ອັບເດດລາຍຊື່ເວັບໃນເຄືອຫລ້າສຸດ
ຂຽນເມື່ອ November 26, 2007, ໃນຫມວດ ຝອຍໃຫ້ຟັງ, ເທັກໂນໂລຢີ, ໄອເດຍ.
ຊ່ວງນີ້ມີວຽກຫລາຍຢ່າງຕ້ອງເຮັດ ກໍ່ເລີຍບໍ່ຄ່ອຍໄດ້ Active ໃນການເຮັດເວັບປານໃດແລ້ວ ແຕ່ວ່າຢ່າງໃດກໍ່ຕາມ ເວັບໃນເຄືອຂ່າຍ au8ust ກໍ່ມີການເພີ່ມຂຶ້ນເລັກນ້ອຍເຖິງປານກາງຕາມແຮງລົມຈາກທິດຕາເວັນອອກ 😛
ມາເຂົ້າເລື່ອງກັນເລີຍ ສຳຫລັບຄວາມຄືບຫນ້າຕອນນີ້ LaoBlogger.com ສຳເລັດໄປສ່ວນຫນຶ່ງແລ້ວ ແຕ່ວ່າຫນ້າຫລັກຍັງຄົງບໍ່ໄດ້ຮັບການປັບແຕ່ງໃຫ້ດີເທື່ອ ລວມໄປເຖິງການໃສ່ HTML/JavaScript code ທີ່ຍັງເຮັດບໍ່ໄດ້ ເຊິ່ງສ່ວນນີ້ສຳຄັນຫລາຍ ເພາະຕ້ອງໃຊ້ໃນກໍລະນີຈະເອົາ Tracker ເຂົ້າມາ
ຕໍ່ມາກໍ່ຄື LaoUpload.com ຄວາມຈິງໂດເມນນີ້ໄດ້ມາດ້ວຍຄວາມບັງເອີນ ເພາະວ່າກ່ອນຫນ້ານີ້ໄປຈົດທະບຽນເຊົ່າ host ກັບ Dreamhost ແລ້ວເຂົາມີ Promotion ສະຫລອງຄົບຮອບ 10 ປີ ກໍ່ເລີຍໄດ້ Host + Domain ມາໃນລາຄາຖືກແສນຖືກ (ປະມານ $10 ຕໍ່ປີ ຫາກຈື່ບໍ່ຜິດ) ໃນ LaoUpload.com ນີ້ເຮັດເປັນເວັບສຳຫລັບອັບໂຫລດໄຟລ໌ຕ່າງ ໆ ໄປຝາກໄວ້ ເພື່ອໃຫ້ຄົນອື່ນໄດ້ດາວໂຫລດໄດ້ ເຊິ່ງຕອນນີ້ລາວອັບໂຫລດກໍ່ຄືບຫນ້າໄປຫລາຍແລ້ວ ແຕ່ຍັງຄົງມີຫລາຍສ່ວນທີ່ຕ້ອງແກ້ໄຂ ລວມໄປເຖິງການເຮັດ subdomain ແຍກສຳຫລັບຜູ້ຕ້ອງການອັບໂຫລດຮູບພາບໂດຍສະເພາະ
ແລະສຸດທ້າຍແຕ່ຍັງບໍ່ທ້າຍສຸດກໍ່ຄື Punlao.com ອັນນີ້ຕັ້ງໃຈວ່າຈະເຮັດເປັນ… ອືມ…ໄວ້ Surprise ດີກວ່າ 😀 ແຕ່ວ່າຕອນນີ້ກໍ່ຍັງບໍ່ທັນໄປຮອດໃສເລີຍສຳຫລັບພັນລາວ.ຄອມ ຄາດວ່າຄົງຈະເປັນຊ່ວງປາຍປີ ຫຼືຕົ້ນປີຫນ້າກວ່າຈະໄດ້ເປີດໂຕ
ເອົາລ່ະ ມື້ນີ້ກໍ່ພໍເທົ່ານີ້ກ່ອນ ໄວ້ຈະມາຂຽນໃຫມ່ອີກ 😀
2 ຄຳເຫັນກ່ຽວກັບເລື່ອງນີ້ to "ອັບເດດລາຍຊື່ເວັບໃນເຄືອຫລ້າສຸດ"
au8ust on November 29, 2007
ເອ… ແປກ ເປັນຫຍັງ LaoBlogger ຄືເຂົ້າບໍ່ໄດ້ຊັ້ນນ່າ? ຖືກບລັອກ domain name ຫວາ? ທີ່ຈິງ laoblogger.com ຊື່ນີ້ຍັງບໍ່ເຄີຍມີໃຜໃຊ້ໜາ… (ຫຼືອາດຈະຖືກຄຸມກຳເນີດຕັ້ງແຕ່ກ່ອນຄອດກໍ່ເປັນໄດ້!!?)
ksp on November 29, 2007
LaoUpload.com ຄັກຫຼາຍ, ແຕ່ LaoBlogger.com ຢູ່ຈີນເຂົ້າບໍ່ໄດ້ T_T