Archive for 'ບ້ານເມືອງ'
ໂຈນລັກເຄື່ອງ lol
Posted on March 11, 2008, under ບ້ານເມືອງ.
ມັນມາເບິ່ງກ່ອນ ບາດນັ້ນລະໄປເອົາແກັດມາ ສົງໄສໄປເອົາຢູ່ເຮືອນຫລັງທາງຂ້າງ ເອົາມາແລ້ວກໍ່ເອົາແກ້ວໃສ່ໃນແກັດ ແລ້ວກໍ່ຂົນໄປ lol
ເກືອບຊົນລົດຊາວບ້ານ ກັບຖືກລົດຊາວບ້ານຊົນທ້າຍ
ສະບາຍດີພໍ່ແມ່ພີ່ນ້ອງລຸງປ້ານ້າອາທີ່ຮັກແລະເຄົາລົບທຸກ ໆ ທ່ານ ມື້ນີ້ມາຝອຍໃຫ້ຟັງເລື່ອງ ພໍດີໄປເອົາເຄື່ອງຢູ່ແຖວຄິວລົດສາຍເຫນືອ ໄປທາງພູວ່າວໄປ ໄປຮອດຈຸດຫນຶ່ງ ພໍດີມີລົດປ້າຍຈີນເພິ່ນຂັບມາ ພະຍາຍາມແຊງ ແລ້ວກໍ່ແຊງຂຶ້ນໄປໄດ້ ພໍຈັກຫນ່ອຍຢູ່ ໆ ມັນກໍ່ຢຸດ ເຮົາລະເພີນ ຢຸດເກືອບບໍ່ທັນ ເກືອບຕຳທ້າຍລົດປ້າຍຈີນເພິ່ນ ເບຣກສຽງດັງແອ໊ດດດດດດດ ແຕ່ກໍ່ບໍ່ເປັນຫຍັງ ບໍ່ໄດ້ຕຳ ພຽງແຕ່ ມີຄົນຫລຽວມາເບິ່ງຫນ້າຄົນຄັບ
ຈາກນັ້ນຕອນຂາກັບ ກໍ່ກັບທາງຕະຫລາດມິດຕະພາບ ກໍ່ຂີ່ມາທຳມະດາ ຕອນນັ້ນຍັງເຊົ້າຢູ່ ປະມານແປດໂມງ ລົດກຳລັງຫລາຍ ຂັບ ໆ ມາຢູ່ ມານຳຫລັງລົດຄັນອື່ນອີກຫລາຍຄັນ ນຳກົ້ນກັນໄປ ມາຮອດໃກ້ ໆ ສາມແຍກທີ່ມີຫ້ອງການຕຳຫລວດຢູ່ ລົດຄັນທາງໜ້າເພິ່ນຢຸດ ເຮົາກໍ່ຢຸດນຳ ບາດຄັນທາງຫລັງລົດຈັກຊ້ຳພັດວ່າບໍ່ຢຸດ ຂີ່ມາຕຳກົ້ນລົດໃຫຍ່ເຮົາເສີຍເລີຍ ແລ້ວເພິ່ນກໍ່ຕົກໃຈ ແລ້ວຂີ່ແຊງໄປຕໍ່ ອ່າວ ເວນກຳ ດີແຕ່ບໍ່ເປັນຫຍັງຫລາຍ
ສໍ້ລາດບັງຫລວງ ແມ່ນທຳລາຍຊາດ
ຫ້າມຜູ້ມີຕຳແຫນ່ງ, ສິດອຳນາດ ແລະ ຫນ້າທີ່ ມີພຶດຕິກຳດັ່ງນີ້
- ຮັບເງິນ, ວັດຖຸສິ່ງຂອງ ຫລື ມີຜົນປະໂຫຍດ ອື່ນໆ ຈາກບຸກຄົນ, ການຈັດຕັ້ງທີ່ກ່ຽວພັນກັບຫນ້າທີ່ວຽກງານ ທີ່ຕົນຮັບຜິດຊອບ.
- ສ້າງຄວາມຫຍຸ້ງຍາກ, ກົດຫນ່ວງ, ຖ່ວງດຶງ, ແຊກແຊງ ໃນການແກ້ໄຂວຽກງານໃດຫນຶ່ງ ໂດຍບໍ່ແຈ້ງໃຫ້ການຈັດຕັ້ງທີ່ກ່ຽວຂ້ອງຊາບ.
- ເປີດບັນຊີເງິນຝາກ ຢູ່ນອກສປປລາວ ໂດຍບໍ່ແຈ້ງໃຫ້ການຈັດຕັ້ງທີ່ກ່ຽວຂ້ອງຊາບ.
- ເປັນທີ່ປຶກສາໃຫ້ແກ່ ວິສາຫະກິດ ເອກະຊົນ ທີ່ພົວພັນເຖິງ ສິດຕົກລົງຂອງຕົນ ເພື່ອຜົນປະໂຫຍດສ່ວນຕົວ.
- ເປັນນາຍຫນ້າໃຫ້ແກ່ບຸກຄົນຫລືການຈັດຕັ້ງ ເຊັ່ນ: ແລ່ນຄະດີ, ແລ່ນໂຄງການ, ຂໍໂຄຕ້າ.
- ໃຊ້ຖານະຕຳແຫນ່ງເພື່ອ ກູ້ຢືມເງິນຂອງສ່ວນລວມທີ່ຕົນຮັບຜິດຊອບ ໃຫ້ຜູ້ອື່ນ ຫລື ຄ້ຳປະກັນໃຫ້ຜູ້ອື່ນໄປກູ້ຢືມເງິນຢູ່ທະນາຄານ.
- ບັນຈຸ, ຊັບຊ້ອນ, ຫລືແຕ່ງຕັ້ງ ເມຍ ຫລື ຜົວ, ລູກ ຫລື ຍາດໃກ້ຊິດຂອງຕົນ ທີ່ຈະສ້າງເງື່ອນໄຂໃຫ້ມີການສໍ້ລາດບັງຫລວງ ເຊັ່ນ: ວຽກງານຈັດຕັ້ງ, ວຽກງານກວດກາ, ການເງິນ-ການບັນຊີ, ສາງ, ການຈັດຊື້-ຈັດຈ້າງ.
- ຄອບຄອງຫລືນຳໃຊ້ ເຮືອນ ຫລື ທີ່ດິນຂອງລັດ, ລວມຫມູ່ ໂດຍບໍ່ຖືກຕ້ອງ ເພື່ອຫາຜົນປະໂຫຍດໃຫ້ແກ່ຕົນເອງ, ຄອບຄົວ, ຍາດພີ່ນ້ອງ ແລະ ພັກພວກ.
- ເປີດເຜີຍຄວາມລັບຂອງລັດ ຫລື ຄວາມລັບລັດຖະການ.
- ນຳໃຊ້ເງິນ ຫລື ຊັບສົມບັດຂອງລັດ, ຂອງລວມຫມູ່ ເພື່ອສັງສັນ ຊຸມແຊວ, ເອົາເປັນຂອງຂວັນ ຫລືແບ່ງປັນໃຫ້ພະນັກງານ ຫລືບຸກຄົນອື່ນ ນອກລະບຽບກົດຫມາຍ.
- ປາບປາມ, ນາບຂູ່, ກົດຫນ່ວງຜູ້ກ່າວຟ້ອງ, ຜູ້ຕຳນິສົ່ງຂ່າວ ຜລະ ຜູ້ສະເຫນີລາຍງານຂໍ້ມູນດ້ານຫຍໍ້ທໍ້ຕ່າງໆ ກ່ຽວກັບຕົນ.
- ແອບອ້າງຊື່ສຽງ, ຖານະຕຳແຫນ່ງ, ສິດອຳນາດ, ຫນ້າທີ່ຂອງຂັ້ນເທິງ ຫລື ຂອງຜູ້ອື່ນ ເພື່ອຫາຜົນປະໂຫຍດສ່ວນຕົວ.
—————————————————————————————-
ພໍດີໄປເຫັນໃນບລັອກທ່ານພະນົມສິນ ເລີຍເອົາມາລົງນຳ ດ້ວຍໃຈຮັກຊາດ 
ມີຕອນຫນຶ່ງ ທ່ານພະນົມສິນເລົ່າໃນ comment ວ່າທ່ານໄດ້ໄປເຫັນຄຳຂວັນໃນຫ້ອງການແຫ່ງຫນຶ່ງຂຽນໄວ້ຢ່າງຫນ້າສົນໃຈວ່າ
”ການສໍ້ລາດບັງຫລວງ ແມ່ນປະກົດການ ທີ່ ຄົນຄົນດຽວເປັນຜູ້ກິນ ແຕ່ແມ່ນຫມົດທຸກຄົນເປັນຜູ້ຈ່າຍ”
ຕ້ອງຂໍຂອບໃຈບລັອກພະນົມສິນ.ຄອມ ມາ ນະ ທີ່ນີ້ນຳ
ຄວາມຊວຍອັນປະເສີດ
ມື້ວານນີ້ໄຟດັບ ດັບມັນກໍ່ດັບຫມົດມື້ ດັບແຕ່ເຊົ້າຈົນຄ່ຳ ພໍໄຟມັນດັບແລ້ວກໍ່ຍາກ ເພາະວ່າໃດ ໆ ກໍ່ລ້ວນແຕ່ຕ້ອງອາໄສໄຟຟ້າ ພໍມັນບໍ່ມີໄຟຟ້າໃຊ້ກໍ່ຍາກໄປຫມົດ ຄອມກໍ່ເປີດບໍ່ໄດ້ ໂທລະສັບທີ່ມັນໃຊ້ໄຟຟ້າກໍ່ໃຊ້ບໍ່ໄດ້ ມືຖືແບັດຫມົດກໍ່ສາກບໍ່ໄດ້ ຮ້ອນກໍ່ຕ້ອງວີເອົາ ຯລຯ
ວ່າຊິຕິດຕັ້ງກ້ອງວົງຈອນປິດ ແຕ່ວ່າຍັງບໍ່ມີສາຍ ກ້ອງມັນມີ 8 ຕົວ ຕ້ອງຕິດຕັ້ງອ້ອມ ໆ ສະຖານທີ່ ລາກສາຍໄປມາ ຫນ້າຈະໃຊ້ຄວາມຍາວປະມານ 50 ແມັດ ແຕ່ວ່າໂທຖາມຢູ່ວຽງແລ້ວເພິ່ນບໍ່ວ່າ ສາຍ AV ຂະຫນາດ 2 ແມັດລາຄາ 15,000 ກີບ!! ຄິດມາແລ້ວຫນັກໃຈ ດ້ານສາຍສອງແມັດຍັງ 15 ພັນແລ້ວ ເອົາເປັນ 50 ແມັດຊິປານໃດ
ອືມ ບາງທີຕ້ອງປ່ຽນໃຊ້ສາຍ Cable ເອົາ ແຕ່ວ່າຖ້າໃຊ້ Cable ມັນຕ້ອງປ່ຽນຫົວແຈັກພ້ອມ ຕ້ອງລອງໂທໄປຖາມຢູ່ທ່າສະເດັດກ່ອນວ່າເຂົາມີຫົວແຈັກແບບ Cable ບໍ່
ອຸດົມໄປດ້ວຍວິຕາມິນແລະແປ້ງນົວ >_
ຕອນເຊົ້າໄປຮັບຟ່າງ ແລ້ວກໍ່ໄປເລາະເບິ່ງວ່າມີຫຍັງກິນບໍ່ ເລາະໄປເລາະມາ ຕອນນັ້ນປະມານ 7 ໂມງເກືອບເຄິ່ງລະ ແຕ່ວ່າ ຍັງບໍ່ມີຮ້ານໃດເປີດເທື່ອ (ຫລວງພະບາງ) ໄປ ໆ ມາ ໆ ເລີຍກາຍໄປຮ້ານເຂົ້າປຽກເຂົ້າ ຢູ່ໃກ້ ໆ ກັບທະນາຄານພັດທະນາລາວ ກໍ່ໄປນັ່ງກິນ ທຳອິດກໍ່ລືມມມມມມມມມມມມມ ກິນໄປຈົນຫມົດ ແລ້ວກໍ່ກັບ
ພໍກັບຮອດຮ້ານ ຮູ້ສຶກເພຍ ໆ ນັ່ງໄປນັ່ງມາ ຈຶ່ງຄິດອອກວ່າ ອໍ້….!!!! ຮ້ານອັນນີ້ມັນໃສ່ແປ້ງນົວເກີນຂະໜາດແລ້ວ 555+ ເວນກຳເອີ້ຍ ຮູ້ຊີ້ບໍ່ໄປກິນຂອງມັນດີກວ່າ ເຊັງຈິດ -*-
ຟ່າງໄປນຳກໍ່ຄືຊິເມື່ອຍ ໆ ຄືກັນ ບໍ່ເຂົ້າໃຈວ່າເຂົາຊິໃສ່ຫລາຍໄປເຮັດຫຍັງ ບ້ານເຮົານິຍົມກິນແປ້ງນົວ ເຮັດຫຍັງກໍ່ຕ້ອງໃສ່ແປ້ງນົວ ຄົນບ້ານອື່ນເມືອງອື່ນມາ ເຂົາບໍ່ກິນແປ້ງນົວ ມາເຈີະກັບອາຫານບ້ານເຮົາລະເຊົາຢາກເລີຍ 555
ເຄີຍມີຄົນໄທມາ ພີ່ເຈບ ກັບພີ່ຕັ້ມ ມາ ເພິ່ນວ່າ ເມືອງລາວໃສ່ແປ້ງນົວເກີນຂະໜາດ ເຊິ່ງຟັງແລ້ວກໍ່ແທ້ ເພາະວ່າ ຕອນກິນອາດຈະດີ ແຕ່ວ່າ ຫລັງຈາກກິນແລ້ວ ມັນບໍ່ດີ ບາງຄົນມີອາການບໍ່ຖືກກັບແປ້ງນົວເຖິງຂະໜາດວ່າ ກິນແລ້ວບໍ່ມີແຮງ ຫຼືເປັນອຳມະພາດຊົ່ວຄາວເລີຍກໍ່ມີ ບາງຄົນກໍ່ກິນແລ້ວເຈັບເສັ້ນ ແມ່ນຫຍັງກໍ່ວ່າກັນໄປ ແລ້ວແຕ່ຄົນ
ໂພສຕ໌ນີ້ຈົ່ມລູກດຽວ 
Technorati Tags: ແປ້ງນົວ, ຜົງຊູລົດ, ผงชูรส, au8ust, realme, ເຂົ້າປຽກເຂົ້າ
ທາດຫລວງເມື່ອປີ ຄ.ສ. ໑໘໙໖
ແປະໄວ້ກ່ອນ ຕໍ່ຫນ້າໄປມັນຊິຫາຍາກ
Technorati Tags: ທາດຫລວງ, ທາດຫຼວງ, ພຣະທາຕຸຫລວງ, ໑໘໙໖
ເລື່ອງຂອງຊີ້ນດາດບຸບເຟ່
ແຕ່ໃດ ໆ ມາເວລາມີຄົນຊວນນິນໄປກິນຊີ້ນດ້ານບຸບເຟ່ ກໍ່ມັກຈະຕອບວ່າ “ບໍ່ໄປ” 555 ເພາະວ່າບໍ່ມັກ ເບິ່ງແລ້ວມັນຄືບໍ່ຫນ້າກິນເລີຍ ເພາະວ່າຫຍັງ? ເພາະວ່າ
- ເຂົາເອົາແຕ່ປະລິມານ ຄຸນນະພາບບໍ່ໄດ້
- ບໍ່ຄຸ້ມ ເພາະໄປກັນສາມສີ່ຄົນ ແຕ່ຈ່າຍຄົນລະຊາວຫ້າພັນ (ຢູ່ຫລວງພະບາງ) ແຕ່ກິນໜ້ອຍດຽວ ສູ້ໄປແບບທຳມະດາສັ່ງສອງຊຸດຄຸ້ມກວ່າ
- ໄປແລ້ວບໍ່ເຈີະພວກຫນ້າຕາດີ (ກ່ຽວເດີ້ຂໍ້ນີ້ 555)
ດັງນັ້ນແຫລະ ຈຶ່ງບໍ່ມັກໄປກິນ ເຖິງມີຄົນຊວນໄປແນວໃດກໍ່ບໍ່ໄດ້ ເສຍເວລາ ເສຍຄວາມຮູ້ສຶກ ເຄຍບອກໝູ່ ບອກຄົນຮູ້ຈັກວ່າ ຢ່າໄປກິນເລີຍພວກເຈົ້າ ເຂົາເຮັດບໍ່ຄ່ອຍສະອາດ ບາງຄົນກໍ່ເຊື່ອ ບໍ່ຄົນກໍ່ຟັງແລ້ວ ໆ ໄປ ບໍ່ໃສ່ໃຈ
ພໍດີມື້ນີ້ໄປອ່ານກະທູ້ໃນມະຫາສານ
ເລື່ອງນີ້ບໍ່ແມ່ນເລື່ອງທີ່ຫາກໍ່ເກີດຂື້ນ ຄວາມຈິງແລ້ວມັນເກີດມາແຕ່ດົນ
ມີຄົນຈຳນວນຫຼາຍ ທີ່ມີພຶດຕິກຳມັກກີນຂອງຟຼີ ຫຼືກີນແບບບຸບເຟ ເພາະໄດ້ກີນຫຼາຍ ກີນຕາມໃຈມັກ ໃນນີ້ລວມທັງຜູ້ຂຽນເອງ ແຕ່ຈະມີຈັກຄົນ ທີ່ຮູ້ຈັກ (ຜົນເສັຍ)ຂອງມັນ ໃນປະຈຸບັນ ກຳລັງມີການກໍ່ສ້າງເສັ້ນທາງຫຼາຍແຫ່ງໃນນະຄອນຫຼວງວຽງຈັນ ເຮັດໃຫ້ຮ້ານຊີ້ນດາດ ແບບບຸບເຟ ຫຼາຍແຫ່ງໄດ້ຮັບຜົນກະທົບ ມີບາງວັນ ຮ້ານອາຫານບໍ່ມີແຂກມາ ອາຫານທີ່ຕຽມໄວ້ເຫຼືອຫຼາຍ ເຈົ້າຂອງຮ້ານເກັບຊີ້ນໄວ້ດ້ວຍການໃຊ້ສານ ຮໍໂມນ (ເປັນສານກັນບູດ-ເນົ່າ) ເພີ່ນນິຍົມເອົາໄວ້ສັກຄົນຕາຍ ເພື່ອເຮັດໃຫ້ຊົບບໍ່ເນົ່າເໝັນ ໂດຍການປະສົມສານຮໍໂມນກັບນ້ຳໃນອັດຕາສ່ວນ 1ບ່ວງກາເຟ ຕໍ່ນ້ຳ 20ລິດ ແລ້ວເອົາຊີ້ນ ແລະອາຫານທະເລທີ່ຂາຍບໍ່ໝົດ ລົງລ້າງ ແລ້ວເກັບໄວ້ໃນຕູ້ແຊ່ ຈະເຮັດໃຫ້ຊີ້ນເບີ່ງຄືວ່າສົດ ແລະບໍ່ມີກີນເໝັນ
ທ່ານຮູ້ບໍ່ວ່າ ສານຮໍໂມນຕົວນີ້ ຈະໄປທຳລາຍລະບົບປະສາດໃນຮ່າງກາຍ ຂອງທ່ານ ເຮັດໃຫ້ທ່ານມີອາການ ວີນວຽນ ປວດຕາມຕົນຕົວ ແລະມີອາການແຫບຄໍ-ຄໍແຫ້ງ ແລະໄອ ເລັກນ້ອຍ ໃນຕອນຕົ້ນ ຖ້າທ່ານໄປກວດຢູ່ໂຮງໝໍ ທ່ານກໍ່ຈະບໍ່ພົບອາການຜິດປົກກະຕິ ແຕ່ຢ່າງໃດ ແຕ່ຖ້າສະສົມດົນໄປສານຮໍໂມນຕົວນີ້ກໍ່ຈະພາ ໃຫ້ເກີດເປັນມະເຮັງໃນລຳໃສ້ ແລະຖ້າບໍ່ໄດ້ຮັບການຮັກສາທີ່ຖຶກຕ້ອງ ແລະຖ່ວງທັນກັບເວລາ ກໍ່ເຖິງຂັ້ນເສັຍຊີວິດໄດ້
ອ່ານແລ້ວສະຫຍອງ 555+ ແຮງວ່າຊ່ວງນີ້ຫລວງພະບາງບໍ່ຄ່ອຍມີແຂກມີຄົນແດ່ ຢ້ານເຂົາຊິເຮັດແບບດຽວກັບຢູ່ວຽງ
Technorati Tags: ຊີ້ດາດ, หมูกระทะ, ບຸບເຟ່, ຂອງຟຣີ, ກິນຫລາຍ, realme, au8ust, ຫລວງພະບາງ, ວຽງຈັນ
ພາບບັນຍາກາດງານສົງການຢູ່ຫລວງພະບາງ
ເບິ່ງທັງຫມົດໄດ້ຈາກລິງກ໌ Picasa Web Album
ປ.ລ. ນາງສັງຂານປີນີ້ຊື່ວ່າ “ສະລັກເພັດ ສີອຸດົມພັນ” ອາຍຸ 18 ປີ
Technorati Tags: ສົງການ, ບຸນປີໃຫມ່, ຮູບພາບ, ປີໃຫມ່ລາວ, ບຸນເດືອນຫ້າ, ແຫ່ນາງສັງຂານ, au8ust
ເງິນລາວແບບເກົ່າ
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
ທີ່ມາ - UBRU.ac.th [via]
ສັງຄົມລາວ
ຫມາເຫົ່າຊ້າງ ລະວັງບ່ອນບາທາມັນເດີ
ຕີນຊ້າງຢຽບປາກນົກ
ປາກບໍ່ໄດ້ໄອບໍ່ດັງ
ໃຜມືນ້ອຍຄ່ອຍຢິບຄ່ອຍແຍມ ໃຜມືໃຫຍ່ຮູດກິນຮູດກິນ
ມ້າສອງປາກແຕ່ມີດາກດຽວ
ຜູ້ກິນກິນພໍຮາກ ຜູ້ຢາກຢາກບໍຕາຍ
