Archive for 'ເທັກໂນໂລຢີ'
ກຽມຍ້າຍໄປ Ubuntu #໒
Posted on January 23, 2009, under ເທັກໂນໂລຢີ.
ຕອນທີ່ສອງ ຫຼັງຈາກທີ່ມື້ຄືນວານນີ້ຂຽນໄປແລ້ວສ່ວນໜຶ່ງ ມື້ນີ້ຄຶດອອກອີກວ່າ ນອກຈາກໂປຣແກຣມແລ້ວ ຍັງມີ settings ຂອງໂປຣແກຣມອີກ ເຊັ່ນວ່າ Firefox ເພາະໃຊ້ຕະຫຼອດ ຂາດບໍ່ໄດ້ ແລ້ວກໍ່ບໍ່ຢາກເລີ່ມໃໝ່ໝົດ ສຳລັບຕອນນີ້ຈະຂຽນເລື່ອງຍ້າຍ Firefox ຈາກ Windows ໄປ Ubuntu
ເລື່ອງ Bookmarks ອັນນີ້ Foxmarks ຊ່ວຍໄດ້ ມີຂ້າມ platform ສະບາຍ ໆ ສຳລັບບັນດາ Addons ອັນນີ້ໂຫຼດໃໝ່ກໍ່ໄດ້ ແຕ່ບັນຫາທີ່ຈະມີແມ່ນ ພວກ cookies, history, etc.. ພວກນີ້ສຳຄັນ ໂດຍສະເພາະ history ເພາະຄ້ານພິມໃໝ່ໝົດ ຕອນນີ້ຍັງຄຶດຫາທາງບໍ່ໄດ້ ແຕ່ເບື້ອງຕົ້ນແມ່ນ ຕ້ອງເກັບຂໍ້ມູນໃນ %appdata%\Mozilla\Firefox ແລ້ວຄ່ອຍຊອກວິທີເອົາຍັດເຂົ້າໄປໃນ Ubuntu ໃຫ້ໄດ້
ຕາມນັ້ນ
update: ຄຶດອອກອີກຢ່າງແມ່ນ FileZilla ອັນນີ້ກໍ່ໃຊ້ປະຈຳ ແລ້ວກໍ່ຂາດບໍ່ໄດ້ ເພາະວ່າມີລາຍຊື່ເວັບໄຊທີ່ຕ້ອງໃຊ້ຢູ່ ຄ້ານແກ້ໄຂໃໝ່. FileZilla ມີລະບົບ Export ຄ່າຕ່າງ ໆ ໄວ້ແລ້ວ ສະດວກດີ ສາມາດ export ໄດ້ທັງລາຍຊື່ເວັບໃນ site manager, settings, ແລະ queue ເປັນ XML ໄວ້ import ຕອນຍ້າຍໄປ Ubuntu ໄດ້ 
update ໒: WinMerge ໃຊ້ Meld ແທນ
ກຽມຍ້າຍໄປ Ubuntu
Posted on January 22, 2009, under ເທັກໂນໂລຢີ.
ຄືນນີ້ໂຫຼດ http://cdimage.ubuntu.com/releases/jaunty/alpha-3/jaunty-desktop-i386.iso ມາປະໄວ້ ແລ້ວກໍ່ຈັດລາຍການຕ່າງ ໆ ກ່ອນ ວ່າຕ້ອງເຮັດຫຍັງແດ່ ເບື້ອງຕົ້ນຂຽນລາຍຊື່ໂປຣແກຣມຕ່າງ ໆ ທີ່ຈະຍ້າຍໄປ Ubuntu ກ່ອນວ່າຈະໃຊ້ໂຕໃດດີ
- Photoshop -> GIMP
- Adobe Reader -> ບໍ່ແນ່ໃຈ ໜ້າຈະບໍ່ຍາກ
- Advanced Find and Replace 3 -> ຖ້າບໍ່ມີແທ້ ໆ ກໍ່ໃຊ້ grep ເອົາ -*-
- AppServ -> ສົງໄສຕ້ອງລົງເອງ
- FileZilla -> Linux ກໍ່ມີ
- FlashGet -> ອາດຈະລອງ MultiGet ຫຼືໃຊ້ wget ແທນ
- Microsoft Office -> OpenOffice
- Notepad++ -> ໃນ Linux ບໍ່ມີ ແຕ່ໃຊ້ຜ່ານ WINE ໄດ້ ຖ້າຫຍຸ້ງຍາກຫຼາຍກໍ່ Gedit ໄປກ່ອນ
- RealVNC -> ມີຄືກັນ
- WLM -> Gaim ຫຼື aMSN
- WinRAR -> 7-Zip ແຕ່ 7-Zip ມັນ compress RAR ບໍ່ໄດ້
- XnView -> ມີໃນ Linux
- uTorrent -> ໃຊ້ຜ່ານ WINE ຫຼືໃຊ້ Transmission
ມື້ນີ້ຄຶດອອກເທົ່ານີ້ ຕອນໃຊ້ແທ້ ໆ ໜ້າຈະມີບັນຫາຫຼາຍຢ່າງ ແຕ່ວ່າ ທີ່ແນ່ ໆ ແມ່ນບໍ່ມັກ font rendering ໃນ Ubuntu ມັນບໍ່ຖືກໃຈປານໃດ ພໍດີໄປເຫັນ Fonts like Mac ສົງໄສຊິໃຊ້ອັນນີ້
ດຽວມື້ອື່ນວ່າກັນ (ຖ້າທັນ)
Required Install Media
Posted on January 22, 2009, under ຂອງແປກ, ເທັກໂນໂລຢີ.
i saw this from my friend’s tweet
24 discs o.O
and image from http://kanarip.fedorapeople.org/Fedora-9-Everything-Spin-CD.png
.htaccess ທີ່ສ້າງບັນຫາ
Posted on December 20, 2008, under ເທັກໂນໂລຢີ.
ກ່ອນໜ້ານີ້ສາມສີ່ມື້ ພັນລາວປະກົດວ່າມີ high load ຂຶ້ນສູງຫຼາຍ ສູງຈົນຮອດ load avg 400 ເລີຍ ເປັນເຫດໃຫ້ service ຕ່າງ ໆ ເຮັດວຽກບໍ່ໄດ້ ລົ້ມໄປໃນທີ່ສຸດ
ພະຍາຍາມຫາສາເຫດ ໃນເບື້ອງຕົ້ນຄຶດວ່າເປັນນຳຕົວເວັບເອງທີ່ມີບັນຫາ ກໍ່ໄລ່ຫາສາເຫດຢູ່ຫຼາຍມື້ ບໍ່ວ່າຈະເປັນສ່ວນຂອງ module ຕ່າງ ໆ ຈັດການຮື້ຂຶ້ນໃໝ່ໝົດ ປິດການໃຊ້ງານຈົນໝົດ ກໍ່ຍັງບໍ່ຊ່ວຍຫຍັງ ອັດຕາ load avg ຍັງສູງຜິດປົກກະຕິ ຈົນເອົາໄປຝັນຢູ່ຫຼາຍຄືນ ນອນບໍ່ໄດ້ ນອນແລ້ວໃຈມັນຫ່ວງ server ລົ້ມແນ່ ໆ …
ຈົນຮອດມື້ເຊົ້ານີ້ ຄຶດອອກວ່າ .htaccess ນີ້ໃຫຍ່ແປກ ໆ ໃຫຍ່ເກີນຂະໜາດ ບາງທີມັນອາດຈະເປັນສາເຫດກໍ່ໄດ້ ຕອນນັ້ນເອງຄຶດຄັດຄ້ານໃນໃຈວ່າ ບໍ່ໜ້າຈະເປັນໄປໄດ້ ເພາະກ່ອນໜ້ານີ້ກໍ່ຍັງບໍ່ເປັນຫຍັງ… ແຕ່ກໍ່ລອງເບິ່ງ ປະກົດວ່າ load avg ຕ່ຳຕິດດິນທັນທີ ປະມານ 0.xx ເທົ່ານັ້ນ ເປັນອັນວ່າ ສາມາດແກ້ໄຂບັນຫາໄດ້ໃນທີ່ສຸດ (ຫຼັງຈາກລອງວິທີທີ່ຍາກທີ່ສຸດໄປແລ້ວ)
ເທບບບບບ = =a
Secret.exe
Posted on November 16, 2008, under ເທັກໂນໂລຢີ.
ໝູ່ສຸດທີ່ຮັກ TINO ເອົາ USB Drive ມາສົ່ງຄືນ ພ້ອມກັບຂອງຂວັນທີ່ບໍ່ປາຖະໜາ ຮອບທຳອິດ ໄປຮຽບຮ້ອຍ ກາຍເປັນຕິດໄວຣັດແມ່ນຫຍັງຈັກຢ່າງ ເປັນຊື່ csrss.exe ຮອບນີ້ເອົາອີກແລ້ວ ເພາະຮອບກ່ອນຫຼັງຈາກກູ້ລະບົບໄດ້ແລ້ວກໍ່ບໍ່ໄດ້ໃຊ້ USB Drive ນັ້ນອີກ ພໍດີມື້ນີ້ມາລອງໃໝ່ ຍັງເຫັນຢູ່ອີກ -*-
ສັງເກດຄັ້ງທຳອິດ ຄລິກຂວາກ່ອນ ວ່າມີຫຍັງຜິດປົກກະຕິບໍ່
ບ່ອນທີ່ເປັນ Default selection ທີ່ເປັນໂຕໜາ ອັນນັ້ນປົກກະຕິຕ້ອງເປັນ Open ບໍ່ແມ່ນ 0pen (ເລກ 0 ແທນ O ໃນພາສາອັງກິດ) ສະແດງວ່າມັນພະຍາຍາມຕົວະໃຫ້ເຂົ້າໃຈຜິດວ່າແມ່ນເປີດ ກໍ່ເລີຍບໍ່ເປີດ ໄປເປີດ cmd.exe ແທນ
ໃນໜ້າຈໍ cmd ພິມ G: ແລ້ວ Enter ເພື່ອເຂົ້າໄປໃນ G:\ ຈາກນັ້ນພິມ dir /a ເພື່ອສະແດງໄຟລ໌ທັງໝົດ ປະກົດເຫັນ Secret.exe ແລະ AutoRun.inf ກໍ່ຈັດການ attrib AutoRun.inf -r -s -h ເພື່ອປິດ Read-Only, System ແລະ Hidden ອອກ ມັນຈຶ່ງລຶບໄດ້ ແລ້ວກໍ່ attrib Secret.exe -r -s -h ຈາກນັ້ນ del AutoRun.inf ແລະ del Secret.exe ເພື່ອລຶບອອກ
ຈົບຂັ້ນຕອນແລ້ວຈັດການ Safe remove ແລ້ວສຽບໃໝ່ ກໍ່ບໍ່ປະກົດ 0pen ແລ້ວ 
ຄວາມປະຫຼາດຂອງ DirectAdmin… (ພາກຕໍ່)
Posted on November 8, 2008, under ເທັກໂນໂລຢີ.
ຈື່ໄດ້ວ່າກ່ອນໜ້ານີ້ເຄີຍເວົ້າເລື່ອງຄວາມແປະປະຫຼາດຂອງ DirectAdmin CP ມາແລ້ວ ງວດນີ້ກໍ່ອີກຄັ້ງໜຶ່ງ ພົບບັນຫາວ່າ ຫຼັງຈາກທີ່ປ່ຽນ IP ແລ້ວ ກາຍເປັນວ່າຂຶ້ນ
This IP is being shared among many domains.
ເຊິ່ງພໍເຂົ້າຜ່ານທາງ Proxy ລະວ່າໄດ້ ກໍ່ເລີຍຄິດວ່າອາດຈະເປັນຍ້ອນ DNS ບໍ່ອັບເດດ ມັນອາດຈະໄປເຫັນ IP ເກົ່າ ກໍ່ສັ່ງ ipconfig /flushdns ແລະ ipconfig /registerdns ແລ້ວກໍ່ໄດ້ IP ຂອງ domain ນັ້ນເປັນ IP ທີ່ປ່ຽນໃໝ່ ຖືວ່າ DNS ບໍ່ມີບັນຫາແລ້ວ ແຕ່ກໍ່ຍັງເຂົ້າໄປພົບວ່າ This Ip is being shared among many domains ຄືເກົ່າ…
ໄປອ່ານພົບໃນກະທູ້ນີ້ວ່າ ຕ້ອງແກ້ໄຟລ໌ ips.conf ເຊິ່ງຢູ່ທີ່ /etc/httpd/conf/ips.conf ຈັດການເພີ່ມ entry ຂອງ IP ພ້ອມລະບຸ path ໃຫ້ຮຽບຮ້ອຍ ຈາກນັ້ນສັ່ງ service httpd restart ແລ້ວລອງເຂົ້າເບິ່ງ ກໍ່ເປັນອັນເຂົ້າໄດ້ຕາມປົກກະຕິໂດຍບໍ່ຕ້ອງໃຊ້ proxy
ອືມ.. DA… ປະຫຼາດດີແທ້
0x000000A8
Posted on October 30, 2008, under ເທັກໂນໂລຢີ.
| A problem has been detected and Windows has been shut down to prevent damage to your computer.
The system is booting in safemode – Minimal Services Technical Information: *** STOP: 0x000000A8 Beginning dump of physical memory Physical memory dump complete. Contact your system administrator or technical support group for further assistance. |
ບັນຫາໃນ LaoBB.com
Posted on October 23, 2008, under ເທັກໂນໂລຢີ.
ວ່າໄປແລ້ວເລື່ອງເຮັດເວັບມັນກໍ່ມີແນວເຈັບຫົວໄດ້ທຸກມື້ ດຽວໄດ້ອັນໜຶ່ງດຽວເສຍອັນໜຶ່ງ. ບັນຫາທີ່ໜ້າເຈັບຫົວທີ່ສຸດແມ່ນການວາງພື້ນຖານບໍ່ດີ. ຫາກວ່າຖານມັນບໍ່ດີແລ້ວຍ່ອມຈະຮອງຮັບນ້ຳໜັກໄດ້ບໍ່ດີໄປນຳ ເປັນ logical ງ່າຍ ໆ ທີ່ໃຊ້ໄດ້ສະເໝີ. ການຈະແກ້ໄຂບັນຫາເມື່ອມັນເກີດແລ້ວຍ່ອມເປັນເລື່ອງທີ່ເປັນໄປໄດ້ ແຕ່ມັນເປັນເລື່ອງທີ່ສ້າງຄວາມເຈັບຫົວໄດ້ເປັນຢ່າງດີ.
ລືມລະຫັດຜ່ານ Windows?
Posted on October 14, 2008, under ເທັກໂນໂລຢີ.
Google ຮູ້ພາສາລາວ
Posted on October 7, 2008, under ເທັກໂນໂລຢີ.
ເວລາເຮັດ SEO ສຳລັບເວັບພາສາລາວ ມັກຈະຄິດວ່າຕ້ອງຂຽນ keyword ໃຫ້ຄອບຄຸມ ເພາະໃນພາສາລາວມີພະຍັນຊະນະປະສົມເຊັ່ນ ຄຳວ່າ “ໝາ” ສາມາດສະກົດເປັນ “ຫມາ” ໄດ້ນຳ ກໍ່ຄິດລຳບາກໃຈວ່າ ຕ້ອງໃຊ້ທັງສອງຄຳ ເພື່ອໃນກໍລະນີທີ່ມີຄົນຊອກຫາ keyword ນີ້ຜ່ານ search engine ຈະໄດ້ດັກໄວ້ທັງ “ຫມາ” ແລະ “ໝາ”
ບັງເອີນວ່າ ມື້ນີ້ມີໂອກາດ search ຫາກ່ຽວກັບໝາ ກໍ່ເລີຍໃຊ້ kw ວ່າ “ໝາ” ແຕ່ບໍ່ພົບເວັບທີ່ຕ້ອງການ ກໍ່ເລີຍປ່ຽນໄປໃຊ້ຄຳວ່າ “ຫມາ” ປະກົດວ່າ ໃຫ້ຜົນການຊອກຫາດຽວກັນ!
ສັງເກດບ່ອນທີ່ຂີດກ້ອງສີແດງ ຈະເຫັນວ່າ Google ສາມາດຊອກໄດ້ທັງຄຳວ່າ “ຫມາ” ແລະ “ໝາ” ເພາະມັນຮູ້ວ່າ ໝາຍເຖິງສິ່ງດຽວກັນ!
