ປະສົບການກັບ DHL
Posted on June 4, 2009, under ຝອຍໃຫ້ຟັງ.
ດັ່ງທີ່ຮູ້ວ່າ ຂ້າພະເຈົ້າມັກຈະໄດ້ຮັບເຄື່ອງຈາກຕ່າງປະເທດຢູ່ເລື້ອຍ ໆ ບໍ່ວ່າຈະເປັນຈົດໝາຍ, ເຄື່ອງຝາກ, ສິນຄ້າ, ຫຼືແມ່ນແຕ່ check ຈາກ Google ເປັນຕົ້ນ. ບໍລິການສົ່ງທີ່ມັກໃຊ້ກໍຈະມີຕັ້ງແຕ່ USPS, Parcelforce, UPS, DHL, Fedex, ຫຼືແມ່ນແຕ່ EMS ແລະສົ່ງແບບທຳມະດາ ດັ່ງນັ້ນຈຶ່ງມີປະສົບການກັບບໍລິສັດຕ່າງ ໆ ຫຼາຍ ມື້ນີ້ມາເວົ້າເຖິງ DHL
ຄວາມຈິງໄດ້ຮັບເຄື່ອງຈາກ DHL ຫຼາຍຄັ້ງຫຼາຍຄາວ ສ່ວນຫຼາຍຈະເປັນ check ຂອງ Google ເພາະຖ້າໃຫ້ສົ່ງມາແບບທຳມະດາມັນຈະໃຊ້ເວລາເປັນເດືອນ ກໍໃກ້ໝົດອາຍຸ ໄປຂຶ້ນເງິນຍາກ ທະນາຄານບໍ່ຮັບ ຈຶ່ງໃຫ້ສົ່ງດ່ວນມາທາງ DHL ໃຊ້ເວລາບໍ່ຮອດອາທິດກໍຮອດແລ້ວ ສະດວກ ວ່ອງໄວ ຄຸນນະພາບດີ ແຕ່ລາຄາແພງ.
ມື້ນີ້ໄດ້ຮັບໂທລະສັບຈາກ DHL ໂທມາຖາມວ່າ ເບີຄົນຊື່ .. ແມ່ນບໍ່ ຕອບວ່າ ແມ່ນ ແລ້ວກໍບອກວ່າ ມີເຄື່ອງສົ່ງມາທາງ DHL ເປັນຈົດໝາຍສົ່ງມາຈາກ … ຕອນນີ້ເຈົ້າຢູ່ບ່ອນນັ້ນບ່ອນນີ້ບໍ ຊິໃຫ້ຕົວແທນໄປສົ່ງໃຫ້ມື້ນີ້ເດີ ແລ້ວກໍວາງສາຍຢ່າງສຸພາບ … ບໍ່ໄດ້ຖາມຄ່າໃຊ້ຈ່າຍເພີ່ມເຕີມໃດ ໆ ອີກ ບໍ່ຄືບາງບໍລິສັດ.
DHL
ຫຼັງຈາກທີ່ check ງວດກ່ອນໜ້ານີ້ (ອ່ານຕອນທີ່ແລ້ວ) ກໍ່ເປັນອັນວ່າຕ້ອງໃຫ້ສົ່ງມາແບບ Express delivery ແທນ ເສຍຄ່າທຳນຽມໃນການສົ່ງ $28 ທາງ AdSense ລະບຸວ່າຈະຮອດປະມານວັນທີ່ 5 ຂອງເດືອນຖັດມາ (check issue date ວັນທີ່ 26) ແຕ່ພໍດີວ່າວັນທີ່ 6-7 ແມ່ນວັນເສົາອາທິດ ກໍ່ເລີຍມາຮອດວັນທີ່ 8 ແທນ ຖືວ່າໄວຫຼາຍ
ສົ່ງໂດຍ DHL…
