ແວະມາບອກວ່າ ຕອນນີ້ເປີດທົດສອບ au8ust’s community ເຊິ່ງເປັນເວບບອຣ໌ດໃຫມ່ ຢາກໃຫ້ທຸກຄົນລອງໄປໃຊ້ງານກັນເບິ່ງ
ກົດເລີຍ > http://community.au8ust.org/
Technorati Tags: community, au8ust, au8ust.org, nin, nxn, ນິນ, ເວບບອຣ໌ດ, ເວບບອດ, ຖາມຕອບ, ຕອບຖາມ, ກະດານຂ່າວ

ພໍດີໄປອ່ານມາ ເຫັນວ່າຫນ້າສົນໃຈດີ ຢາກໃຫ້ຄົນສົນໃຈໄດ້ໄປອ່ານເບິ່ງ ກ່ຽວກັບວິທີການສະແດງຜົນຂອງຟອນຕ໌ໃນລະບົບປະຕິບັດການ Windows ແລະ Mac

ຄລິກອ່ານໄດ້ທີ່ http://www.thaimacdev.com/node/473
Technorati Tags: mac os x, windows, fonts, cleartype, true antialias, ຟອນຕ໌, ຟອນ, ຟ້ອນ, real me, au8ust

ມື້ກ່ອນຂະນະທີ່ກຳລັງຊອກຫາເວບໄຊຕ໌ສຳຫລັບສົ່ງຂໍ້ຄວາມ SMS ທົ່ວໂລກຢູ່ນັ້ນ ບັງເອີນໄດ້ໄປພົບກັບເວບໄຊຕ໌ແຫ່ງຫນຶ່ງ ທີ່ຄາດວ່າ ຫນ້າຈະສົ່ງໄດ້ ແຕ່ວ່າເພິ່ນໃຫ້ລົງທະບຽນເປັນສະມາຊິກກ່ອນ ກໍ່ເລີຍດຳເນີນການໄປຕາມຂັ້ນຕອນ
ພໍໃສ່ຊື່ ໃສ່ເບີໂທ ໃສ່ນັ້ນນີ້ຄົບຖ້ວນແລ້ວ ກໍ່ເລື່ອນມາລຸ່ມສຸດ ເຂົາຈະໃຫ້ໃສ່ລະຫັດເພື່ອປ້ອງກັນ spam register ແຕ່ວ່າ ປະກົດວ່າລະບົບ Image Verification ຂອງເວບນັ້ນ ຊ່າງມາພິດສະດານເຫລືອເກີນ ນອກຈາກຈະສາມາດປ້ອງກັນ bot ແລ້ວ ຍັງປ້ອງກັນໄດ້ຮອດ human​ ອີກ!

ມື້ວານນີ້ໄຟດັບ ດັບມັນກໍ່ດັບຫມົດມື້ ດັບແຕ່ເຊົ້າຈົນຄ່ຳ ພໍໄຟມັນດັບແລ້ວກໍ່ຍາກ ເພາະວ່າໃດ ໆ ກໍ່ລ້ວນແຕ່ຕ້ອງອາໄສໄຟຟ້າ ພໍມັນບໍ່ມີໄຟຟ້າໃຊ້ກໍ່ຍາກໄປຫມົດ ຄອມກໍ່ເປີດບໍ່ໄດ້ ໂທລະສັບທີ່ມັນໃຊ້ໄຟຟ້າກໍ່ໃຊ້ບໍ່ໄດ້ ມືຖືແບັດຫມົດກໍ່ສາກບໍ່ໄດ້ ຮ້ອນກໍ່ຕ້ອງວີເອົາ ຯລຯ
ວ່າຊິຕິດຕັ້ງກ້ອງວົງຈອນປິດ ແຕ່ວ່າຍັງບໍ່ມີສາຍ ກ້ອງມັນມີ 8 ຕົວ ຕ້ອງຕິດຕັ້ງອ້ອມ ໆ ສະຖານທີ່ ລາກສາຍໄປມາ ຫນ້າຈະໃຊ້ຄວາມຍາວປະມານ 50 ແມັດ ແຕ່ວ່າໂທຖາມຢູ່ວຽງແລ້ວເພິ່ນບໍ່ວ່າ ສາຍ AV ຂະຫນາດ 2 ແມັດລາຄາ 15,000 ກີບ!! ຄິດມາແລ້ວຫນັກໃຈ ດ້ານສາຍສອງແມັດຍັງ 15 ພັນແລ້ວ ເອົາເປັນ 50 ແມັດຊິປານໃດ
ອືມ ບາງທີຕ້ອງປ່ຽນໃຊ້ສາຍ Cable ເອົາ ແຕ່ວ່າຖ້າໃຊ້ Cable ມັນຕ້ອງປ່ຽນຫົວແຈັກພ້ອມ ຕ້ອງລອງໂທໄປຖາມຢູ່ທ່າສະເດັດກ່ອນວ່າເຂົາມີຫົວແຈັກແບບ Cable ບໍ່

ພໍດີກວດເບິ່ງສະຖິຕິການເຂົ້າຊົມບລັອກ ແລ້ວໄປເຫັນມີ Referrer ມາຈາກ http://laosnet.orgfree.com/laosnet.swf ກໍ່ເອະໃຈວ່າ ອ້າວ ມາແຕ່ຫົນໃດເວບນີ້ ພໍເປີດໄປເບິ່ງກໍ່ພົບກັບ…

 
ບໍ່ແນ່ໃຈວ່າ ເຂົາເຮັດກ່ຽວກັບຫຍັງ ຖ້າໃຜສົນໃຈກໍ່ແວະໄປໄດ້ທີ່ Laosnet ເອງເດີ້ ~

ຫນຸ່ມນ້ອຍກຳລັງຈະຂ້າມຝາກໄປຫາເກາະແຫ່ງໜຶ່ງ ໂດຍອາໄສລຸງຊາວປະມົງພາຍເຮືອພາໄປ ແລະເມື່ອມາຮອດກາງທະເລນັ້ນ…
ຫນຸ່ມນ້ອຍ : ລຸງ ລຸງມີມືຖືຫຼືບໍ່? ຂ້ອຍຈະໄດ້ໂທເອີ້ນລຸງຕອນກັບ
ລຸງ : ບໍ່ມີດອກພໍ່ໜຸ່ມ ລຸງມີຫຍັງກໍ່ຍ່າງໄປຫາ ບໍ່ຕ້ອງໃຊ້ມືຖືດອກ
ຫນຸ່ມນ້ອຍ : ຕາຍ ໆ ນີ່ລຸງ ຖືວ່າຕາຍໄປແລ້ວ 25% ແລ້ວເດີ້ນີ້
…ຫນຸ່ມນ້ອຍກໍ່ລົມໂທລະສັບກາງທະເລກັບໝູ່ ແລ້ວລຸງກໍ່ພາຍເຮືອຕໍ່ໄປ…

ຫນຸ່ມນ້ອຍ : ນີ່ລຸງ ເຄີຍຫຼິ້ນເນັດບໍ່? ເຂົ້າເວບນີ້ແມະ ຂໍ້ມູນກ່ຽວກັບປາທະເລ ມີວິທີການຈັບປາ ແຫລ່ງຂາຍ ແລ້ວຄລິກດຽວກໍ່ຂາຍໄດ້ທົ່ວໂລກເລີຍ
ລຸງ : ລຸງກໍ່ຈັບພໍກິນ ຖ້າເຫລືອກໍ່ເອົາໄປຂາຍເທົ່ານັ້ນແຫລະ
ຫນຸ່ມນ້ອຍ : ຕາຍ ໆ ລຸງເຮັດວຽກແບບນີ້ຊິລວຍໄດ້ແນວໃດ ມືຖືບໍ່ມີ ຄອມບໍ່ມີ ເນັດກໍ່ບໍ່ມີ ແບບນີ້ເທົ່າກັບວ່າຕາຍໄປແລ້ວ 75%
ລຸງ : ລຸງຖາມແດ່ ລອຍນ້ຳເປັນບໍ່?
ຫນຸ່ມນ້ອຍ : ລອຍບໍ່ເປັນດອກລຸງ ໂອຍ…​ໃຜຊິເຮັດເປັນທຸກຢ່າງເດ້
ລຸງ : ລຸງວ່າໂຕຫັ້ນຊິຕາຍແນ່ ໆ 100% ເພາະຄື່ນຍັກກຳລັງມາຈາກທາງນັ້ນແລ້ວ!!!

ຈັກຊິໄດ້ເຮັດບໍ່ ເພາະຊ່ວງນີ້ມັນຈັກຈັ່ງໃດບຸ ບໍ່ຢາກເຮັດຫຍັງເທື່ອ ພໍດີຫາກໍ່ຊື້ Notebook ໃຫມ່ແດ່ ບໍ່ຢາກຈ່າຍເງິນ ກະໄວ້ວ່າ ຖ້າຈັກຫນ່ອຍເບິ່ງ ໃຫ້ມີເວລາຄິດ concept ເພີ່ມເຕີມກ່ອນດີກວ່າ ຢາກຫາຂໍ້ມູນໃຫ້ຫຼາຍກວ່ານີ້ແດ່ ກ່ອນທີ່ຈະເຮັດ

 
ຄວາມຈິງ ຕອນນີ້ສ່ຽນເພິ່ນກໍ່ກຳລັງເຮັດຢູ່ຄືກັນ ຮູ້ສຶກວ່າ ຈະໃຊ້ OBlog ເຊິ່ນເປັນ Blogware ຈາກຈີນວ່າຊັ້ນ ອືມ…ຖ້າເຮົາຊິເຮັດ ກໍ່ຄືຊີໃຊ້ WordPress Mu ຫັ້ນແຫລະ

ມື້ນີ້ໄດ້ຈັດການບັນຫາຂະໜາດຟອນຕ໌ໃນບລັອກຫລັກເປັນທີ່ຮຽບຮ້ອຍ ໂດຍການຊ່ວຍເຫລືອຈາກອ້າຍອັດ ເຊິ່ງເປັນເວບມາສເຕີຂອງ DivLand.com ເພິ່ນແນະນຳໃຫ້ເຮັດ IE-Hack ເຊິ່ງກໍ່ຊ່ວຍແກ້ບັນຫາໄດ້ຫລາຍພໍສົມຄວນ ຂະໜາດຕົວອັກສອນຖືວ່າຢູ່ໃນຂັ້ນທີ່ຍອມຮັບໄດ້ຫລາຍຂຶ້ນ
ກໍ່ຫວັງວ່າຈະສາມາດແກ້ໄຂບັນຫາ Browser ໄດ້ຫມົດໃນໄວ ໆ ນີ້

ເປີດເບິ່ງເວບນັ້ນນີ້ໄປເລື້ອຍ ຈົນໄປເຫັນເວບໜຶ່ງເຂົ້າ ເຊິ່ງເປັນເວບທີ່ໃຫ້ບໍລິການ Free Hosting ຖືເປັນລາຍເກືອບຈະທຳອິດໃນລາວເລີຍກໍ່ວ່າໄດ້ (ຫຼືອາດຈະທຳອິດເລີຍ?)
ຮູ້ສຶກວ່າຈະມີຂໍ້ກຳຫນົດເງື່ອນໄຂຕ່າງ ໆ​ ຫຼາຍພໍສົມຄວນ ສາມາດເຂົ້າໄປເບິ່ງໄດ້ໃນ laopdr.la
ປ.ລ. ອ່ານຈາກວິທີການໃຊ້ສັບພາສາແລ້ວ ໜ້າຈະເປັນລາວນອກ ອືມ…

ເດືອນນີ້ Visitors ທັງຫມົດ 915 ຄົນ ຄິດເປັນ 30.50 ຄົນຕໍ່ມື້ ແລະມີ Pageviews 1,975 ຄັ້ງ ຄິດເປັນ 65.83 ຄັ້ງຕໍ່ມື້
ກຸ່ມຄົນອ່ານຍັງຄົງມາຈາກລາວ ແລະໄທເປັນຫລັກ ແລະເດືອນເມສາປີນີ້ຄົນໃຊ້ Firefox ຫຼາຍກວ່າ IE ຕາມມາດ້ວຍ Opera
ສ່ວນ Windows ຍັງຄົງເປັນລະບົບປະຕິບັດການທີ່ຄົນໃຊ້ຫລາຍທີ່ສຸດ
ລາຍລະອຽດອື່ນ ໆ ກໍ່ເບິ່ງຕາມໃນຮູບເລີຍ ^_^
 

ສະຖິຕິການເຂົ້າໃຊ້ງານໂດຍທົ່ວໄປ