ຄວາມປະຫຼາດຂອງ DirectAdmin… (ພາກຕໍ່)

ຂຽນເມື່ອ November 8, 2008, ໃນຫມວດ ເທັກໂນໂລຢີ. (ອ່ານ 1,686 ຄັ້ງ)

ຈື່ໄດ້ວ່າກ່ອນໜ້ານີ້ເຄີຍເວົ້າເລື່ອງຄວາມແປະປະຫຼາດຂອງ DirectAdmin CP ມາແລ້ວ ງວດນີ້ກໍ່ອີກຄັ້ງໜຶ່ງ ພົບບັນຫາວ່າ ຫຼັງຈາກທີ່ປ່ຽນ IP ແລ້ວ ກາຍເປັນວ່າຂຶ້ນ

This IP is being shared among many domains.

ເຊິ່ງພໍເຂົ້າຜ່ານທາງ Proxy ລະວ່າໄດ້ ກໍ່ເລີຍຄິດວ່າອາດຈະເປັນຍ້ອນ DNS ບໍ່ອັບເດດ ມັນອາດຈະໄປເຫັນ IP ເກົ່າ ກໍ່ສັ່ງ ipconfig /flushdns ແລະ ipconfig /registerdns ແລ້ວກໍ່ໄດ້ IP ຂອງ domain ນັ້ນເປັນ IP ທີ່ປ່ຽນໃໝ່ ຖືວ່າ DNS ບໍ່ມີບັນຫາແລ້ວ ແຕ່ກໍ່ຍັງເຂົ້າໄປພົບວ່າ This Ip is being shared among many domains ຄືເກົ່າ…

ໄປອ່ານພົບໃນກະທູ້ນີ້ວ່າ ຕ້ອງແກ້ໄຟລ໌ ips.conf ເຊິ່ງຢູ່ທີ່ /etc/httpd/conf/ips.conf ຈັດການເພີ່ມ entry ຂອງ IP ພ້ອມລະບຸ path ໃຫ້ຮຽບຮ້ອຍ ຈາກນັ້ນສັ່ງ service httpd restart ແລ້ວລອງເຂົ້າເບິ່ງ ກໍ່ເປັນອັນເຂົ້າໄດ້ຕາມປົກກະຕິໂດຍບໍ່ຕ້ອງໃຊ້ proxy

ອືມ.. DA… ປະຫຼາດດີແທ້

Tags: , ,

0x000000A8

ຂຽນເມື່ອ October 30, 2008, ໃນຫມວດ ເທັກໂນໂລຢີ. (ອ່ານ 1,021 ຄັ້ງ)

A problem has been detected and Windows has been shut down to prevent damage to your computer.

The system is booting in safemode – Minimal Services

Technical Information:

*** STOP: 0x000000A8

Beginning dump of physical memory

Physical memory dump complete.

Contact your system administrator or technical support group for further

assistance.

Tags: , , ,

ຍຸບພັນລາວ

ຂຽນເມື່ອ October 27, 2008, ໃນຫມວດ ພັນລາວ. (ອ່ານ 2,487 ຄັ້ງ)

ຖ້າມື້ໃດໝີເຊົາມັກເກມ FPS, ບູ້ເຊົາຫຼິ້ນ 3ds max, ອາລຸນເຊົານິຍົມ security, ໂອ້ດໝົດຮັກທີ່ມີຕໍ່ທິບ, ແອເສື່ອມຄວາມຫຼົງກັບການແຕ້ມ, ທິບໝົດສັດທາໃນ OpenSource, ເບີດເຊົາຮັກສາວແວ່ນ ແລະໂຍເຊົາຈີບມີ່ ມື້ນັ້ນນິນນີ່ຈະຍຸບພັນລາວ

Tags: , , ,

ຈົນລືມ… AdSense

ຂຽນເມື່ອ October 27, 2008, ໃນຫມວດ ຝອຍໃຫ້ຟັງ. (ອ່ານ 2,735 ຄັ້ງ)

ມື້ນີ້ໝູ່ຢູ່ໄປສະນີໂທຫາຕອນສິບໂມງເຊົ້າ ຖາມວ່າ ນິນນີ່ ລະຫັດ error ບລາ ໆໆ ເອີ… ແລ້ວກໍ່ມີຈົດໝາຍສົ່ງມາຫາ ມາຈາກສະວີເດັນ -*- ຟັງແລ້ວງົງ ສະວີເດັນບໍ່ຮູ້ຈັກໃຜຊິສົ່ງມາເຮັດຫຍັງ ກໍ່ເລີຍວ່າ ດຽວເລີກການຕອນສວາຍລະແວ່ເອົາມາໃຫ້ແດ່ ກໍ່ໂອເຄຕາມນັ້ນ…

(more…)

Tags: , , ,

ໃບບີນຕັ້ງໂຕະ

ຂຽນເມື່ອ October 25, 2008, ໃນຫມວດ ຝອຍໃຫ້ຟັງ. (ອ່ານ 1,377 ຄັ້ງ)

ກັອບມາຈາກ http://www.bill.laotel.com/about/d_pstn.htm ເກັບໄວ້ອາດໄດ້ reference ໃນພາຍໜ້າ 😛
ໃບບີນໂທລະສັບແບບຕັ້ງໂຕະ,
ການພີມໃບບີນແມ່ນແບ່ງອອກເປັນ 3 ງວດຄື: ງວດທີ່ 1, ງວດທີ່ 2, ງວດທີ່ 3 ຊື່ງແຕ່ລະງວດມີລາຍ ລະອຽດດັ່ງນີ້:
>>ງວດທີ່1: ການພີມບີນງວດນີ້ແມ່ນຈະພີມທຸກໆວັນທີ່ 10 ຂອງເດືອນ, ແຕ່ການຄຳນວນມູນຄ່າຈະຄຳ ນວນຂໍ້ມູນຈາກວັນທີ່ 11 ຂອງເດືອນກ່ອນໜ້າຫາວັນທີ່ 10 ຂອງເດືອນນີ້.
ຕົວຢ່າງ: ໃບບີນຂອງເດືອນ 02/2005 ຕ້ອງພີມວັນທີ່ 10/02/2005, ແຕ່ຂໍ້ມູນນຳມາຄິດໄລ່ແມ່ນນັບຈາກ ວັນທີ່: 11/01/2005 ຫາ 10/02/2005.
> ເບີໂທລະສັບທີ່ຈະພີມປະຈຳງວດທີ່ 1 ມີດັ່ງນີ້:
– ນະຄອນຫຼວງວຽງຈັນ: ເບີໂທທີ່ຂື້ນຕົ້ນດ້ວຍ 31,32,35,36,81 ແລະ 83
– ຕ່າງແຂວງ: ບໍລິຄຳໄຊ, ຄຳມ່ວນ, ສະຫວັນນະເຂດ, ຈຳປາສັກ, ສາລະວັນ, ເຊກອງ ແລະ ອັດຕະປື >>ງວດທີ່2: ການພີມບີນງວດນີ້ແມ່ນຈະພີມທຸກໆວັນທີ່ 20 ຂອງເດືອນ, ແຕ່ການຄຳນວນມູນຄ່າຈະຄຳ ນວນຂໍ້ມູນຈາກວັນທີ່ 21 ຂອງເດືອນກ່ອນໜ້າຫາວັນທີ່ 20 ຂອງເດືອນນີ້. ຕົວຢ່າງ: ໃບບີນຂອງເດືອນ 02/2005 ຕ້ອງພີມວັນທີ່ 20/02/2005, ແຕ່ຂໍ້ມູນນຳມາຄິດໄລ່ແມ່ນນັບຈາກວັນທີ່: 21/01/2005 ຫາ 20/02/2005.
> ເບີໂທລະສັບທີ່ຈະພີມປະຈຳງວດທີ່ 2 ມີດັ່ງນີ້:
– ນະຄອນຫຼວງວຽງຈັນ: ເບີໂທທີ່ຂື້ນຕົ້ນດ້ວຍ 41,45,46,56,71,73,75 ແລະ 77
– ຕ່າງແຂວງ: ແຂວງວຽງຈັນ, ຊຽງຂວາງ, ຫົວພັນ, ຫຼວງພະບາງ, ໄຊຍະບູລີ, ອຸດົມໄຊ, ບໍ່ແກ້ວ, ຫຼວງນຳ້ທາ ແລະ ຜົ້ງສາລີ
>>ງວດທີ່3: ການພີມບີນງວດນີ້ແມ່ນຈະພີມທຸກໆວັນທີ່ສຸດທ້າຍຂອງເດືອນ, ການຄຳນວນມູນຄ່າຈະຄຳ ນວນຂໍ້ມູນຈາກວັນທີ່ 01 ຂອງເດືອນຫາວັນທີ່ສຸດທ້າຍຂອງເດືອນນັ້ນ.
ຕົວຢ່າງ: ໃບບີນຂອງເດືອນ 02/2005 ຕ້ອງພີມວັນທີ່ 28/02/2005, ຂໍ້ມູນນຳມາຄິດໄລ່ແມ່ນນັບຈາກວັນ ທີ່: 01/02/2005 ຫາ 28/02/2005.
> ເບີໂທລະສັບທີ່ຈະພີມປະຈຳງວດທີ່ 3 ມີດັ່ງນີ້:
– ນະຄອນຫຼວງວຽງຈັນ: ເບີໂທທີ່ຂື້ນຕົ້ນດ້ວຍ 21,22,24,25,51,54,55,61,63,67 ແລະ 86
– ຕ່າງແຂວງ:

Tags: ,

ບັນຫາໃນ LaoBB.com

ຂຽນເມື່ອ October 23, 2008, ໃນຫມວດ ເທັກໂນໂລຢີ. (ອ່ານ 1,849 ຄັ້ງ)

ວ່າໄປແລ້ວເລື່ອງເຮັດເວັບມັນກໍ່ມີແນວເຈັບຫົວໄດ້ທຸກມື້ ດຽວໄດ້ອັນໜຶ່ງດຽວເສຍອັນໜຶ່ງ. ບັນຫາທີ່ໜ້າເຈັບຫົວທີ່ສຸດແມ່ນການວາງພື້ນຖານບໍ່ດີ. ຫາກວ່າຖານມັນບໍ່ດີແລ້ວຍ່ອມຈະຮອງຮັບນ້ຳໜັກໄດ້ບໍ່ດີໄປນຳ ເປັນ logical ງ່າຍ ໆ ທີ່ໃຊ້ໄດ້ສະເໝີ. ການຈະແກ້ໄຂບັນຫາເມື່ອມັນເກີດແລ້ວຍ່ອມເປັນເລື່ອງທີ່ເປັນໄປໄດ້ ແຕ່ມັນເປັນເລື່ອງທີ່ສ້າງຄວາມເຈັບຫົວໄດ້ເປັນຢ່າງດີ.

(more…)

Tags: , , , , , , , ,

ລາວໂທລະຄົມ semi-auto

ຂຽນເມື່ອ October 21, 2008, ໃນຫມວດ ຂອງແປກ. (ອ່ານ 1,664 ຄັ້ງ)

ບ໊ະ… ລາວໂທລະຄົມໂທມາ ຖາມວ່າ ນີ້ແມ່ນເບີ 5x8x57x ບໍ່?

ຕອບວ່າແມ່ນແລ້ວ

ແລ້ວເຂົາກໍ່ບອກວ່າ ເບີຂອງທ່ານຈະໝົດອາຍຸການນຳໃຊ້ພາຍໃນມື້ນີ້ ກະລຸນາຕໍ່ອາຍຸ ບໍ່ດັ່ງນັ້ນຈະຖືກງົດການໃຊ້ບໍລິການ
ຂໍລົບກວນພຽງເທົ່ານີ້ ຂໍຂອບໃຈ (ເວົ້າສຽງແບບລະບົບອັດຕະໂນມັດ)

ແລ້ວກໍ່ວາງສາຍ -*-

ປະຫຼາດ ທຳມະດາບໍ່ປານນີ້ນາ…

Tags: , , ,

ລືມລະຫັດຜ່ານ Windows?

ຂຽນເມື່ອ October 14, 2008, ໃນຫມວດ ເທັກໂນໂລຢີ. (ອ່ານ 1,402 ຄັ້ງ)

ລືມລະຫັດຜ່ານ?

Tags: , , ,

ຈົດໝາຍຖາມຫາຂ່າວ…ຈາກເວັບຫື່ນ…

ຂຽນເມື່ອ October 13, 2008, ໃນຫມວດ ຝອຍໃຫ້ຟັງ. (ອ່ານ 1,439 ຄັ້ງ)

ຫື່ນ

ບໍ່ຢາກເຂົ້າ ກໍ່ຍັງສົ່ງມາເຊີນໃຫ້ເຂົ້າ ໂອ… ຕາຍຄັກ ໆ ບາດນີ້ 😛

Tags: , ,

ເມື່ອຂ້າພະເຈົ້າປ່ຽນເງິນ…

ຂຽນເມື່ອ October 10, 2008, ໃນຫມວດ ຝອຍໃຫ້ຟັງ. (ອ່ານ 1,259 ຄັ້ງ)

ດ້ວຍຄວາມບັງເອີນ ເຮັດໃຫ້ຕ້ອງມາຢູ່ບ່ອນປ່ຽນເງິນ ເຊິ່ງກໍ່ເປັນເລື່ອງທີ່ບໍ່ເໝາະປານໃດ ເນື່ອງຈາກແຕ່ເດັກແຕ່ນ້ອຍມາເປັນຄົນໄລ່ເລກຊ້າ ຄຳນວນບໍ່ເກັ່ງ.

ມີມື້ໜຶ່ງ ມີແຂກສອງຄົນມາປ່ຽນເງິນ ເຂົາຊິເອົາເງິນກີບມາປ່ຽນໂດລາ ເຊິ່ງປົກກະຕິແລ້ວ ບໍ່ມີໃຜໃຫ້ປ່ຽນ ທະນາຄານກໍ່ບໍ່ປ່ຽນໃຫ້ ພວກຫ້າງຮ້ານລະແວກນີ້ກໍ່ບໍ່ມີໃຜປ່ຽນໃຫ້ ກໍ່ມີແຕ່ເມຍເຮົານີ້ລະທີ່ຮັບປ່ຽນ ແລ້ວກໍ່ບໍ່ບອກອັດຕາແລກປ່ຽນໃຫ້ເຮົາຮູ້ອີກ. ມື້ນັ້ນແຂກສອງຄົນມາຮອດ ຊາຍໜຶ່ງ ຍິງໜຶ່ງ ເຂົາບອກວ່າ ຊິເອົາເງິນກີບມາຊື້ໂດລາ — ເຂົາບອກວ່າຊົ່ວໂມງແລ້ວເຂົາມາປ່ຽນເທື່ອໜຶ່ງ. ຕອນນັ້ນຟັງກໍ່ຮູ້ແລ້ວວ່າ ສອງຄົນນີ້ເປັນພວກຂີ້ຕົວະ ເພາະເຮົານັ່ງເຝົ້າມາສາມຊົ່ວໂມງ ບໍ່ໄດ້ຂາຍໂດລ່າໃຫ້ໃຜ.

ລົມກັນໄປລົມກັນມາ ເພິ່ນບອກ ປະມານຕອນ 8 ໂມງເພິ່ນມາເທື່ອໜຶ່ງ ເຊິ່ງເວລານັ້ນແມ່ນປະມານ 9 ປາຍໜ້ອຍໜຶ່ງ ແລະເຮົານັ່ງເຝົ້າບ່ອນປ່ຽນເງິນມາ 3 ຊົ່ວໂມງແລ້ວ ຈຶ່ງຮູ້ໄດ້ວ່າພວກນີ້ນິໄສໃຈຄໍເຊື່ອຖືບໍ່ໄດ້. ລາວກໍ່ບອກວ່າລາວມາປ່ຽນກ່ອນໜ້ານີ້ແມ່ນຜູ້ຍິງປ່ຽນໃຫ້ ໄລ່ອັດຕາ 8590 ກີບຕໍ່ 1 ໂດລາ ລາວຢາກປ່ຽນ 600,000 ກີບ ຕົກຢູ່ $69 ແຕ່ຕົວເລກຢູ່ແຜງໜ້າປັດເຄື່ອງຄິດໄລ່ມັນມີແນວມາບັງ ເຮັດໃຫ້ເຫັນເປັນ $59 ເພິ່ນເລີຍຄິດວ່າແມ່ນ $59 ເຮົາກໍ່ຊອກມາປ່ຽນໃຫ້.

ຕອນປ່ຽນ ມັນເລກເສດ 600,000 ຫານ 5890 ໄດ້ $59.84 ມັນບອກ (ທີ່ຈິງໄດ້ $69.84 ແຕ່ເພາະເລກ 6 ຖືກບັງໄວ້ ໃຫ້ຄິດວ່າເປັນເລກ 5) ໃຫ້ໄລ່ເປັນ $60 ເລີຍ ເຮົາກໍ່ບໍ່ໄດ້ເວົ້າຫຍັງ ຕອນນັ້ນກໍ່ຄິດວ່າແມ່ນ $60 ກໍ່ໄປເອົາເງິນມາປ່ຽນໃຫ້. ໄລ່ໄປໄລ່ມາ ເຮົາລະສົງໄສ ເພາະມັນໄລ່ກັບຄືນແລ້ວບໍ່ຖືກຕາມອັດຕາຂອງມັນ (ເພາະວ່າຄວາມຈິງແມ່ນ $69.84 ແຕ່ໄປໄລ່ $59.84) ເຮົາໄລ່ໄປມາກໍ່ຈຶ່ງຮູ້ວ່າ ຕົວເລກມັນຜິດ ເລີຍເອົາໃຫ້ $69 ກັບອີກ 2500 ກີບ. ແຂກເອົາໄປໄລ່ແລ້ວ ມັນຖາມວ່າ 2500 ກີບນີ້ມາຈາກໃສ ເຮົາບໍ່ໄດ້ຕອບຫຍັງ ພຽງແຕ່ເອົາຈັກຄິດໄລ່ ໄລ່ໃຫ້ເບິ່ງວ່າເປັນເສດເງິນ $0.84 (ເຊິ່ງຈັກຄິດໄລ່ມັນພັດໄປປັດເສດ ເຮັດໃຫ້ເຫັນເປັນ 2500 ແທນທີ່ຊິເປັນ 7500 ປາຍ) ຕອນນັ້ນແຂກດີໃຈ ເພາະທຳອິດລາວຄິດວ່າຊິໄດ້ $59 ແຕ່ເຮົາໄປໃຫ້ $69 ເພິ່ນຮີບເກັບເງິນແລ້ວຍ່າງອອກໄປ… ສົງໄສຄິດວ່າເຮົາໄລ່ເລກໃຫ້ຜິດ.

ເລື່ອງນີ້ຕອກຢ້ຳຂ້າພະເຈົ້າວ່າ ຄົນຂາວພວກນີ້ ກໍ່ບໍ່ຕ່າງຫຍັງກັບຄົນທົ່ວໄປ ເວລາມາເຮັດບ່ອນປ່ຽນເງິນແນວນີ້ ໄດ້ພົບກັບລູກຄ້າທີ່ມີນິໄສແບບນີ້ປະຈຳ ບາງທີກໍ່ເຮັດໃຫ້ເກີດຄວາມເມື່ອຍໃຈ ທີ່ຄົນດີ ໆ ຊອກຍາກຫຼາຍໃນສັງຄົມປັດຈຸບັນ…

Tags: , , , ,