ້ 555)
ດັງນັ້ນແຫລະ ຈຶ່ງບໍ່ມັກໄປກິນ ເຖິງມີຄົນຊວນໄປແນວໃດກໍ່ບໍ່ໄດ້ ເສຍເວລາ ເສຍຄວາມຮູ້ສຶກ ເຄຍບອກໝູ່ ບອກຄົນຮູ້ຈັກວ່າ ຢ່າໄປກິນເລີຍພວກເຈົ້າ ເຂົາເຮັດບໍ່ຄ່ອຍສະອາດ ບາງຄົນກໍ່ເຊື່ອ ບໍ່ຄົນກໍ່ຟັງແລ້ວ ໆ ໄປ ບໍ່ໃສ່ໃຈ
ພໍດີມື້ນີ້ໄປອ່ານກະທູ້ໃນມະຫາສານ
ເລື່ອງນີ້ບໍ່ແມ່ນເລື່ອງທີ່ຫາກໍ່ເກີດຂື້ນ ຄວາມຈິງແລ້ວມັນເກີດມາແຕ່ດົນ
ມີຄົນຈຳນວນຫຼາຍ ທີ່ມີພຶດຕິກຳມັກກີນຂອງຟຼີ ຫຼືກີນແບບບຸບເຟ ເພາະໄດ້ກີນຫຼາຍ ກີນຕາມໃຈມັກ ໃນນີ້ລວມທັງຜູ້ຂຽນເອງ ແຕ່ຈະມີຈັກຄົນ ທີ່ຮູ້ຈັກ (ຜົນເສັຍ)ຂອງມັນ ໃນປະຈຸບັນ ກຳລັງມີການກໍ່ສ້າງເສັ້ນທາງຫຼາຍແຫ່ງໃນນະຄອນຫຼວງວຽງຈັນ ເຮັດໃຫ້ຮ້ານຊີ້ນດາດ ແບບບຸບເຟ ຫຼາຍແຫ່ງໄດ້ຮັບຜົນກະທົບ ມີບາງວັນ ຮ້ານອາຫານບໍ່ມີແຂກມາ ອາຫານທີ່ຕຽມໄວ້ເຫຼືອຫຼາຍ ເຈົ້າຂອງຮ້ານເກັບຊີ້ນໄວ້ດ້ວຍການໃຊ້ສານ ຮໍໂມນ (ເປັນສານກັນບູດ-ເນົ່າ) ເພີ່ນນິຍົມເອົາໄວ້ສັກຄົນຕາຍ ເພື່ອເຮັດໃຫ້ຊົບບໍ່ເນົ່າເໝັນ ໂດຍການປະສົມສານຮໍໂມນກັບນ້ຳໃນອັດຕາສ່ວນ 1ບ່ວງກາເຟ ຕໍ່ນ້ຳ 20ລິດ ແລ້ວເອົາຊີ້ນ ແລະອາຫານທະເລທີ່ຂາຍບໍ່ໝົດ ລົງລ້າງ ແລ້ວເກັບໄວ້ໃນຕູ້ແຊ່ ຈະເຮັດໃຫ້ຊີ້ນເບີ່ງຄືວ່າສົດ ແລະບໍ່ມີກີນເໝັນ
ທ່ານຮູ້ບໍ່ວ່າ ສານຮໍໂມນຕົວນີ້ ຈະໄປທຳລາຍລະບົບປະສາດໃນຮ່າງກາຍ ຂອງທ່ານ ເຮັດໃຫ້ທ່ານມີອາການ ວີນວຽນ ປວດຕາມຕົນຕົວ ແລະມີອາການແຫບຄໍ-ຄໍແຫ້ງ ແລະໄອ ເລັກນ້ອຍ ໃນຕອນຕົ້ນ ຖ້າທ່ານໄປກວດຢູ່ໂຮງໝໍ ທ່ານກໍ່ຈະບໍ່ພົບອາການຜິດປົກກະຕິ ແຕ່ຢ່າງໃດ ແຕ່ຖ້າສະສົມດົນໄປສານຮໍໂມນຕົວນີ້ກໍ່ຈະພາ ໃຫ້ເກີດເປັນມະເຮັງໃນລຳໃສ້ ແລະຖ້າບໍ່ໄດ້ຮັບການຮັກສາທີ່ຖຶກຕ້ອງ ແລະຖ່ວງທັນກັບເວລາ ກໍ່ເຖິງຂັ້ນເສັຍຊີວິດໄດ້
ອ່ານແລ້ວສະຫຍອງ 555+ ແຮງວ່າຊ່ວງນີ້ຫລວງພະບາງບໍ່ຄ່ອຍມີແຂກມີຄົນແດ່ ຢ້ານເຂົາຊິເຮັດແບບດຽວກັບຢູ່ວຽງ
Technorati Tags: ຊີ້ດາດ, หมูกระทะ, ບຸບເຟ່, ຂອງຟຣີ, ກິນຫລາຍ, realme, au8ust, ຫລວງພະບາງ, ວຽງຈັນ
ພາບບັນຍາກາດງານສົງການຢູ່ຫລວງພະບາງ
ເບິ່ງທັງຫມົດໄດ້ຈາກລິງກ໌ Picasa Web Album
ປ.ລ. ນາງສັງຂານປີນີ້ຊື່ວ່າ “ສະລັກເພັດ ສີອຸດົມພັນ” ອາຍຸ 18 ປີ
Technorati Tags: ສົງການ, ບຸນປີໃຫມ່, ຮູບພາບ, ປີໃຫມ່ລາວ, ບຸນເດືອນຫ້າ, ແຫ່ນາງສັງຂານ, au8ust
ເງິນລາວແບບເກົ່າ
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
ທີ່ມາ – UBRU.ac.th [via]
ສັງຄົມລາວ
ຫມາເຫົ່າຊ້າງ ລະວັງບ່ອນບາທາມັນເດີ
ຕີນຊ້າງຢຽບປາກນົກ
ປາກບໍ່ໄດ້ໄອບໍ່ດັງ
ໃຜມືນ້ອຍຄ່ອຍຢິບຄ່ອຍແຍມ ໃຜມືໃຫຍ່ຮູດກິນຮູດກິນ
ມ້າສອງປາກແຕ່ມີດາກດຽວ
ຜູ້ກິນກິນພໍຮາກ ຜູ້ຢາກຢາກບໍຕາຍ
Technorati Tags: ພາສິດລາວ, ຄຳຄົມ, realme, au8ust
ມັນເອົາອີກແລ້ວ
Posted on March 19, 2007, under ບ້ານເມືອງ, ຝອຍໃຫ້ຟັງ, ເທັກໂນໂລຢີ.
ບ່າຍວານນີ້ກົງກັບວັນທີ່ ໑໙ ແຮມ ໑໕ ຄ່ຳ ເດືອນ ໔ ຈຸລສັກຣາຊ ໑໓໖໙
ໃນຂະນະທີ່ຂ້າພະເຈົ້າກຳລັງກວດເບິ່ງ Internet Connection Properties ນັ້ນ
ໄດ້ແລເຫັນວ່າ ມັນຂຶ້ນ 1 day 13 hours xx minutes xx seconds
ກໍ່ເກີດພິຈາລະນາຢ່າງແຍບຄາຍໃນໃຈວ່າ ສາຍນ້ຳຍັງມີເຮືອດແຫ້ງ ຫມົດລະດູແລ້ງ
ຍັງມີລະດູຝົນ ຄົນຮັກກັນຍັງມາຊັງກັນໄດ້ ສັນໃດກໍ່ສັນນັ້ນ
ດຽວສາຍໂທລະສັບມັນຄືຊິຫລຸດ ແລະໃນບັນດົນນັ້ນເອງ
ອະຖິຖານຈິດຂອງຂ້າພະເຈົ້າກໍ່ສຳຣິດຜົນເມື່ອພົບວ່າ ມັນຫລຸດໄປແລ້ວ 
ຈາກນັ້ນກໍ່ເປັນແບບເກົ່າ
- ຕໍ່ບໍ່ຕິດ
- ຂຶ້ນ Busy line
- ຖັດມາ Not responding
- ຖັດມາ Username and/or password is invalid
- ຖ້າມື້ອື່ນ ເພາະມື້ນີ້ວັນອາທິດ
- ມື້ຕໍ່ມາວັນຈັນ ໂທຫາ 021 219425
- ມັນບອກໃຫ້ກວດລະຫັດ
- ມັນບອກໃຫ້ tell password
- ມັນບອກດຽວຊິໂທກັບ
- ມັນບອກ confirm ໃຫ້ແລ້ວ ຈາກນັ້ນ ອີກຄົນກໍ່ບອກວ່າ ຍັງເດ້ ກຳລັງ
- ໃນທີ່ສຸດກໍ່ຕໍ່ຕິດ
ເລົ່າແບບຫຍໍ້ ໆ ຄວາມຈິງມັນຍາວກວ່ານີ້ 
ສັງເກດວ່າ ມັນຈະເປັນໄດ້ເປັນດີ ເປັນທຸກ ໆ ໑-໒ ອາທິດ ແລ້ວ pattern ມັນກໍ່ຊ້ຳ ໆ ກັນແບບເກົ່າຕະຫລອດ *sigh* (ແປວ່າຖອນຫາຍໃຈ –ພາສາອັງກິດມື້ລະຄຳ)
ວ່າຊິໃຊ້ ADSL2+ ມັນຊິເປັນແບບນີ້ຄືກັນບໍ່ (ວະ)
ປ.ລ. ມັນຍັງຖາມອີກວ່າເປັນຫຍັງບໍ່ໂທຫາສູນຢູ່ຫລວງພະບາງ (ແຕ່ລະເທື່ອ *ຕີ໊ດ* ກໍ່ໂທຫາແຕ່ເບີນີ້ແຫລະ)
ປ.ຮ. ມັນຟ້າວ *ຕີ໊ດ* ແຕ່ວ່າສາຍ
ປ.ອ. ມີໃຜເປັນແດ່? ໃຊ້ Dial-up 1 year package ຈາກ Lao Telecom
ປ.ສ.
ກະວ່າຊິປ່ຽນລະຫັດໃຫມ່ ເພາະວ່າເວລາ spell ລະຫັດຜ່ານໂທລະສັບມັນເສຍເວລາດົນ
ນັ່ງບອກເທື່ອລະໂຕ a – apple, d – dong, f – farang, g – go ໆລໆ
ລ.ຮ. ມື້ນີ້ຕອນເຊົ້າມີສຸຣິຢຸປຣາຄາ ຢູ່ວຽງກໍ່ເຫັນບໍ່?
ລ.ອ. ມີຂ່າວແວ໊ບ ໆ ອອກມາວ່າດາລາເກົາຫລີຄົນນີ້ມີ … ຫລຸດ 
Technorati Tags: ເອົາອີກແລ້ວ, ຫລູດ, ແບບເກົາ, ຈູລສັກຣາຊ, ອິນເຕີເນັດ, ລາວໂທລະຄົມ, Laotel, Lao Telecom, realme, au8ust
ຄວາມຮູ້ໃຫມ່
ມື້ນີ້ໄປປະຊຸມບ້ານມາ ໃຊ້ເວລາ 1 ຊົ່ວໂມງ ກັບອີກປະມານ 5 ນາທີ ໃນການປະຊຸມຄັ້ງນີ້ ເຮັດໃຫ້ໄດ້ຮູ້ວ່າ
- ຫລວງພະບາງມີເຈົ້າເມືອງຊື່ ໄຊຍະສັກ ແກ້ວປັນຍາ
- ບ້ານຈູມຄ້ອງມີ 69 ຄອບຄົວ
ຈົບ LOL
Technorati Tags: ຄວາມຮູ້ໃຫມ່, ບ້ານຈູມຄ້ອງ, ປະຊຸມ, ໄຊຍະສັກ, ແກ້ວປັນຍາ, au8ust
ຊີວິດ ແລະເມືອງມໍລະດົກ
ມື້ນີ້ພວກມໍລະດົກມາເກັບປ້າຍຕາງໆ ຕາມທາງ ພວກປ້າຍທີ່ຍື່ນອອກມາເກີນຂອບເຂດທີ່ ທາງມໍລະດົກເຂົາກຳຫນົດໄວ້ ກໍ່ຈະຖືກຫາມຂຶ້ນລົດໄປ ໂດຍທາງເຈົ້າຫນ້າທີ່ ໆ ກ່ຽວຂ້ອງ ຈະເອົາລົດມາພ້ອມ ແລ້ວກໍ່ມີຄົນມາຖ່າຍຮູບແຊ່ະໆ ໄວ້ເປັນຫລັກຖານ
ເຂົ້າໃຈວ່າ ຊ່ວງຫລັງນີ້ຄົງຈະເລີ່ມມາຈັດສັນບ້ານເມືອງອີກຄັ້ງຫນຶ່ງ ແລະອາດຈະໄປກ່ຽວຂ້ອງກັບງານກິລາທີ່ຈະຈັດຂຶ້ນ ໃນຊ່ວງເດືອນຫນ້ານີ້ນຳ ແຕ່ວ່າ ໃນຄວາມເປັນຈິງແລ້ວ ເຂົາເຮັດແບບນີ້ມັນແປກໆ ການທີ່ເຈົ້າຫນ້າທີ່ຈາກ ມໍລະດົກ ມາບອກໃຫ້ຍ້າຍປ້າຍ ຫລືປ່ຽນປ້າຍ (ລືມເລົ່າໄປວ່າ ຢູ່ຫລວງພະບາງ ປ້າຍຮ້ານຕ້ອງມີຊື່ພາສາລາວຂຶ້ນກ່ອນ ແລ້ວຈຶ່ງຕາມດ້ວຍພາສາອື່ນ) ແຕ່ລະຄັ້ງນັ້ນ ຈັ່ງແມ່ນວ່າ ບໍ່ເປັນທາງການຈັກຫນ້ອຍເລີຍ ມີແຕ່ໃຫ້ຄົນມາເວົ້າໆໆໆໆບາງກໍ່ມີທຳທ່າລັກສະນະຂູ່ເຂັນຊ້ຳ ແທນທີ່ຊິເຮັດຫນັງສືມາດິບດີ ຫລືອາດມີການປະຊຸມຊີ້ແຈງ ແລະວາງລະບຽບທີ່ຊັດເຈນໃຫ້ທຸກຝ່າຍເຂົ້າໃຈ ແຕ່ກໍ່ບໍ່ເຮັດ
ຫລວງພະບາງກໍ່ເປັນແຕ່ແບບນີ້ແຫລ່ະ ຈຶ່ງບອກວ່າ ໂດຍສ່ວນຕົວແລ້ວ ບໍ່ຢາກເປີດຮ້ານພວກນີ້ ເຖິງລາຍໄດ້ຈະດີ ລາຍຮັບຈະດີ ແລະບາງຄັ້ງ ລາຍເຫລືອຈະດີ ແຕ່ວ່າ… ເງິນບໍ່ແມ່ນທຸກຢ່າງຂອງຊີວິດ!! ຫາກຊິໃຫ້ໃຊ້ຊີວິດແບບນີ້ ສູ້ໄປເປີດຮ້ານນ້ອຍໆ ເຮັດໃນສິ່ງທີ່ເຮົາຖະນັດ ແລະຮັກດີກວ່າ ຈະໄດ້ມີເວລານັ່ງຟັງທັມມະ ມີເວລານັ່ງສະມາທິ ແລະໄດ້ຊ່ວຍເຫລືອຜູ້ຄົນອື່ນ ຂໍພຽງແຕ່ມີຊີວິດແບບຮຽບງ່າຍ ພໍຢູ່ພໍກິນ ດີກວ່າຈະມີເງີນຫລາຍໆ ແຕ່ວ່າຕ້ອງຄອຍຫ່ວງວ່າເງິນທີ່ເຮົາຫາມາໄດ້ນີ້ຈະເສັຍໄປ ຫ່ວງວ່າເງິນນີ້ຈະມີອັນຕ້ອງຈິບຫາຍ ມີໂຈນມາເອົາໄປ ມີຍາດມິດທີ່ຊັງເຮົາມາເອົາໄປ ແບບຫລັງນີ້ ບໍ່ມີດີກວ່າ 🙂
ຈັກແມ່ນໃຜແທ້ທີ່ບໍ່ຖືກ…
ໄປອ່ານຂ່າວໃນ RFA Lao ມາ ອ່ານແລ້ວກໍ່ງົງ ໆ ພວກລາວເກົ່ານີ້ຕັ້ງເປັນແນວນີ້ແທ້ໆ… ຂໍຍົກມາໃຫ້ອ່ານ
ອິດທິພົລໄທຽ ເຮັດໃຫ້ພາສາລາວ ວິນາສຮຽກທວງພາຄຣັຖ ໃຫ້ຄວາມເບີ່ງແຍງ
2007.02.20
ໜັງສືພີມຜູ້ຈັດການຣາຍວັນໄທຽສະບັບວັນທີ່ 12 ກຸມພານີ້ແຈ້ງວ່າ: ສື່ມວນຊົນທາງການລາວໄດ້ຮຽກຮ້ອງໄປຍັງທາງ
ການລາວທີ່ຮັບຜິດຊອບເພື່ອໃຫ້ເອົາໃຈໃສ່ຄວບຄຸມເບີ່ງແຍງນຳການໃຊ້ພາສາລາວ ຍ້ອນປະຊາຊົນແມ້ກະທັ້ງສື່ມວນ
ຊົນບາງຄົນກໍຫັນປ່ຽນໄປໃຊ້ພາສາໄທຽຫລາຍຂື້ນ ທີ່ອາຈຈະເຮັດໃຫ້ “ພາສາລາວວິບັຕ” ຫລືວິນາສຈິບຫາຍໄປໃນ
ພາຍຂ້າງໜ້າກໍເປັນໄດ້!ໜັງສືພີມດັ່ງກ່າວຢືນຢັນວ່າ: ມີຫລາຍປໂຍກໃນພາສາລາວຮວມທັງຄຳສັພສາ ມັນຕ່າງໆສູນເສັຽໄປຢ່າງຫລວງຫລາຍ
ຍ້ອນພາກັນນຳເອົາພາສາໄທຽເຂົ້າມາໃຊ້ແທນເຊັ່ນວ່າ: “ນ້ຳແຂງ” ແທນທີ່ຈະໃຊ້ພາສາລາວທີ່ວ່າ: “ນ້ຳກ້ອນ”, “ເຈິ
ກັນ” ແທນຄຳວ່າ “ພົບກັນ”, “ຫລໍ່ຫລາຍ” ແທນທີ່ຈະວ່າ “ເຈົ້າຊູ້ຫລາຍ”, “ແມ່ບ້ານ” ແທນທີ່ຈະວ່າ “ແມ່ເຮືອນ” ຫລື
“ປິດປະຕູ” ແທນທີ່ຈະວ່າ “ອັດປະຕູ” ດັ່ງນີ້ເປັນຕົ້ນ.ທາງໜັງສືພີມລາວໄດ້ຮຽກຮ້ອງໃຫ້ທາງການກ່ຽວຂ້ອງໄດ້ເອົາໃຈໃສ່ຄວບຄຸມເຊັ່ນວ່າ: “ໃຫ້ມີການປັບປຸງໂຄສະນາແລະ
ອົບຮົມປະຊາຊົນຢ່າງກ້ວາງຂວາງ”ເພື່ອໃຫ້ຮູ້ແລະເຂົ້າໃຈເຖີງທີ່ມາເປັນການຮັກສາພາສາລາວໄວ້. ບັນຫາສ່ວນໃຫຍ່
ໃນປັຈຈຸບັນອາຈເປັນດ້ວຍສາເຫຕທີ່ວ່າມີການນິຍົມເບີ່ງໂທຣະທັດຫລືຟັງວິທຍຸໄທຽເປັນສ່ວນໃຫຍ່ນັ້ນກໍເປັນໄດ້ ແລະ
ນອກຈາກນັ້ນຍັງມີບັນຫາສິນຄ້າຕ່າງໆທີ່ນຳເຂົ້າປະເທດນັ້ນ ແມ້ກະທັ້ງເຄື່ອງຫລິ້ນເກ໊ມຕ່າງໆຫລືໂທຣະສັພມືຖືຈະມີຂໍ້
ມູນຫລືວິທີແນະນຳໃນການໃຊ້ກໍລ້ວນແຕ່ເປັນພາສາໄທຽ ຈື່ງເຮັດໃຫ້ມີການນິຍົມໃຊ້ເປັນພາສາໄທຽໄປເລີຽໂດຽບໍ່ໄດ້
ຄຳນຶງເຖີງຄວາມເສັຽຫາຍທີ່ຈະຕາມມາພາຍຫລັງນັ້ນແຕ່ຢ່າງໃດ!!ຫວາດ ສີມູນ ຣາຍງານ
ອ່ານໄປກໍ່ຫົວໄປ… *sigh
ເພງຮັກສອງຝັ່ງຂອງ (ຕໍ່)
ຕົກລົງວ່າ ບໍ່ໄດ້ສາຍ ຫ້າມສາຍແລ້ວ ຫ້າມອອກອາກາດໂດຍເດັດຂາດ ເປັນຄຳສັ່ງກົງມາຈາກລັດຖະມົນຕີ ກະຊວງຖະແຫລງຂ່າວແລະວັດຖະນະທຳ ໂດຍທ່ານ ຫມຸນແກ້ວ ອໍລະບູນ ໄດ້ສົ່ງຫນັງສືໄປຫາທາງ ບໍລິສັດ ເວີກພ້ອຍທ໌ ຈຳກັດ ເຊິ່ງເປັນບໍລິສັດທີ່ຜະລິດລະຄອນເລື່ອງນີ້ ໂດຍໄດ້ຂໍໃຫ້ມີການແກ້ໄຂບາງສ່ວນໃນລະຄອນ ເພາະວ່າ ມັນມີບາງສາກ ບາງຕອນທີ່ ໄປກະທົບກັບຄວາມສຳພັນລະຫວ່າງສອງປະເທດ
ຈະມີຢູ່ຕອນຫນຶ່ງ ທີ່ວ່າພະເອກເອົາດອກໄມ້ໃຫ້ນາງເອກ ແຕ່ນາງເອົາບໍ່ເອົາ ພະເອກເກີດນ້ອຍໃຈ ເລີຍເອົາດອກໄມ້ຖິ້ມຖັງຂີ້ເຫຍື້ອຊ້ຳ ແລ້ວຊາດ… ແຕ່ວ່າ… ດອກທີວ່ານັ້ນ ມັນຄື… ດອກຈຳປາ!! ນັ້ນແລ ຕົ້ນເຫດຂອງບັນຫາລ່ະ ດອກຈຳປາ ເປັນດອກໄມ້ປະຈຳຊາດເຮົາ ທາງກະຊວງເພິ່ນເຫັນວ່າ ມັນບໍ່ເຫມາະສົມ ກໍ່ເລີຍຢາກໃຫ້ເອົາໄປແກ້ກ່ອນ ແກ້ແລ້ວໆ ຄ່ອຍມາວ່າກັນໃຫມ່
ນອກຈາກນັ້ນ ກໍ່ຍັງມີຫລາຍໆ ປະເດັນທີ່ກ່ຽວຂ້ອງ ແຕ່ສະຫລຸບແລ້ວກໍ່ຄື ທາງລາວເຮົາ ບໍ່ຢາກໃຫສາຍ ຂໍໃຫ້ໄປແກ້ບົດລະຄອນໃຫມ່ກ່ອນ ແກ້ແລ້ວໆ ມາພິຈາລະນາໃຫມ່ອີກຮອບ ຖ້າຜ່ານ ກໍ່ຄ່ອຍສາຍ
ທີ່ມາ – INN
ເຮົາໄດ້ຫຍັງຈາກສົງຄາມ?
Posted on February 14, 2007, under ບ້ານເມືອງ, ສັງຄົມ, ເທັກໂນໂລຢີ.
ແປະໄວ້ກ່ອນ ດຽວມາຂຽນໃຫມ່ lol
